Въезд в поселок Сардоба, пострадавший от наводнения

"Сардоба" иши бўйича икки киши қамоққа олинди - Бош прокуратура

1186
Иш бўйича ҳақиқатни аниқлашга тўсқинлик қилиш ҳолатларининг олдини олиш мақсадида бошқа тафсилотлар ошкор қилинмаслиги қўшимча қилинган

ТОШКЕНТ, 23 май - Sputnik. Сардобадаги сув тошқини воқеаси бўйича икки киши қамоққа олинди, дея баёнот берди бош прокуратура ахборот хизмати.

"Сирдарё вилоятидаги “Сардоба” сув омбори билан боғлиқ жиноят иши юзасидан тергов ҳаракатлари олиб борилмоқда. Ҳозирда жиноят иши бўйича 2 нафар шахс гумонланувчи тариқасида ишга жалб қилиниб, уларга нисбатан "қамоққа олиш" эҳтиёт чораси қўлланилди", - дейилади хабарда.

Иш бўйича ҳақиқатни аниқлашга тўсқинлик қилиш ҳолатларининг олдини олиш мақсадида бошқа тафсилотлар ошкор қилинмаслиги қўшимча қилинган.

Тергов ҳаракатлари давом этмоқда.

Эслатиб ўтамиз, Сардоба сув омбори тўғонининг бир қисми ўпирилиб, ёндош туманлардаги маҳаллалар ва далаларни сув босган эди. Натижада Сардоба, Мирзаобод ва Оқолтин туманларида 2 минг 570 та уй-ҳовли, 76 та кўп қаватли уй яроқсиз ҳолга келган эди. Шунингдек, 1 минг 781 ҳовли, 52 та кўп қаватли турар жой қисман зарарланган. Ҳозирда тошқин оқибатларини бартараф этишга қаратилган ишлар жадаллик билан олиб борилмоқда. Жумладан, президент Мирзиёев томонидан Сардобада қуриладиган янги уйлар пойдеворига тамал тоши қўйилган эди.

1186
Мавзу:
“Сардоба” тўғони ёрилиши (61)

РФдан Ўзбекистонга Қозоғистон орқали қайтишни ҳозирча режалаштирманг - ТИВ

300
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

300
Мавзу:
Миграция
Открытие узбекского шоу-рума Moel Bosh в Риге

Россияда "Made in Uzbekistan" миллий маҳсулотлар халқаро кўргазмалари ташкил этилади

237
Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

ТОШКЕНТ, 26 сен - Sputnik. Россиянинг бир нечта ҳудудларида "Made in Uzbekistan" миллий маҳсулотлар халқаро кўргазмалари ташкил этилади, деб хабар қилди "Юксалиш" телеграм канали.

Хусусан, 26 октябрь—1 ноябрь кунлари Самарада; 23—24 ноябрь кунлари Санкт-Петербургда; 1—2 декабрь кунлари Қозонда; 15—16 декабрь кунлари Москвада бўлиб ўтиши кутилмоқда.

Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

Лойиҳадан ёш артистлар ва халқаро мусобақалар ғолиблари ижросида ўтказиладиган мумтоз мусиқа концертлари, рус маданияти ва маънавиятининг энг ёрқин ва бой мероси намуналарини акс эттирадиган кўргазмалар, Россия ва Ўзбекистоннинг маданий ва маънавий бирлигига бағишланган иккиёқлама анжуман, давра суҳбати, фотокўргазма ва хор жамоалари чиқишлари ўрин олган.

Россия маънавий маданияти кунлари тадбирларида иштирок этиш учун Тошкентга икки мамлакатнинг маданий алоқаларини ўрганишга жалб қилинган етакчи маданият, илм-фан арбоблари, жамғармалар ва ташкилотлар директорларидан иборат Россия делегациясини юбориш режалаштирилган.

Бундан ташқари, тадбирларда маданият вазирлари ва Россия регионларидаги муассасалар раҳбарлари иштирок этиши режалаштирилган.

237
Президент США Дональд Трамп

Байден Трампни АҚШ тарихидаги энг ёмон президент деб атади

13
Умуман олганда, Дональд Трамп ва Жо Байденнинг жонли эфирдаги биринчи мунозаралари ўзаро бир-бирини гапини бўлиш ва айбловлардан бошланди.

ТОШКЕНТ, 30 сен — Sputnik. Демократик партиядан АҚШ президентлигига номзод Жо Байден биринчи мунозаралар чоғида амалдаги президент Дональд Трампни мамлакат тарихидаги энг ёмон президент деб атади. Америка марказий телеканаллари номзодлар мунозараларини тўғридан-тўғри эфирга узатди.

Байденнинг фикрига кўра, ҳеч ким Трампга қараганда давлат раҳбари мажбуриятларини ёмонроқ уддаламаган.

“Сиз Америка тарихида бўлган энг ёмон президент”, - деди Байден.

Умуман олганда, мунозаралар ўзаро бир-бирини гапини бўлиш ва айбловлардан бошланди. Трамп бир неча марта Байденга гапини охиригача айтишга қўймади, шундан кейин Байден ундан овозини ўчиришни сўради.

АҚШ президенти сайловлари 3 ноябрь куни бўлиб ўтади. Унга қадар президентлик курсисига асосий даъвогар Дональд Трамп ва Жо Байден жонли эфирда яна икки марта юзлашиши керак.

13