"Ўлмас полк" юришига нацистлар суратини юборган фитначилар аниқланди

698
Ўлмас полк юриши онлайн тартибда 9 май куни ўтказилганди. Ёвуз ниятли кимсалар Гитлер, СС рейхсфюрери Гиммлер ва Нюрнберг трибуналида маҳкамага тортилган бошқа нацист-жиноятчиларни полк иштирокчилари сифатида турли номлар остида жойлаган.

ТОШКЕНТ, 16 май — Sputnik. Россия Тергов қўмитаси нацист жиноятчилари фотосуратларини "Ўлмас полк" онлайн юриши ўтказиладиган сайтга ким жойлаганини аниқлади, деб хабар қилмоқда РИА Новости идора расмий вакили Светлана Петренкога таянган ҳолда.

Илгарироқ берилган хабарларга кўра, "Ўлмас полк - онлайн" ташкилотчилари ҳалок бўлганларнинг хотирасини булғашга уриниш ҳаракатларига дуч келишган. Айрим иштирокчилар ветеранлар фотосуратлари ўрнига нацист Германиясининг идеологлари, пешволари ва офицерлари суратларини йўлладилар.

Ёвуз ниятли кимсалар Гитлер, СС рейхсфюрери Гиммлер ва Нюрнберг трибуналида суд қилинган бошқа нацист жиноятчилари фотосуратларини турли номлар остида жойлаганлар. Ҳужумлар 500дан зиёд IP-манзиллардан бир неча соат давомида амалга оширилган ва бу ҳолат уларнинг қасддан режалаштирилганини кўрсатади. Фитначилар ҳақидаги маълумотлар РФ Тергов қўмитасига юборилган.

ТҚ маълумотларига кўра, нотўғри ахборотни жойлашга уринишлар амалга оширилган IP-манзиллар, шунингдек, уларнинг эгалари аниқланган.

"Ҳуқуқбузарлик ҳаракатлари ўнлаб, асосан чет эл фуқаролари томонидан амалга оширилгани аниқланди. Шунингдек, "Ўлмас полк" акцияси давомида нацизмни реабилитация қилишда гумонланаётганлар орасида мамлакатимизнинг турли регионларидан 10дан зиёд россияликлар борлиги аниқланган", - деди Петренко.

Идора фикрига кўра, ушбу ҳаракатлар нацист режими жиноятларини оқлаш рамзи сифатида амалга оширилган. Тергов ишлари давом этмоқда, аниқланган шахслар қидирилмоқда.

"Ўлмас полк" онлайн юриши 9 май куни ўтказилди. Акцияга талаб катталиги маълум бўлди — онлайн-юришда иштирок этиш истагида бўлганлардан 3 миллионга яқин аризалар келиб тушди.

698
Мавзу:
Ғалабанинг 75 йиллиги (50)

COVID-19нинг иккинчи тўлқини қачон рўй беради - шифокор изоҳи

138
Касаллик кузда авж оладими ёки эртароқми, кўпроқ об-ҳаво шароитларига, ёзнинг салқин ёки иссиқ бўлишига ва биз одатдаги турмуш тарзимизга қанчалик тез қайтишимизга, чекловлар қанчалик эрта олиб ташланишига боғлиқ бўлади", - дея тушунтиради шифокор

ТОШКЕНТ, 4 июн - Sputnik. Россияда коронавируснинг иккинчи тўлқини келиши муддати ёзнинг қандай бўлишига боғлиқ ва шу билан бирга, ҳар қанақасига иккинчи тўлқиннинг интенсивлиги пастроқ бўлади, деди президент девони Марказий клиник шифохонасининг юқумли касалликлар бўлими бошлиғи Екатерина Трифонова.

Мутахассиснинг таъкидлашича, вируснинг янгилиги ва иммунитетга эга аҳолининг улуши жуда пастлиги сабабли, иккинчи тўлқиннинг деярли олдини олиб бўлмайди.

"Касаллик кузда авж оладими ёки эртароқми, кўпроқ об-ҳаво шароитларига, ёзнинг салқин ёки иссиқ бўлишига, биз одатдаги турмуш тарзимизга қанчалик тез қайтишимизга ва чекловлар қанчалик эрта олиб ташланишига боғлиқ бўлади", – дея тушунтиради Трифонова.

Шу билан бирга, шифокор баъзи россияликлар аллақачон COVID-19дан давониб чиққанлигига асосланиб, иккинчи тўлқиннинг интенсивлиги пастроқ бўлишини таъкидлади. Аввалроқ, президент матбуот котиби Дмитрий Песков коронавирус инфекциясининг янги авжи эҳтимоли ҳақида гапираётиб, у мутахассислар томонидан ҳисобланаётганлигини таъкидлади. Шу билан бирга, Песков, Россия соғлиқни сақлаш тизими ҳар қандай қийинчиликларга жавоб беришга тайёрлигини таъкидлади, коронавирусга қарши кураш учун замин яратилди.

COVID-19 пандемияси деярли бутун дунёни қамраб олди. Бутунжаҳон соғлиқни сақлаш ташкилотининг маълумотларига кўра, 6,2 миллиондан ортиқ одам касалликка чалинган, 379 мингдан ортиқ бемор вафот этган.

Россияда коронавирус 432 277 одамда аниқланган, улардан 195 957 нафари даволанди.

Аввалроқ Владимир Путин, мутахассислар Россияда коронавирус тарқалиши чўққиси ўтиб бўлган, деган фикрда эканликларини айтган эди. Мамлакат аста-секин чекловларни бекор қилина бошлади, аммо баъзи регионларда, шу жумладан Москвада, ўз-ўзини яккалаш режими узайтирилди. Шаҳар мэри Сергей Собянин SARS-CoV-2га қарши вакцина пайдо бўлгунга қадар, шаҳарда баъзи чеклов чоралари давом этиши мумкинлигини истисно қилмади.

Ўзбекистонда касалланганлар сони 3843 кишини ташкил этди. Улардан 3014 нафари даволанди, 16 киши вафот этди.

138
Мавзу:
COVID-19 умумжаҳон пандемияси
Работа приемной комиссии МФТИ

Тез кунда Олий таълим муассасаларига ҳужжатларни қабул қилиш бошланади

114
Ўзбекистон Ахборот технологиялари ва коммуникацияларини ривожлантириш вазирлигига 10 кун муддатда олий таълим муассасаларига ўқишга кириш учун ҳужжатларни қабул қилиш бўйича давлат хизматини жорий этиш вазифаси юклатилган.

ТОШКЕНТ, 4 июн - Sputnik. Тез кунда олий таълим муассасаларига ҳужжатларни қабул қилиш бошланади, деб хабар бермоқда Тошкент шаҳар ҳокимлиги ахборот-хизмати.

Норматив-ҳуқуқий ҳужжатлар лойиҳалари муҳокамаси порталида Ўзбекистон Республикаси Вазирлар Маҳкамасининг “Вазирлар Маҳкамасининг “Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида”ги қарорига ўзгартириш ва қўшимчалар киритиш ҳақида”ги қарори муҳокама учун қўйилди.

Қарор билан олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатиш тизимини такомиллаштириш назарда тутилган.

Хусусан, Ўзбекистон Ахборот технологиялари ва коммуникацияларини ривожлантириш вазирлигига ўн кун муддатда олий таълим муассасаларига ўқишга кириш учун ҳужжатларни қабул қилиш бўйича давлат хизматини Ягона интерактив давлат хизматлари портали орқали жорий этиш вазифаси юклатилган.

Шунингдек, Ўзбекистон Республикаси Вазирлар Маҳкамаси ҳузуридаги Давлат тест маркази ўн кун муддатда ўзининг расмий веб-сайтида абитуриентлардан ҳужжатларни қабул қилиш имкониятини яратиши лозимлиги ҳам қайд этилган.

114
Минарет и мечеть Калян, медресе Мири-Араб (Бухара)

Ўзбекистонда туризм уч босқичда тикланади

10
Мамлакатнинг туризмни қайта тиклаш режалари ҳақида Туризмни ривожлантириш давлат қўмитаси раиси “Тикланиш йўли” халқаро онлайн туризм конференцияси доирасида сўзлаб берди.

ТОШКЕНТ, 4 июн — Sputnik. Ўзбекистонда туризмнинг тикланиши уч босқичда амалга оширилади. Аввал ички туризм, кейин ҳудудий туризм ва пандемия вазиятини ҳисобга олган ҳолда ташқи туризм тикланади.

Мамлакатнинг туризмни қайта тиклаш режалари ҳақида бош вазир ўринбосари, Туризмни ривожлантириш давлат қўмитаси раиси Азиз Абдуҳакимов “Тикланиш йўли” халқаро онлайн туризм конференцияси доирасида сўзлаб берди.

Туризм қўмитаси хабарига кўра, конференция Ўзбекистон ташаббуси ҳамда Бутунжаҳон туризм ташкилоти (БТТ) шафелигида ўтган.

2020 йилнинг 1 июнидан Ўзбекистоннинг “яшил” ва “сариқ” ҳудудларда ички туризм қайта тикланди. Шу санадан эътиборан кўрсатилган ҳудудларда тегишли ташкилотлар – туроператорлар, турагентликлар, жойлаштириш воситалари, маданият, маданий мерос объектлари санитария-гигиена қоидаларига қатъий риоя қилган ҳолда иш бошлаши мумкин.

Абдуҳакимовнинг сўзларига кўра, мамлакатда 63 фоиз туроператорлар ва 81 фоиз жойлаштириш воситалари (меҳмонхоналар, ҳостеллар) ўз фаолиятини тўхтатган.

Биринчи босқич ички туризм орқали уларнинг фаолиятини қайта тиклашга бағишланади. Шунингдек, халқаро туризмни тиклашга максимал тайёр бўлиш учун ушбу босқичда Uzbekistan. Safe travel GUARANTEED хавфсизлик тизими жорий қилинади.

Иккинчи босқич қўшни мамлакатлар ва МДҲ давлатлари билан ташкиллаштирилган ҳудудий туризмни қайта тиклашдан иборат бўлади. Бунда туристик гуруҳларнинг бутун саёҳат давомида хавфсизлик, санитар-гигиеник талаблар ва ижтимоий масофа  чораларига риоя қилиш масалаларини ишлаб чиқиш жуда муҳим,

Туризм қўмитаси раиси ҳудудлар бўйича ҳамкасбларига тезкор муносабат билдирувчи қўшма гуруҳни тузиш, турли мавзуда янги аралаш турларни ишлаб чиқиш билан ҳам уйғунлаштиришни таклиф этган: гастрономик турлар, витамин турлари, кўчманчилар турлари, мототурлар, палов турлари, археологик ҳамда сизу бизнинг туристик шаҳар ва марказларимиздан ўтувчи бошқа турлар.

Бунинг учун махсус Silk Road Project платформаси яратилган. Унда нафақат Ипак йўли мамлакатлари туристик салоҳияти, балки истиқболли минтақавий турмаҳсулотлар ва маршрутлар ҳам тарғиб қилинади.

Учинчи босқичда Ўзбекистон секин-асталик билан ташқи туризмни тиклайди. Бунда пандемия билан боғлиқ вазиятдан келиб чиқиб,  фуқароларига мамлакатга кириш рухсат этиладиган узоқ хорижий давлатлар рўйхати тузилади.

Қўмита коронавирус пандемияси инқирозидан чиқаётган ва туристик бозорлар очилишига тайёрланаётган Европа ва Осиё мамлакатлари тажрибасини ўрганади. Таҳлил якунларига кўра, амалга ошириладиган халқаро рейсларни қайта тиклаш географиясига доир қарорлар қабул қилинади.

Туризм саноатини тиклашнинг уч босқичи давомида маҳаллий ва хорижий сайёҳларнинг ташрифи доирасида хавфсизлик масалалари билан бир қаторда янги тематик тадбирларни ўтказишга ҳам алоҳида эътибор қаратилади. Гастрономик фестиваль ва акциялар, “Стихия” мусиқа фестивали, “Ақчакўл” пляж ўйинлари, Ҳосил фестивали, “Учинчи ёш туризми” ҳафталиги кабилар шулар жумласидандир.

Бухоро шаҳри 2020 йилда Ислом маданияти пойтахти дея эълон қилинган., Дунёдаги вазият яхшиланиши ва халқаро туризмнинг тикланиши билан мамлакат қатор тадбирлар, жумладан, Иккинчи зиёрат туризм форумини ўтказади.

Ҳозирги пандемия туризм саноатига рақамлаштириш ва ИТ- технологияларни жорий қилиш нақадар муҳимлигини яна бир бор тасдиқлади.

Шубҳасиз, Ўзбекистонда ҳам бу йўналишда фаол ишлар олиб борилмоқда. Масалан, сайёҳлар, тадбиркорлар ва ёш стартаперлар учун алоҳида йўналишлар бўйича online.tourism.uz сайти яратилди.

Шунингдек, пандемия сабаб ўз саёҳатини 2021 йилга қолдиришга тўғри келган бўлажак меҳмонлар учун Online Uzbekistan ва  Uzbekistan360 ресурсларида виртуал саёҳатларни ташкил қилинди.

“Умуман олганда, Ўзбекистон хавфсиз туризмнинг янги тизимини йўлга қўймоқда ва унинг қоидалари туризм саноатининг барча иштирокчилари учун ортиқча ташвиш уйғотмайди. Бир вақтнинг ўзида тизим туристик саёҳатларнинг барча босқичларида касалликнинг олдини олувчи аниқ ва самарали жиҳозларни таклиф этади”, - деди Азиз Абдуҳакимов.

10