TOShKENT, 2 okt - Sputnik. RF Federatsiya kengashi spikeri Valentina Matviyenko O‘zbekistonlik diplomatlar faoliyatiga yuqori baho berdi, deb xabar qilmoqda Sputnik O‘zbekiston muxbiri.
O‘zbekiston Oliy Majlisi Senati Raisi Tanzila Narbayeva bilan jurnalistlar oldida qilgan chiqishi yakunida Matviyenko tashrifga tayyorgarlik nihoyatda oliy darajada ko‘rilganini mamnuniyat bilan qad etdi.
"Rossiya delegatsiyasiga ko‘rsatilgan chuqur ehtirom va e’tibor uchun tashakkur. Biz bu iliq mehmondo‘stlikni his etdik, biz buni juda qadrlaymiz. Bu e’tiborni bizning davlatimizga, xalqimizga bo‘lgan munosabat ramzi, deb qabul qilamiz, rahmat. Bunday tayyorgarlikka hamisha ham bo‘lavermaydi. O‘zbekistonda Diplomatik protokol, diplomatik amaliyot oliy darajada ishlaydi", - deb qayd etdi Matviyenko.
Eslatib o‘tamiz, Rossiya Federal Majlisi Federatsiya kengashi raisi Valentina Matviyenko kuni kecha, 1-oktabr kuni rasmiy tashrif bilan O‘zbekistonga kelgan edi. Martabali mehmonni Islom Karimov nomidagi "Toshkent" xalqaro aeroportida O‘zbekiston Ssenati raisi Tanzila Norboyeva, O‘zbekiston TIV rahbarining birinchi o‘rinbosari Ilhomjon Ne’matov, Rossiyaning O‘zbekistondagi favqulodda va muxtor elchisi Vladimir Turdenev va boshqa rasmiy shaxslar kutib oldi.
