Samarqand viloyatidan Tojikistonga o‘tish mumkin bo‘ladi

© Sputnik / Valeriy Blinov / Mediabankka o‘tishKPP na granitse Tadjikistana
KPP na granitse Tadjikistana - Sputnik O‘zbekiston
Obuna bo‘lish
O‘zbekiston Tojikiston bilan chegarada o‘tkazish punktlari faoliyatini tiklaydi, shuningdek, yangi o‘tkazish nazorat punktlari ochiladi hamda temir yo‘lda ham o‘tkazish punkti tashkil etiladi

TOShKENT, 23 fev — Sputnik. O‘zbekiston hukumati o‘zbek-tojik davlat chegarasida ayrim o‘tkazuv punktlari faoliyatini tiklash bo‘yicha qaror qabul qildi, deb xabar qilmoqda Sputnik O‘zbekiston muxbiri.

Gori v Tadjikistane - Sputnik O‘zbekiston
O‘zbekiston va Tojikiston chegaralaridagi "Karimov devori" buzib tashlandi
Adliya vazirligi ma’lumotlariga ko‘ra, yaqin vaqtlarda Samarqand viloyatidagi "Jartepa", Jizzax viloyatidagi — "Qushkent" va "Uchturg‘on", Sirdaryo viloyatidagi — "Xovostobod", Toshkent viloyatidagi — "Bekobod", Namangan viloyatidagi — "Pop", Farg‘ona viloyatidagi — "Ravot", Surxondaryo viloyatidagi — "Gulbahor" avtomobil o‘tkazish punktlaridagi infratuzilmalarni yaxshilash bo‘yicha ishlar yo‘lga qo‘yiladi.

Bundan tashqari, hukumat Amuzang temir yo‘l o‘tkazish punkti infratuzilmasini tartibga solishni rejalashtirmoqda.

"O‘zbekiston temir yo‘llari" kompaniyasiga 1-mart sanasiga qadar "G‘alaba — Xoshadiy" temir yo‘l uchastkasining O‘zbekistondagi qismini qayta ta’mirdan chiqarish hamda bu yerda o‘tkazuv punktini jihozlash topshirig‘i berilgan.

Yana bir muhim xabar — Samarqand viloyatida yangi o‘tkazish punkti paydo bo‘ladi. U Urgut tumanining Jartepa poselkasida joylashadi.

Yangiliklar lentasi
0