Военные медики Узбекистана идут первыми к пьедесталу почета

Ўзбекистон ҳарбий медиклари биринчиликда бормоқда

271
(Янгиланган 14:29 10.08.2019)
Барча босқичлар натижасига кўра Ўзбекистон 5635 балл тўплаб, ҳозирча биринчиликда кетмоқда

ТОШКЕНТ, 10 авг - Sputnik. "Фориш" тоғ полигонида шу кунларда "Ҳарбий-тиббий эстафета" танлови иштирокчиларининг касбий маҳорати, аниқ ва тезкорлигини юзага чиқаришга қаратилган "Индивидуал маҳорат" танлови бўлиб ўтди.

Военные медики Узбекистана идут первыми к пьедесталу почета
пресс-служба
Военные медики Узбекистана идут первыми к пьедесталу почета

Унда 11 мамлакат шарафини ҳимоя қилган ҳарбий хизматчилар икки йўлакчада, қисқа масофадаги стартдан финишгача: шартли ярадор беморнинг қўлини жгут билан боғлаш ва белгиланган маррагача судраб бориш; ўпка-юрак реанимациясида юрак ёпиқ массажи махсус манекенга сунъий нафас бериш ҳамда шартли беморнинг қўлини боғлаган ҳолда, хавфсизлик қоидаларига риоя этиб, уни кўтарганча ҳудуддан эвакуация қилиш вазифаларини бажарди.

Нуфузли танлов низомига кўра, аёллар ўртасида шартли беморнинг оғирлиги – 62 килограмм бўлса, эркаклар ўртасида – 70 килограммни ташкил этди (бронежилетдан ташқари!). Натижалар билан қуйида танишишингиз мумкин.

Шифокорлар ўртасида: Элмурод Бобожонов (1178 балл) — Ўзбекистон; Андрей Малахов (990 балл) — Россия; Нуржан Капезов (929 балл) — Қозоғистон энг яхши натижаларга эришишди.

Ўрта ва кичик тиббий персонали ўртасида: Валижон Бегалиев (1101 балл); Шохруҳ Иброҳимов (1062 балл); Хокимбек Мадаминжонов (1050 балл)лар энг яхши натижа кўрсатди, уларнинг барчаси Ўзбекистон вакили.

Ушбу йўналиш бўйича аёллар ўртасида ўтказилган мазкур шарт натижаларида ўзбекистонлик аёл ҳарбийлар ғалаба қозонди: Ойдин Убайдуллахужаева (802 балл); Лилия Манасыпова (781 балл); Саидахон Абдумўминова (777 балл).

Барча босқичлар натижасига кўра Ўзбекистон 5635 балл тўплаб, ҳозирча биринчиликда кетмоқда. Иккинчи ўринда Қозоғистон 4913 балл билан одимлаётган бўлса, кучли учликка Россия (4808 балл) якун ясамоқда.

Эслатиб ўтамиз, бугун, 10 август куни "Ҳарбий-тиббий эстафета" танловининг "Энг яхши ҳайдовчи" шарти бўлиб ўтади.

271
Мавзу:
Халқаро армия ўйинлари-2019 (26)
Глава Агентства информации и массовых коммуникаций Комил Алламжонов

Комил Алламжонов COVID-19 билан беморланганини маълум қилди

500
(Янгиланган 15:16 11.07.2020)
Алламжонов коронавирус аломатларини сезган инсонларга зинҳор тушкунликка тушмасликни маслаҳат берган. Энг муҳими, ташхис тўғри қўйилмасдан турли дори воситаларини ичиш мумкин эмаслиги, бу организмга ўз салбий таъсирини кўрсатишини эслатиб ўтган

ТОШКЕНТ, 11 июл - Sputnik. Миллий масс-медиани қўллаб-қувватлаш ва ривожлантириш жамоат фонди васийлик кенгаши раиси Комил Алламжонов янги турдаги коронавирус - COVID-19 билан беморланганини маълум қилди. Алламжонов бу ҳақда ўзининг телеграмм саҳифасида эълон қилган видеомурожаатида сўзлаган.

Унинг айтишича, бундан бир неча кунлар олдин унда ҳарорат кўтарилиши ва ҳолсизлик сезилган, баданида, мушакларида турли оғриқлар пайдо бўлган. Тест топшириб кўрганида, унда коронавирус инфекцияси борлиги аниқланган. Шундан сўнг у ўз уйида, яқинларидан изоляцияда бўлган ҳолда ушбу касалликни бошдан кечирган.

Алламжоновнинг айтишича, у ҳозирда соғайган ва оила-аъзолари билан мулоқотга киришган.

Комил Алламжонов ушбу касаллик белгиларини ўзида сезган инсонларга зудлик билан шифокорга мурожаат қилишни маслаҳат берган.

"Ўз ҳолингизча бирон бир муолажаларни қилишдан тийилинг, чунки коронавирусга (қарши) деб кўплаб дориларни тавсия қилишаяпти интернетда, коронавирусга (қарши) деб турли протоколларни эълон қилишаяпти, мен бу нарсаларни қилмасликка чақирган бўлардим. Чунки саломатлигингизга зиён етказиб қўйишингиз мумкин. Ўзингизни эҳтиёт қилинг, муҳими тушкунликка тушманг, чунки бу касалликнинг давоси бор", - дея якунлаган мурожаатини Алламжонов.

Эслатиб ўтамиз, Ўзбекистонда коронавирус инфекцияси қайд этилганлар сони 11 июль ҳолатига кўра, 179 тага кўпайди ва 12206 нафарни ташкил этмоқда.

500
Телеканал Russia Today. Архивное фото

"Чегара билмас репортёрлар" RT ва Sputnik билан боғлиқ вазиятни қоралади

258
(Янгиланган 14:35 11.07.2020)
RSF баёнотида ОАВнинг таъқиқи ёки ёпилиши "Россия сегодня" бош директори Дмитрий Киселёвга қарши санкцияларнинг бир қисми сифатида қабул қилиниши мумкин эмаслиги таъкидланган.

ТОШКЕНТ, 11 июл - Sputnik. "Чегара билмас репортёрлар" Латвия ва Литвадаги RT ва Sputnik билан боғлиқ вазиятдан ташвишдалигини билдирдилар.

Халқаро ташкилот бу икки мамлакатга ЕИ санкциялари қандай ишлаши ҳақида тушунча беришга қарор қилди, деб ёзади Sputnik Ближнее зарубежье.

RSF баёнотида ОАВнинг таъқиқи ёки ёпилиши "Россия сегодня" бош директори Дмитрий Киселевга қарши санкцияларнинг бир қисми сифатида қабул қилиниши мумкин эмаслиги таъкидланган.

"Мустақил ва ишончли янгиликлар репортажларини ҳимоялаш ва олдинга суриш қонуний бўлсада, RSF ушбу таъқиқларни ЕИ санкциявий сиёсатини суиистеъмол қилиш сифатида баҳолайди. ОАВнинг таъқиқи ёки ёпилиши "Россия сегодня" бош директори Дмитрий Киселевга қарши санкцияларнинг бир қисми сифатида қабул қилиниши мумкин эмас", - дейилади RSF баёнотида.

Эслатиб ўтамиз, жорий ҳафтада Латвия ва Литва RTга ўз давлатида таъқиқ қўйди. Ўтган йил якунида Sputnik Эстония ходимлари республика ҳукумати томонидан бўлган жиноий таъқиб хатари туфайли редакция билан меҳнат муносабатларини тўхтатишга мажбур бўлган эдилар.

258
Футбол

“Бунёдкор” клуби футболчиси коронавирус юқтириб олганликда гумон қилинмоқда

98
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

98
Теглар:
коронавирус, футбол