TOShKENT, 11 avg - Sputnik. Harbiy qudrat bo‘yicha jahon reytingida O‘zbekiston 138ta davlat orasida 52-o‘rinni egalladi.
Bu haqda Global Firepower xabar bermoqda.
O‘zbekiston Singapurdan keyingi o‘rinda. Ammo Belarusni ortda qoldirgan.
Markaziy Osiyo mintaqasida harbiy qudrat jihatdan O‘zbekiston yetakchi pozitsiyani egallagan.
Reytingda birinchi o‘rinni - AQSh, ikkinchi pog‘onani - Rossiya, uchinchi o‘rinni - Xitoy egallagan.
Birinchi kuchli o‘nlikka, shuningdek, Hindiston, Yaponiya, Janubiy Koreya, Fransiya, Buyuk Britaniya, Misr va Braziliya kirgan.
Markaziy Osiyo davlatlari va Afg‘onistonning reytingdagi joylashuv o‘rni quyidagicha: Qozog‘iston - 63 o‘rin, Turkmaniston - 77 o‘rin, Afg‘oniston - 78 o‘rin, Tojikiston - 94 va Qirg‘iziston - 98 o‘rinlarni egallashgan.
