Toshkent va Doxa aviatashuv to‘g‘risida bitim imzolaydi

© DarakchiSamolet Qatar Airways
Samolet Qatar Airways  - Sputnik O‘zbekiston
Obuna bo‘lish
Doxa shahrida O‘zbekiston-Qatar munosabatlarining shartnoma-huquqiy bazasini kengaytirish va uning inventarizatsiyasi bo‘yicha ikki davlat tashqi ishlar vazirliklari o‘rtasidagi maslahatlashuvlar bo‘lib o‘tdi.

TOShKENT, 18 fev – Sputnik. 2019-yilning 17-18-fevral kunlari Doxa shahrida O‘zbekiston-Qatar munosabatlarining shartnoma-huquqiy bazasini kengaytirish va uning inventarizatsiyasi bo‘yicha ikki davlat tashqi ishlar vazirliklari o‘rtasidagi maslahatlashuvlar bo‘lib o‘tdi. Bu haqda O‘zbekisiton TIV matbuot xizmati xabar qildi.

V Minvneshtorge RU sostoyalas vstrecha s delegatsiyey Gosudarstva Katar - Sputnik O‘zbekiston
O‘zbekiston va Qatar savdo va transport aloqalarini rivojlantirishga kelishib oldi

Qayd etilishicha, muzokaralar chog‘ida turli jabhalardagi ikki tomonlama hamkorlik huquqiy asoslarining hozirgi holati va uni kengaytirish istiqbollari muhokama qilindi, Qatar bilan hamkorlikni rivojlantirish bo‘yicha “yo‘l xaritasi” bandlarini amalga oshirishning borishi hamda joriy yilda o‘tkaziladigan uchrashuvlar va tadbirlar to‘g‘risida ma’lumot almashildi.

“Xususan, aviatashuvlar va o‘simliklar karantini sohasidagi hamkorlik to‘g‘risidagi bitimlarning loyihalari kelishib olindi”, - deyiladi xabarda.

Maslahatlashuvlar doirasida Qatar vazirlik va idoralari ekspertlari bilan alohida muzokaralar o‘tkazilib, investitsiya, transport, soliq, bojxona, qishloq xo‘jaligi va madaniyat sohalaridagi kelishuvlarning loyihalari muhokama qilindi.

Shuningdek, investitsiyalarni o‘zaro himoya qilish va rag‘batlantirish hamda ikki yoqlama soliqqa tortishni bartaraf etish to‘g‘risidagi hukumatlararo bitimlarning loyihalarini muvofiqlashtirish va imzolashga tayyorlash borasida ham kelishib oldilar.

Yangiliklar lentasi
0