Коронавирусга чалинган беморларда эшитиш қобилияти ёмонлашади - олимлар

391
(Янгиланган 13:05 01.08.2020)
Тадқиқотчилар коронавирусга чалинган 121 нафар бемор билан алоқада бўлганлар. Улардан баъзилари эшитиш муаммоларидан шикоят қилишган

ТОШКЕНТ, 1 авг — Sputnik. Британиялик олимлар коронавирус эшитиш билан боғлиқ жиддий муаммоларни келтириб чиқариши мумкин, деган хулосага келишди.

Манчестер университети (Буюк Британия) аудиологлари ўтказган тадқиқотлар натижалари ҳақида Daily Mail хабар берган.

Мутахассислар Уайтеншо касалхонасида коронавирусга чалинган 121 нафар бемор ҳолатини кузатувга олганлар. Уларнинг 16 нафарида касалхонадан чиққанидан сўнг саккиз ҳафта ўтгач эшитиш қобилияти ёмонлашган - тенг ярмида қулоқларида шовқин пайдо бўлган, қолган қисми эса яхши эшитмай қолган.

Университетнинг етакчи тадқиқотчиси Кевин Манронинг айтишича, COVID эшитиш тизимининг барча қисмлари, шу жумладан, ўрта қулоқ ёки ички қулоқда муаммоларни келтириб чиқариши мумкин.

Эшитиш нервидан мияга сигнал юбориш тизими ҳам шикастланиши мумкин. Гийен-Барре синдроми деб аталувчи ҳолат эшитиш невропатияси билан боғлиқ бўлиб, унинг коронавирус билан боғлиқлиги маълум, дея таъкидлаган тадқиқотчи.

Мутахассислар тадқиқотнинг барча иштирокчиларини улар касалхонадан чиққанларидан кейин телефон орқали сўроқ қилганлар. Яна 16 киши эшитиш қобилиятидан шикоят қилган. Тўрт киши аҳволи ёмонлашганини айтган, аммо улар коронавирус билан касалланишдан олдин ҳам муаммоларга дуч келганликларини таъкидлашган. Саккиз нафарининг қулоқларида шовқин пайдо бўлган.

Тадқиқот натижалари, COVID-19, айниқса муаммолари бўлган кишиларда қулоқ учун узоқ ёмон оқибатларни келтириши мумкин, деган хулосаларни бермоқда, деб ёзади Daily Mail.

Манро, тадқиқотларга қарамай, эшитиш қобилиятига бошқа омиллар ҳам таъсир қилиши мумкинлигини айтади. Унинг сўзларига кўра, буларга стресс ва ҳавотир, мулоқотни қийинлаштирувчи ниқоблар, COVID-19 қарши қабул қилинадиган ва қулоқларга зарар етказиши мумкин бўлган дори препаратлари ёки жиддий касаллик билан боғлиқ бошқа омиллар киради.

391
Мавзу:
COVID-19 умумжаҳон пандемияси (1085)
Самолет Airbus-320. Архивное фото

Хитой 50та давлат билан авиа-парвозларни тиклади

72
(Янгиланган 10:05 13.08.2020)
Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

ТОШКЕНТ, 13 авг - Sputnik. Хитой дунёнинг 50та давлати билан коронавирус пандемияси туфайли вақтинча тўхтатилган авиа-парвозларни қайта тиклади, деб хабар берди РИА Новости ХХР ҳукумати тарқатган маълумот асосида.

Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

Эслатиб ўтамиз, куни кеча Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага (яшил, сариқ, қизил) ажратилган давлатлар рўйхати тасдиқланди.

Санитария-эпидемиологик вазият барқарор бўлган давлатлардан амалга ошириладиган "яшил рейс"ларга – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония киритилган. Охирги 10 кун ушбу мамлакатларда бўлиб турган ва Ўзбекистонга кириб келган шахслар карантин назоратига олинмаслиги белгиланган.

 

 

72
Мавзу:
COVID-19 умумжаҳон пандемияси (1085)
Самолет Airbus A320 компании Uzbekistan Airways

Ўзбекистон тоифаларга ажратилган авиа-рейслар рўйхатини тасдиқлади

425
(Янгиланган 23:51 12.08.2020)
Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

ТОШКЕНТ, 12 авг - Sputnik. Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

Мазкур қарорга асосан:

Санитария-эпидемиологик вазият барқарор бўлган - яшил рейслар орқали (охирги 10 кун ушбу мамлакатларда бўлиб турган) Ўзбекистонга кириб келган шахслар карантин назоратига олинмайди;

- коронавирус инфекцияси билан касалланиш ҳолатлари камайган - сариқ рейслар орқали — (охирги 10 кун ушбу мамлакатларда бўлиб турган) Ўзбекистонга кириб келган шахслар 14 кун давомида уй карантини назоратига олинади;

- коронавирус инфекцияси билан касалланиш ҳолатлари камаймаган - қизил рейслар орқали (эвакуация рейслари) — Ўзбекистон Республикасига кириб келган шахслар 14 кун давомида карантин назоратида сақланади.

Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

Мазкур рўйхатга асосан:

- яшил рейслар сифатида – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония;

- сариқ рейслар сифатида – Европа Иттифоқи давлатлари (Буюк Британия ва Испания бундан мустасно), Озарбайжон;

- қизил рейслар сифатида бошқа барча давлатлар белгиланди.

Юқоридагилардан ташқари жамоавий (коллектив) иммунитет шаклланиши жараёнини мониторинг қилиб бориш мақсадида антитаначалар (иммунофермент) таҳлилини ўтказиш чораларини кўриш юзасидан мутасаддиларга топшириқлар берилди.

Шу билан бирга, мутасадди вазирлик ва идораларга оммавий ахборот воситаларида маданий-маърифий ва кўнгилочар мазмундаги кўрсатув, эшиттириш ва материалларни кўпайтириш, шунингдек ижтимоий масофани таъминлаган ҳамда санитария-эпидемиология талабларига риоя этган ҳолда театр, кинотеатр, концерт ва бошқа тадбирларни ташкил этиш юзасидан асослантирилган таклифлар киритиш вазифалари белгиланди.

425
Мавзу:
COVID-19 умумжаҳон пандемияси (1085)
Сборная Узбекистана по футболу

Ўзбекистон МТЖнинг ЖЧ-2022 саралаш ўйинлари қолдирилди

8
Коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган.

ТОШКЕНТ, 13 авг — Sputnik. ОФК ва ФИФА ўзаро келишган ҳолда Жаҳон чемпионати-2022 ва Осиё кубоги-2023 қўшма саралаш баҳслари доирасидаги октябрь ва ноябрь ойидаги ўйинларни 2021 йилга қолдирилди. Бу ҳақда ОФК расмий сайтида хабар қилинди.

Кузда Ўзбекистон миллий жамоаси ЖЧ-2022 ва Осиё кубоги-2023 га қўшма саралашидан ўрин олган бир қатор учрашувларда майдонга тушиши режалаштирилган эди. Хусусан, ЖЧ-2022 саралашининг 2-босқичида 13 октябрь куни сафарда Яман билан, 12 ноябрь куни ўз майдонида Сингапур билан, 17 ноябрь куни сафарда Саудия Арабистонига қарши баҳс юритиши лозим эди.

Хабарда ёзилишича, коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган. Шу тариқа Жаҳон чемпионати саралаш ўйинларининг барчаси 2021 йилга қолдирилди.

Ҳозирча саралаш ўйинларининг янги санаси ҳақида маълумот берилмаган.

8