Москвадаги Парад вақтида меҳмонлар масофа сақлайдилар

261
Бугун Россия пойтахтида Ғалаба паради бўлиб ўтади. Трибуналарда мингдан зиёд одамлар йиғилади. Парадни турли мамлакатлар президентлари томоша қилишади.

ТОШКЕНТ, 24 июн — Sputnik. Москвадаги Ғалаба паради меҳмонлари ижтимоий масофа меъёрларини ҳисобга олган ҳолда жойлаштирилади, шу мақсадда маркировкалар чизиб чиқилди, деб хабар берди РИА Новости РФ президенти администрацияси матбуот котиби Елена Криловага таянган ҳолда.

Аёлнинг сўзларига кўра, Қизил майдондаги иккита трибунанинг бири 1 089 кишини, яна бири — 150 кишини сиғдиради.

"Меҳмонларни жойлаштиришда хавфсиз масофаланишни таъминлаш мақсадида разметкалар чизиб чиқилган. Қизил майдоннинг байрамона безаклари ўрнатилган, брусчаткада парад разметкалари чизилган", - деди Крилова.

СССР ва Россияда Ғалаба парадлари қандай ўтказилган >>>

Сал олдин РФ президенти Владимир Путин мураккаб эпидемиологик вазият туфайли Ғалабанинг 75 йиллиги шарафига ўтказиладиган парадни 24 июньга қолдириш ҳақида қарор қабул қилган эди. Куни кеча Ўзбекистон президенти Шавкат Мирзиёев тадбирларда иштирок этиш учун Москвага етиб келди. Икки давлат раҳбарлари ўртасида олий даражадаги музокаралар бўлиб ўтди.

261
Мавзу:
Ғалабанинг 75 йиллиги (59)

РФдан Ўзбекистонга Қозоғистон орқали қайтишни ҳозирча режалаштирманг - ТИВ

214
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

214
Мавзу:
Миграция
Открытие узбекского шоу-рума Moel Bosh в Риге

Россияда "Made in Uzbekistan" миллий маҳсулотлар халқаро кўргазмалари ташкил этилади

237
Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

ТОШКЕНТ, 26 сен - Sputnik. Россиянинг бир нечта ҳудудларида "Made in Uzbekistan" миллий маҳсулотлар халқаро кўргазмалари ташкил этилади, деб хабар қилди "Юксалиш" телеграм канали.

Хусусан, 26 октябрь—1 ноябрь кунлари Самарада; 23—24 ноябрь кунлари Санкт-Петербургда; 1—2 декабрь кунлари Қозонда; 15—16 декабрь кунлари Москвада бўлиб ўтиши кутилмоқда.

Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

Лойиҳадан ёш артистлар ва халқаро мусобақалар ғолиблари ижросида ўтказиладиган мумтоз мусиқа концертлари, рус маданияти ва маънавиятининг энг ёрқин ва бой мероси намуналарини акс эттирадиган кўргазмалар, Россия ва Ўзбекистоннинг маданий ва маънавий бирлигига бағишланган иккиёқлама анжуман, давра суҳбати, фотокўргазма ва хор жамоалари чиқишлари ўрин олган.

Россия маънавий маданияти кунлари тадбирларида иштирок этиш учун Тошкентга икки мамлакатнинг маданий алоқаларини ўрганишга жалб қилинган етакчи маданият, илм-фан арбоблари, жамғармалар ва ташкилотлар директорларидан иборат Россия делегациясини юбориш режалаштирилган.

Бундан ташқари, тадбирларда маданият вазирлари ва Россия регионларидаги муассасалар раҳбарлари иштирок этиши режалаштирилган.

237
Гризли

Улкан айиқ бирданига 20 бош бўри билан жанг қилди - видео

7
(Янгиланган 15:51 29.09.2020)
АҚШнинг Йеллоустон миллий боғида гризли - айиқ бирданига 20 бош бўри билан куч синашди ва улардан ўлжани олиб қўйди.

ТОШКЕНТ, 29 сен — Sputnik. Айиқ ва бўрилар галаси жанги акс этган видео АҚШнинг Йеллоустон миллий боғида тасвирга олинди. Бўрилар галаси тунги муваффақиятли овдан сўнг дам олаётган эди – улар бизонни енгишди. Улар олдига айиқ келди.

Россия National Geographic нашри ёзишича, Йеллостондаги гризли-айиқнинг оғирлиги 300 килога етиши мумкин, бўриларнинг вазни эса 50-60 килони ташкил қилади.

Йиртқичлар ўртасидаги жангда айиқ ғалаба қозонди, ҳеч қайси бўри нобуд бўлмади.

7