TOShKENT, 27 mar - Sputnik. Sog‘liqni saqlash vazirligining xabariga ko‘ra, ayni vaqtgacha O‘zbekistonda koronavirus infeksiyasi bilan kasallanganlar soni 8 taga oshib, 83 nafarni tashkil etmoqda.
Ushbu infeksiyani yuqtirib olganlarning 5 nafari Toshkent shahrida, uch nafari esa Andijonda qayd qilingan tasdiqlandi.
Sal oldin O‘zbekistonda koronavirusga chalingan bemorlardan biri vafot etgani haqida xabar bergan edik. Bu bemorlanganlar orasida qayd etilgan birinchi o‘lim holatidir.
Bemor uzoq yillar davomida qandli diabet, surunkali o‘tkir yurak yetishmovchiligi va boshqa kasalliklar bilan davolanib kelgan va bugun tongda shifokorlarning reanimatsion muolajalariga qaramasdan o‘tkir miokard infarktidan vafot etgan.
Butunjahon sog‘liqni saqlash tashkiloti 11-mart kuni yangi turdagi COVID-19 koronavirus infeksiyasini pandemiya, deb e’lon qildi. So‘nggi ma’lumotlarga ko‘ra, dunyo bo‘yicha 460 mingdan ziyod kishi koronavirus bilan bemorlangan, 20 mingdan ziyodi vafot etgan.
