Ўзбекистон, Тожикистон, Қирғизистон авиарейсларни тиклашга тайёрланмоқда

1524
(Янгиланган 17:33 28.07.2020)
Марказий Осиё мамлакатлари халқаро авиарейсларни тиклаш хусусида ўйлай бошлади. Шу кунларда Тожикистон Россияга ўзаро парвозларни қайта тиклаш илтимосномасини йўллади

ТОШКЕНТ, 28 июл - Sputnik. Марказий Осиё мамлакатлари бирин-кетин авиапарвозларни қайта тиклашга тайёрликларини эълон қилмоқда.

Қирғизистон: эпидемиологик вазият яхшиланишини кутамиз

Қирғизистон Бош вазири Кубатбек Боронов Қирғизистондан авиақатновлар қайта тикланиши мумкин бўлган давлатларни санаб ўтди. Унинг маълум қилишича, бу Россия, Туркия ва Бирлашган Араб Амирликларидир. Кейинчалик бошқа давлатлар билан ҳам парвозлар тикланиши мумкин.

Қирғизистон ҳукумати раҳбари авиарейсларни қайта тиклаш бўйича музокаралар штаб томонидан олиб борилаётгани ва бу масалада ҳар бир давлат билан музокаралар алоҳида ўтказилаётганини таъкидлаган.

Рейслар эпидемиологик ҳолат яхшиланганидан кейин қайта тикланади, дея қайд этган Боронов.

Қирғизистонда эпидемиологик вазият ўта жиддийлигича қолмоқда. Коронавирусни юқтирганлик бўйича 33 844 ҳолат аниқланган, (касалхонадан ташқаридаги пневмония ҳолати билан қўшиб ҳисоблаганда), соғайганлар сони 22 296 та, қурбонлар 1 329 нафарга етган.

Қозоғистон: 10 августдан рейслар тикланиши кутилмоқда

Қозоғистон август ойида Таиланд ва Грузия ва Туркияга авиапарвозларни тикламоқчи. Бу ҳақда бугун Маданият ва спорт вазирлиги туризм индустрияси қўмитаси раиси Достон Риспеков хабар қилган.

Риспековнинг айтишича, "мамлакатда эпидемиологик ҳолат яхшиланганлигини ҳисобга олиб, қатор давлатлар билан авиа-парвозларни қайта тиклаш бўйича масалалар кўриб чиқилмоқда. Хусусан, август ойида Таиланд ва Грузия ва Туркияга рейсларни очиш режалаштирилмоқда".

"Ҳаммаси мамлакатимизда сингари шерик-давлатлардаги эпидемҳолатга боғлиқ бўлади. Аммо бугунги кунда 10 августдан бошлаб рейсларни қайта тиклаш масаласи кўриб чиқилмоқда. Ҳаммаси вазиятга боғлиқ бўлади", - деб қўшимча қилган Риспеков.

Қозоғистон 20 июндан бошлаб Туркия, Хитой, Жанубий Корея, Таиланд, Грузию ва Японияга парвозларни босқичма-босқич тиклади.

Аммо кейинчалик Туркия қозоғистонликлар учун ўз чегараларини ёпган эди.

Расмий маълумотларга кўра, шу кунгача Қозоғистонда коронавирусни юқтирган беморлар сони 84,6 мингдан ошган, 585 киши қурбон бўлган.

Тожикистон: Россия билан авиапарвозларни тиклашга тайёр

Россия ўз чегараларини очишни эълон қилиши билан Тожикистон ҳукумати Москвага РФ билан авиапарвозларни қайта тиклаш бўйича таклиф киритди.

Тожикистон томони "жараён санитар нормаларга ва эпидемиологик талабларга тўлиқ риоя этган ҳолда" амалга оширилишини таъкидлаган.

Шу тариқа, 27 июлдан бошлаб тожик авиакомпанияларига кунига иккита парвозни амалга оширишга рухсат берилган. Эндиликда Тожикистон томони РФга ҳафтасига 14та парвозни амалга ошириш ҳуқуқини қўлга киритган.

Тожикистонда коронавирус инфекцияси билан беморланганлар сони 7,2 мингдан ошган.

Ўзбекистон 1 сентябрдан Россия билан авиапарвозларни тикламоқчи

Ўзбекистон 1 сентябрдан бошлаб Тошкентдан Россия Федерациясининг турли шаҳарларига доимий авиарейслар тиклайди.

Бу ҳақда Россиянинг "АэроТур" авиакомпанияси маълум қилган эди.

Хусусан, Тошкент ва Москва, Санкт-Петербург, Новосибирск, Қозон, Владивосток шаҳарлари ўртасида авиапарвозлар тикланади.

Ҳозирги кунда авиакомпания сайтида 1 сентябрдан 30 сентябргача рейслар жадвали эълон қилинган.

Шу билан бирга, Ўзбекистон Транспорт вазирлиги Ўзбекистон фуқароларини расман тасдиқланмаган хабарларга ишониб  авиачипталарни сотиб олмасликка чақириб келади.

Эслатиб ўтамиз, илгарироқ, Россия МДҲ давлатларига авиа-парвозларни бошқа давлатларга кўра олдинроқ йўлга қўйиши мумкинлиги ҳақида хабар берган эдик.

Россия COVID-19 пандемияси туфайли бошқа мамлакатлар билан мунтазам ва чартер парвозларни 27 март санасидан вақтинчалик тўхтатган эди. РФ 1 августдан Россия Буюк Британия, Туркия ва Танзания билан авиарейсларни қайта тиклашини эълон қилди.

Ушбу давлатлар рўйхати кунлар, ҳафталар ўтиб кенгайтирилиши ҳам қўшимча қилинмоқда.

1524
Мавзу:
COVID-19 умумжаҳон пандемияси (1170)

РФдан Ўзбекистонга Қозоғистон орқали қайтишни ҳозирча режалаштирманг - ТИВ

210
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

210
Мавзу:
Миграция
Открытие узбекского шоу-рума Moel Bosh в Риге

Россияда "Made in Uzbekistan" миллий маҳсулотлар халқаро кўргазмалари ташкил этилади

237
Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

ТОШКЕНТ, 26 сен - Sputnik. Россиянинг бир нечта ҳудудларида "Made in Uzbekistan" миллий маҳсулотлар халқаро кўргазмалари ташкил этилади, деб хабар қилди "Юксалиш" телеграм канали.

Хусусан, 26 октябрь—1 ноябрь кунлари Самарада; 23—24 ноябрь кунлари Санкт-Петербургда; 1—2 декабрь кунлари Қозонда; 15—16 декабрь кунлари Москвада бўлиб ўтиши кутилмоқда.

Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

Лойиҳадан ёш артистлар ва халқаро мусобақалар ғолиблари ижросида ўтказиладиган мумтоз мусиқа концертлари, рус маданияти ва маънавиятининг энг ёрқин ва бой мероси намуналарини акс эттирадиган кўргазмалар, Россия ва Ўзбекистоннинг маданий ва маънавий бирлигига бағишланган иккиёқлама анжуман, давра суҳбати, фотокўргазма ва хор жамоалари чиқишлари ўрин олган.

Россия маънавий маданияти кунлари тадбирларида иштирок этиш учун Тошкентга икки мамлакатнинг маданий алоқаларини ўрганишга жалб қилинган етакчи маданият, илм-фан арбоблари, жамғармалар ва ташкилотлар директорларидан иборат Россия делегациясини юбориш режалаштирилган.

Бундан ташқари, тадбирларда маданият вазирлари ва Россия регионларидаги муассасалар раҳбарлари иштирок этиши режалаштирилган.

237
Флаги Узбекистана и Таджикистана

Арипов ўз вақтида сув етказиб берилгани учун Тожикистонга миннатдорлик билдирди

0
Ҳар икки давлат делегацияси ўртасида бўлиб ўтган учрашувда Арипов ўз вақтида сув етказиб берилгани учун Тожикистонга миннатдорлик билдирди.

ТОШКЕНТ, 29 сен — Sputnik. Ўзбекистон бош вазири Абдулла Арипов ишчи ташриф билан Тожикистонда бўлиб турибди.

Ҳар икки давлат делегацияси ўртасида бўлиб ўтган учрашувда Арипов ўз вақтида сув етказиб берилгани учун Тожикистонга миннатдорлик билдирди.

“Фурсатдан фойдаланиб, жорий йилда сув танқис бўлишига қарамасдан, қўшимча сув етказиб берганингиз учун Тожикистон томонига алоҳида миннатдорлик билдирамиз”, - деди у.

Бош вазирнинг сўзларига кўра, мамлакатлар ўртасида турли соҳаларда хусусан, илмий марказлар ўртасида тажриба алмашиш муҳим аҳамиятга эга. Арипов навбатдаги ишчи гуруҳ йиғилишини Тошкентда ўтказишни таклиф қилди.

“Пандемия вақтида бир биримизни қўллаб-қувватлаганимиз ҳамкорликнинг қай даражада мустаҳкам эканини билдиради. Ўзбекистон бу ҳамкорликни давом эттиришга тайёр”, — Ўзбекистон бош вазири.

Тожикистонда Ўзбекистон бунёд этган мактаб очилди

Эслатиб ўтамиз, аввалроқ Абдулла Арипов бошчилигидаги Ўзбекистон делегацияси Душанбега ташриф буюргани хабар қилинган эди.

0