Ветряные турбины

Ўзбекистон инвесторларни мамлакат энергетика соҳасини ривожлантиришга чорламоқда

284
Энергетика вазири ўринбосари чет эллик инвесторларни энг сўнгги технологиялар билан келишга чорлади.

ТОШКЕНТ, 21 сен - Sputnik, Дилшода Раҳматова. Ўзбекистон хорижий инвесторларни мамлакат энергетика соҳасини ривожлантиришга чорламоқда. Бу ҳақда куни кеча бўлиб ўтган МОМИҲга аъзо давлатлар энергетика вазирлари йиғилишида Ўзбекистон энергетика вазири ўринбосари Шерзод Ходжаев айтиб ўтди.

"Инвесторлар Ўзбекистоннинг энергетика соҳасига инвестиция киритишлари учун бир нечта сабаблар мавжуд. Биринчидан - бу кафолатланган бозор. Электр энергияни сотишда ҳеч қандай катта рақобат бўлмайди. Иккинчидан, давлат иккита нарсани кафолатлайди - ишлаб чиқарилган электр энергия тўлиқ ҳажмда сотиб олинади ҳамда инвестиция қилинган маблағларингизга ҳеч ким тегмайди. Ўзбекистонга келган инвестор ўз инвестицияларини тўлиқ қайтариб олади ва кўзлаган даромадига эга бўлади", - деди Ходжаев.

Энергетика вазири ўринбосари шунингдек, инвесторларни энг сўнгги технологиялар билан келишга чорлади.

"Агар бу технологиялар газ ёқишга асосланган бўлса, келинглар, энг сўнгги классдаги, энг юқори самарадорликка эга бўлган турбиналарни қурайлик. Агар қуёш энергетикаси ҳақида гапираётган бўлсак, у ҳолда, энг сўнгги классдаги панелларни қуриш ҳақида режа тузайлик, чунки бу лойиҳаларнинг барчаси 20-25 йил истиқболга мўлжалланмоқда", - деб қайд этди Ходжаев.

Шунингдек, Ўзбекистон ҳар бир инвестор учун очиқ эканлиги, ҳатто изланиш олиб боришнинг зарурати йўқлиги таъкидлаб ўтилди.

"Биз барча зарур маълумотларни тақдим этамиз. Хоҳ у регионлар бўйича истеъмол прогнозлари бўлсин, хоҳ қуёш радиацияси ёки шамоллар харитаси - барча зарур бўлган маълумотлар берилади. Бу каби ишлар учун вақт кетказиш ёки четдан маслаҳатчилар ёллашнинг кераги йўқ. Музокаралар столига ўтириб, лойиҳани ҳаётга татбиқ этишни бошлаш керак, холос", - деди вазир ўринбосари. 

284
Лола Юлдашева беременна третьим ребенком - фото

Ширингина қизалоқ: хонанда Лола Йўлдошева учинчи бор она бўлди

283
(Янгиланган 16:09 07.07.2020)
Хонанданинг мухлислари ушбу ажойиб хушхабардан сўнг табрикларни ёғдира бошлаганлар. Аксарияти жажжигина қизалоққа бахт ва соғлик тилашмоқда

ТОШКЕНТ, 7 июл - Sputnik. Хонанда Лола Йўлдошева учинчи бор она бўлди. Хонанда қиз фарзандни дунёга келтирди. Бу ҳақда Лола Йўлдошева ўзининг инстаграмида маълум қилган.

Посмотреть эту публикацию в Instagram

Публикация от Lola Yuldasheva (@lolaofficial_)

"Қизалоғим..., бизнинг дунёмизга хуш келибсан. Бизнинг бебаҳо хазинамиз✨ бизнинг бахтимиз, биз сени жуда ҳам яхши кўрамиз. Даданг билан ҳамиша ёнингда бўламиз", - деб ёзган хонанда янги туғилган чақалоқ оёқчалари акс этган суратга қолдирган изоҳида.

Хонанданинг мухлислари ушбу ажойиб хушхабардан сўнг табрикларни ёғдира бошлаганлар.

Аксарият тилакларда янги меҳмонга бахт ва соғлик тиланган.

Ушбу хушхабар ҳозиргача 30 мингдан ортиқ лайк тўплаган. Икки мингдан ортиқ изоҳлар қолдирилган.

283
Иван Сафронов

НАТОга ишлаган: "Роскосмос" бош директори маслаҳатчиси давлатга хоинликда айбланяпти

299
(Янгиланган 14:07 07.07.2020)
Жиноий иш "Давлатга хиёнат" моддаси бўйича қўзғатилган. Сафронов 20 йилдан ортиқ муддатга қамалиши мумкин.

ТОШКЕНТ, 7 июл - Sputnik. "Роскосмос" раҳбари маслаҳатчиси Иван Сафронов НАТО махсус хизматларидан бирига ишлаганликда гумонланмоқда. Тахмин қилишларича, Сафронов бўлинмага ҳарбий-техник ҳамкорлик ва Россия "мудофааси" ҳақидаги махфий маълумотларни узатиб турган. Бу ҳақда сешанба куни РФ ФСБ маълум қилди.

"Москвада "Роскосмос" давлат корпорацияси бош директорининг маслаҳатчиси Сафронов Иван Иванович қўлга олинди. Сафронов, НАТО махсус хизматларининг бири томонидан берилган топшириқни бажариб, бўлинма вакилига давлат сирини ташкил қилувчи РФ ҳарбий-техник ҳамкорлиги, мудофааси ва хавфсизлиги ҳақидаги маълумотларни етказиб турган", - дейилади релизда.

Жиноий иш "Давлатга хиёнат" моддаси бўйича қўзғатилган. Сафронов 20 йилдан ортиқ муддатга қамалиши мумкин.

"Роскосмос"дагиларнинг таъкидлашича, Сафроновнинг қўлга олиниши унинг давлат корпорациясидаги фаолияти билан боғлиқ эмас.

"Роскосмос"га ишга жойлангунга қадар 2010 йилдан 2019 йиллар оралиғида Сафронов "Ведомости" ва "Коммерсант" нашрларида ишлаган, ҳарбий ва космик соҳага оид мавзулар билан шуғулланган. "Роскосмос" раҳбари Дмитрий Рогозиннинг ахборот сиёсати бўйича маслаҳатчиси лавозимига жорий йил май ойи охирида тайинланган.

299
Ведущий научный сотрудник Центра Корейских исследований Института Дальнего Востока РАН Евгений Ким

Ўзбекистон ва Жанубий Корея ўзаро савдони 5 миллиард $гача етказиши мумкинми - эксперт

165
(Янгиланган 21:33 07.07.2020)
Россия Фанлар академиясининг Узоқ Шарқ институти Корейс тадқиқотлари марказининг етакчи илмий ходими Евгений Ким икки республиканинг ўзаро ташқи савдосини амалга оширишга нима тўсқинлик қилиши мумкинлиги юзасидан ўз фикрларини айтди.

6 июль куни Сеулда Ўзбекистон бош вазир ўринбосари - Инвестициялар ва ташқи савдо вазири Сардор Умурзоқов ва Жанубий Корея савдо, саноат ва энергетика департаменти раҳбари Сонг Юн Мо музокаралар ўтказди. Учрашув давомида, 2019 йил охирида мамлакатлар ўртасидаги савдо ҳажми 27 фоизга ўсиб, 2,7 миллиард долларни ташкил этгани қайд этилди - бу сўнгги беш йил ичидаги энг юқори кўрсаткич. Томонлар 2023 йилга қадар ўзаро савдо ҳажмини 5 миллиард долларга етказиш учун барча шарт-шароитлар мавжуд, деб ҳисоблашмоқда.

Россия Фанлар академиясининг Узоқ Шарқ институти Корейс тадқиқотлари марказининг катта илмий ходими Евгений Кимнинг таъкидлашича, беш миллиард доллар - Жанубий Кореянинг ташқи савдо айланмасининг 0,35 фоизини ташкил этади.

Унинг сўзларига кўра, савдо ҳажмини ушбу кўрсаткичга етказиш режалари, айниқса Жанубий Корея Ўзбекистон билан ҳамкорлик қилиш йиллари давомида 3 миллиард долларга яқин сармоя киритганини ҳисобга олсак, жуда яхши.

Бироқ, экспертнинг фикрига кўра, ҳамма нарса пандемиядан кейин икки мамлакат иқтисодиёти қанчалик тез тикланишига боғлиқ бўлади.

"Масалан, Жанубий Корея ва Хитой ўртасидаги муносабатлар қандай ривожланиши муҳим. Бу йил коронавирусдан олдин бўлган савдо ҳажмини тиклай олмасликлари эҳтимолидан холи эмас. Бу баъзи бир, Ўзбекистон Жанубий Кореяга етказиб бера оладиган маҳсулотларга талабнинг пасайишига олиб келиши мумкин, чунки Ўзбекистон юқори технологияли саноат маҳсулотларини етказиб берувчиси эмас, балки хом ашёни етказиб беради. Жанубий Кореядан экспорт ҳажми камайса, хом ашёга бўлган талаб ҳам пасаяди", - деди Евгений Ким.

Экспертнинг тўлиқ изоҳини Sputnik подкастида тинглашингиз мумкин.

Смогут ли Узбекистан и Южная Корея довести объем торговли до $5 млрд — мнение эксперта
165