Узбекские милиционеры рядом с патрульной машиной

Тошкентда доллар тўла сейфни ўмарган жиноятчилар қўлга олинди

1243
(Янгиланган 20:12 11.09.2019)
Тошкент шаҳар ИИББ босқинчилик содир этилгач, ўз расмий сайтида жиноятчиларга келиб ўз хоҳиши билан таслим бўлиш ва пулларни қайтариш талаби билан мурожаат қилган. Бундан хабар топган жиноятчилар ўртасида "доллар васвасаси" бошланган ва улар жанжаллашиб қолишган

ТОШКЕНТ, 11 сен - Sputnik. Тошкент ИИББ Шайҳонтоҳур туманидаги 4 қаватли уйнинг иккинчи қаватида жойлашган хонадондан ичида йирик миқдорда валюта бўлган сейфни босқинчилик йўли билан ўмарган жиноятчиларнинг тўрт нафарини қўлга олингани ҳақида хабар берди.

Эслатиб ўтамиз, ушбу жиноят сожир этилгач, ҳолат юзасидан Ўзбекистон Жиноят кодексининг "Босқинчилик" (164 моддаси 4 банди) моддаси бўйича жиноят иши очилган ва унга кўра жиноятчилар 20 йилгача озодликдан маҳрум этилиши мумкин эди.

Тошкент шаҳар ИИББ инсонпарварлик нуқтаи назаридан жиноятчиларга мурожаат қилган ва агар улар ички ишлар бўлимига келиб таслим бўлсалар, уларга бериладиган жазо енгиллаштирилишини маълум қилган эди. Аммо жиноятчилар бу чақириқни инкор этган.

ИИББ ходимлари томонидан ўтказилган тергов-тезкор тадбирлари натижасида, ушбу жиноятни содир этган жиноятчилар шахси аниқлаштирилган. Уларнинг барчаси муқаддам судланган шахслар эканлиги айтилмоқда.

Шулардан 29 яшар Анвар яшнободлик, 54 яшар Мирҳомид Шайҳонтоҳур туманидан, 44 яшар Ботир учтепалик, 39 яшар Нажмиддин олмазорлик экани аниқланган.

Жиноятчилар ёнларидан ашёвий далил сифатида пулларнинг бир қисми, ниқоблар ва қўлқоплар топилган.

Маълум бўлишича, жиноят содир этилгач, босқинчилардан бири интернетда ИИББнинг ўз хоҳиши билан таслим бўлиш эълонини кўрган ва улар ўртасида келишмовчилик рўй берган.

Шундан сўнг жиноий гуруҳнинг икки нафари қочиб кетган.

Тошкент ИИББда улар Қозоғистон чегарасидан қачон ва қаердан кесиб ўтганлиги ҳақида маълумот бор. Улар борасида тезкор-қўлга олиш чоралари кўрилмоқда.

1243

Россияда коронавирусга қарши вакцинанинг якуний синов босқичи бошланди

388
Шифокор Н.Н. Бурденко номидаги Бош ҳарбий госпиталда коронавирусга қарши вакцинациядан ўтаётган иштирокчиларни кундалик кўрикдан ўтказмоқда

ТОШКЕНТ, 10 июл — Sputnik. Гамалея номидаги Миллий тадқиқот маркази ва Мудофаа вазирлиги томонидан ўтказилаётган коронавирус вакцинаси клиник синовларининг якуний босқичи бошланди, дея хабар берди РИА Новости ҳарбий идорага таянган ҳолда.

Тестлар 18 июнь куни бошланган. Синов иштирокчиларининг тўққиз нафарига вакцинанинг битта компоненти, яна тўққиз нафарига иккинчиси киритилган.

Сал кейин, 23 июн куни, яна 20 нафар кўнгилли вакцина олган, улар препаратни бустер вариантда тестдан ўтказишади - кўнгиллиларга вакцинанинг иккинчи компоненти сал кейинроқ киритилади.

Биринчи гуруҳга 15 июль куни, улар назорат анализларини топширгач касалхонадан жавоб берилади ва улар ўз хизмат жойларига қайтадилар. Ҳозирда синовдан ўтаётганларнинг ҳолати яхши, "аҳвол, салбий реакциялар ёки нохуш ҳолатлар бўйича шикоятлар йўқ".

Кўнгиллиларнинг иккинчи гуруҳига 13 июль куни иккинчи компонент киритилади, бу уларда иммунитет кучайишига ёрдам бериши керак, дея таъкидлайди идора.

Олинган маълумотлар, қайд этилишича, "COVID-19 коронавирусига қарши вакцина киритилган биринчи ва иккинчи гуруҳ кўнгиллиларда иммун жавоб шаклланганидан далолат беради".

388

Хитой ва Япониядаги иккинчи тўлқин: нега дунё COVID-19дан қутулолмаяпти?

385
Хитой ва Японияда коронавируснинг янги авж олиши хавфли инфекцияни тўҳтатиб туриш қобилияти муаммосини акс эттиради ва пандемия тугаши ҳали ҳам жуда узоқда эканлигини эслатиб туради.

ТОШКЕНТ, 9 июл - Sputnik. Коронавирус яна Осиёнинг баъзи регионларида кучаймоқда, деб ёзади Bloomberg бизнес ахборотлар агентлиги.

Шу билан бирга Гонконг ва Токио Австралия пойтахти Мельбурнда карантин эълон қилинганидан бир неча кун ўтгач, COVID-19 рекорд даражада авж олганлиги ҳақида эълон қилди.

Осиё шаҳарларида коронавируснинг "жонланиши" бир неча ҳафталик нормал ҳаётдан сўнг қайд этилди, одамлар офисларга, ресторанларга эса яна ташриф буюрувчилар учун эшикларини очди.

"Касалликнинг авж олиши коронавирус пандемиясининг тугашига ҳали анча вақт борлигини эслатади. Самарали ва оммавий эмлатишсиз, шаҳарлар ноаниқ ҳолатда қолиши мумкин, ижтимоий масофани қисқартирилиши эса янги назоратга олиб бўлмайдиган касалланишларга олиб келади", - дейилади мақолада.

Bloomberg га кўра, олимлар ҳануз коронавируснинг бир неча ҳафта давомида жим ва аломатсиз тарзда тарқалиш қобилиятини ўрганишолмаяпти. Баъзи мутахассислар инфекция ҳавода бир неча соат давомида "омон қолиши" мумкин деб тахмин қилишмоқда.

"Вирус бизни тарк этмайди. У бутунлай йўқ бўлиб кетмайди ва узоқ вақт давомида нол даражасида бўлолмайди. Жамият яна иқтисодий ва ижтимоий фаолиятни чеклаши керак, акс ҳолда инфекцияга янги чалинишлар муқаррар", - деди Гонконг озиқ-овқат ва соғлиқни сақлаш вазири София Чан.

Гонконгда коронавируснинг янги ҳолатлари келиб чиқишини назорат қилиб бўлмаяпти. Тахминларга кўра, инфекциянинг яширин манбалари регионда ресторан, савдо марказлари, барлар очилиб, аҳолининг кўпчилиги маскалардан бош торгандан кейин маълум вақтгача циркуляция қилган. Бу маҳаллий ҳокимият пандемия пайтида касалликнинг авж олишини икки марта бостиришга муваффақ бўлган бир шароитда юз бермоқда.

Японияни ҳам коронавирусга қарши муваффақиятли чоралар туфайли ўрнак қилиб кўрсатишмоқда. Бироқ Токиода амалдорлар вируснинг такрорий авж олишида карантин вақтида ҳам ҳатто мажбуран ёпишнинг иложи бўлмаган тунги клубларни айблашмоқда.

"Биз тўлиқ қуролланган бўлишимиз керак. Маҳаллий авжланишларни тўхтатишнинг энг яхши усули - чеклов чоралари енгиллаштирилган тақдирда ҳам, ижтимоий масофани сақлашдир", - дейди ишонч билан Гонконг шаҳар университети жамоат саломатлиги бўйича мутахассиси, доцент Николас Томас.

385
Мавзу:
COVID-19 умумжаҳон пандемияси

АҚШ сурияликларни “очликдан ўлдириш”га уриниш учун Россия ва Хитойни жазоламоқчи

0
(Янгиланган 20:33 10.07.2020)
Америка бош котиби БМТда вето қўйиш ҳуқуқини суиистеъмол қилаётгани учун Россия ва Хитойни жазолаш керак деб ҳисобламоқда.

Куни кеча давлатлар Сурияга гуманитар ёрдам етказиш бўйича резолюцияни блокладилар. Бельгия ва Германия томонидан Туркия-Сурия чегарасида 2та НЎП қолдиришни таклиф қилишди. Бироқ Москва ва Хитой бунга рози бўлмади. Россия ўз резолюция лойиҳасини тайёрлади.

Америкаликлар норозилигининг яширин сабаблари ҳақида – видеомиздан билиб олишингиз мумкин.

0