Тожикистондан келган икки нафар фуқарода коронавирус аниқланди - ССВ

576
(Янгиланган 12:36 23.05.2020)
Айни пайтда Ўзбекистонда 2492 нафар коронавирус инфекциясига чалинган фуқаролар (81% бемор) бутунлай соғайган, 573 нафар бемор даволанмоқда. Улардан 4 нафарининг аҳволи оғир.

ТОШКЕНТ, 23 май - Sputnik. Ўзбекистонда коронавирус инфекцияси қайд этилганлар сони 42 нафарга ортиб, 3078 етди, деб хабар қилмоқда Соғлиқни сақлаш вазирлиги.

Президент Республики Таджикистан Эмомали Рахмон
Пресс-служба Президента Республики Таджикистан

Инфекцияга чалиниш ҳолатларининг барчаси чет элдан келган фуқароларда аниқланган.

Жумладан, 2 нафар Тожикистондан келган ва карантин марказига жойлаштирилган фуқароларда коронавирус аниқланган.

Санкт-Петербургдан чартер рейс билан келган 38 нафар ва 2 нафар Қозоғистон орқали Ўзбекистонга кириб келган халқаро юк ташувчи автомашина ҳайдовчиларида инфекция аниқлангани айтилмоқда.

Айни пайтда Ўзбекистонда коронавирус инфекциясига чалинган беморларнинг 2492 нафари (81%) бутунлай соғайган, 573 нафари даволанмоқда. Улардан 4 нафарининг аҳволи оғир.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия, деб эълон қилган эди. БССТ маълумотларига кўра, ҳозирги пайтга қадар дунёда 4,9 миллионта коронавирус инфекциясига чалиниш ҳолатлари қайд этилган, инфекция қурбонлари сони 327 мингдан ошган.

576
Мавзу:
COVID-19 умумжаҳон пандемияси (897)

Ўзбекистонда коронавирусга чалинганлар сони 4022тага етди

315
(Янгиланган 11:38 06.06.2020)
Ҳозирда мамлакатда 759 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 10 нафари оғир, 3 нафари эса ўта оғир аҳволда.

ТОШКЕНТ, 6 июн - Sputnik. Ўзбекистонда коронавирус инфекцияси қайд этилганлар сони 15 нафарга ошди ва 4022тани ташкил этмоқда, деб хабар қилди Соғлиқни сақлаш вазирлиги.

Автобусы Ташкента дезинфицируются для предотвращения инфекционных заболеваний
© Пресс-служба хокимията г. Ташкент.

Таъкидланишича, янги касалланиш ҳолатларининг 4 нафари карантин марказидаги фуқаролар орасида, 3 нафари Тошкент вилоятида Россиядан чегара пост орқали мамлакатга кириб келган халқаро юк ташувчи автомашина ҳайдовчиларида, 5 нафари Навоий вилоятида коронавирусга чалинганлар билан мулоқотда бўлиб карантинга олинган фуқароларда, 3 нафари эса Тошкент шаҳрида аҳоли орасида аниқланган.

Айни пайтда Ўзбекистонда 3247 нафар коронавирус инфекциясига чалинган фуқаролар соғайган.

Ҳозирда мамлакатда 759 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 10 нафари оғир, 3 нафари эса ўта оғир аҳволда.

315
Мавзу:
COVID-19 умумжаҳон пандемияси (897)
Автобусы Ташкента дезинфицируются для предотвращения инфекционных заболеваний

Ўзбекистонда автобус ҳаракатлари қайта йўлга қўйилади

413
(Янгиланган 19:21 05.06.2020)
Автобус салонига фақатгина тиббий ниқобдаги йўловчилар киритилади. Ҳайдовчилар тиббий ниқоб ва қўлқоплар билан таъминланади

ТОШКЕНТ, 5 июн - Sputnik. Жорий йилнинг 8 июнидан — "сариқ" ва "яшил" ҳудудларда жамоат транспортида шаҳар (туман) ва шаҳар атрофи йўналишлари бўйича автобус ҳаракатларига рухсат берилди. Бу ҳақда Республика махсус комиссияси баёноти эълон қилинди.

Дамас, микроавтобус ва метрополитен фаолияти бундан мустасно.

Жамоат транспорти фаолиятини қайта тиклашда қуйидаги талабларга қатъий риоя қилиш талаб этилади:

* автокорхона томонидан транспорт воситасини ҳар бир қатнов олдидан ва охирги бекатда, шунингдек, автошоҳбекатларда тўлиқ дезинфекция қилиш;

* ҳайдовчиларни тиббий ниқоб ва қўлқоплар билан таъминлаш ҳамда уларнинг мунтазам равишда ўз вақтида алмаштириб бориш чораларини кўриш;

* автобус салонига фақатгина тиббий ниқобдаги йўловчиларни киритиш.

Транспорт вазирлигининг ҳудудий ва таркибий тузилмалари масъул ходимлари томонидан тегишли ташкилотлар билан биргаликда ушбу талабларга риоя этилиши назоратга олинади.

Эслатиб ўтамиз, Ўзбекистонда карантин чоралари юмшатилаётгани билан, вазият мураккаблигича қолмоқда.

Бош санитар врач Нурмат Отабеков сўзларига кўра, куни кеча рўйхатга олинган 96 беморнинг 81 нафари карантин муассасаларига жойлаштирилган шахслар орасидан аниқланган бўлса, 13 нафари аҳоли орасида қайд этилган. 2 нафари эса халқаро юк ташувчи шахслар орасида аниқланган.

Шу ҳолатни инобатга олган ҳолда жамоат транспортида ҳаракатланиш вақтида йўловчилардан карантин талабларига қатъий амал қилиш ва ижтимоий масофани сақлашга эътибор қаратиш сўраб қолинади.

Ўз навбатида жамоат транспортида карантин талабларини бузиш тегишли маъмурий жавобгарликка сабаб бўлади.

413
Жители Самарканда около памятника первому президенту Узбекистана Исламу Каримову

Пандемия даврида Ўзбекистонда неча киши ишсиз қолгани маълум қилинди

62
(Янгиланган 14:41 07.06.2020)
Ўзбекистонда пандемиядан олдин ишсизлар сони ўртача 1,35 миллионга яқин эди. Ҳозирда улар сони қарийб 2 миллионга яқинлашган.

ТОШКЕНТ, 7 июн — Sputnik. Ўзбекистонда пандемиядан олдин ишсизлар сони ўртача 1,35 миллионга яқин эди. Пандемия даврида ишсизлар сони қарийб 2 миллионга яқинлашди. Бундан ташқари, Ўзбекистонда 550 мингга яқин меҳнат мигрантлари бошқа давлатларга ишлаш учун чиқиб кета олмаган. Бу ҳақда бандлик ва меҳнат муносабатлари вазири Нозим Ҳусанов Халқаро пресс-клубнинг Фарғона вилоятига бағишланган сонида маълум қилди.

“Барча давлатларга пандемия ўзининг салбий таъсирини кўрсатди. Ўзбекистонда ҳам пандемиядан олдин ишсизлар сони ўртача 1 миллион 350 мингга яқин эди, пандемия бошлангач қатор корхоналар фаолияти тўхтатилди ва ишсизлар сони қарийб 2 миллионга яқинлашди”, - деди вазир.

Таъкидланишича, бу рақамлардан ташқари меҳнат мигрантларига оид статистикалар ҳам мавжуд. Ҳозирда Ўзбекистонда 550 мингга яқин фуқаро бошқа давлатларга ишлаш учун чиқиб кета олмаган.

Вазирнинг сўзларига кўра, олдинда турган вазифалардан бири шундай фуқароларнинг бандлигини таъминлашдан иборат.

Эслатиб ўтамиз, аввалроқ жорий йилнинг биринчи чорагида Ўзбекистонда ишсизлик даражаси 9,4 фоизни ташкил этгани хабар қилинган эди. Энг юқори ишсизлик даражаси 9,8 фоиз билан Самарқанд ва Сурхондарё вилоятларида қайд этилган.

62