O‘zbekiston SSV autsorsing tizimini o‘limga qarshi kurashning muhim sharti deb bilmoqda

© Sputnik / Sergey Kuznetsov / Mediabankka o‘tishXirurg pered nachalom operatsii
Xirurg pered nachalom operatsii - Sputnik O‘zbekiston
Obuna bo‘lish
Autsorsing tizimi shifokorga faqat davolash bilan shug‘ullanish imkoniyatini yaratadi

TOShKENT, 13 avg - Sputnik. O‘zbekiston Sog‘liqni saqlash vazirligi rasmiylari idora tizimidagi eng muammoviy sohalarda autsorsing tizimini joriy etishga qaror qildi. Bu haqda bugun AOKA binosida bo‘lib o‘tgan brifing davomida ma’lum qilindi, deb xabar qilmoqda Sputnik O‘zbekiston muxbiri.

Stolovaya - Sputnik O‘zbekiston
IIV boshqaruvidagi muassasalarda autsorsing tizimi joriy etiladi

Sog‘liqni saqlash vazirligining davlat-xususiy sheriklik va tibbiy turizmni rivojlantirish bosh boshqarmasi boshlig‘i Kamolxo‘ja Eshnazarovning ta’kidlashicha, autsorsing tizimi aksariyat rivojlangan davlatlarda yo‘lga qo‘yilgan.

"Isroil, Germaniya davlatlarida bo‘lganimda, menga hatto kotibasi autsorsing tizimi asosida kelib ishlayotganini aytishdi. To‘g‘rida, shifokorning asosiy va yagona vazifasi - odamlarni davolashdan iborat bo‘lishi kerak. U kommunal xizmatlariga qanday haq to‘lash, xonasini kim tozalashi, ko‘chani kim supurishi, kasalxonani kim qo‘riqlashi yoki dorilarni kim olib kelib berishi haqida bosh qotirmasligi lozim", - deb tushuntiradi SSV vakili.

Shu bois, sog‘liqni saqlash sohasida davlat-xususiy sheriklikni rivojlantirish ishlarini ushbu sohada birlamchi ahamiyatga ega yo‘nalishlardan boshlashga kelishib olingan.

"Tibbiyot sohasida eng muammoli sohalarni tanlab oldik. O‘lim ko‘rsatkichlariga eng ko‘p olib kelayotgan, aholining yashash muddatini uzoqlashtira oladigan, eng ko‘p moliyaviy mablag‘ talab qilayotgan va ijtimoiy ahamiyatga ega bo‘lgan, hududlarning ehtiyojlarini eng ko‘p og‘ir ahvolga olib kelib qo‘yadigan yo‘nalishlar shular jumlasidan. Bular ichida eng muammolisi - gemodializ xizmati ekan. Sababi, bugungi kunda gemodializ xizmatiga boradigan bemorlarga ikki barobar kam xizmat ko‘rsatiladi. Bir martalik gemodializni bitta bemorga to‘rt marotaba ishlatayapmiz - bemorlarning o‘rtacha yashash umri 5-yildan oshmaydi. Dunyo bo‘yicha bu ko‘rsatkich 10-yildan yuqori", - deya tushuntirdi autsorsing tizimining istiqbolini Eshnazarov.

Ushbu tadbirlarni bajarish maqsadida, "O‘zbekiston Respublikasi Sog‘liqni saqlash vazirligi tizimidagi davlat tibbiyot muassasalarida autsorsing xizmatlarini tashkil qilish to‘g‘risidagi nizomni tasdiqlash haqida"gi qaror Vazirlar Mahkamasiga kiritilgan.

Sentabr oyi oxirigacha qaror tasdiqlansa, O‘zbekiston sog‘liqni saqlash tizimida autsorsingga o‘tish ishlari boshlanadi.

Yangiliklar lentasi
0