Biroz oldin MDH hududida eng mashhur futbol hakami - Ravshan Ermatov o‘zining 17-yillik faoliyatini rasman yakunlagani haqida xabar bergan edik. OFKda ushbu voqeaga bag‘ishlangan rasmiy qutlov marosimi bo‘lib o‘tgan edi.
Ravshan Ermatov Osiyo futbol konfederatsiyasida 17 mavsum davomida faoliyat yuritib, Osiyo Chempionlar Ligasining beshta finali, to‘rtta Osiyo Kubogi va uchta Jahon Chempionatida hakamlik qilgan edi.
Ravshan Ermatov - hakamlik faoliyati davomida o‘zining princhipial va xatosiz arbitr sifatida namoyish etdi va hurmat qozondi. Xalqaro futbol hamjamiyati Ravshan Ermatovni bir necha bor turli unvon va yorliqlar bilan mukofotlagan.
Ravshan Ermatovga bir necha o‘ziga xos rekordlar sohibidir. Xususan u 2010-yilda JARda bo‘lib o‘tgan JChda eng yosh sudya, 2018-yilda JCh o‘yinlarida eng ko‘p marotaba hakamlik qilgan sudya, OFK finalida eng ko‘p marotaba hakamlik qilgan sudya kabi unvonlarga sazovor bo‘lgan edi.
Ayni damda Ravshan Ermatov O‘zbekiston futbol assossiatsiyasi vitse-prezidenti lavozimida ham ishlaydi va futbol rivojlanishiga o‘z hissasini qo‘shishda davom etib kelmoqda.