TOShKENT, 21 mar - Sputnik. O‘zbekiston sanitar vrachi Bahrom Almatov mobil telefonlar orqali koronavirusning yuqishi ehtimoli yuqoriligini qayd etdi.
"Bugungi kunda telefonlar eng ko‘p ishlatiladigan anjomlardan biri. U o‘zida turli viruslar, shu jumladan, koronavirusni ham saqlashi ham mumkin. Bemor bir odam telefonni ikkinchi odamga berganda, virus ham ko‘chib o‘tadi. Koronavirus to‘lqinlar orqali yuqmaydi. Buni to‘g‘ri tushunish kerak”, — dedi Davlat Bosh sanitariya vrachi Bahrom Almatov koronavirus mavzusiga bag‘ishlangan brifing davomida.
Almatov smartfonlarni vaqti-vaqti bilan dezinfeksiyalash zarurligini ta’kidladi.
Eslatib o‘tamiz, so‘nggi ma’lumotlarga ko‘ra, O‘zbekistonda COVID-19 koronavirusini yuqtirganlar soni 37 nafarni tashkil etmoqda.
