Джозеф Вотел

Ўзбекистон ва АҚШ мудофаа идоралари қандай масалаларни муҳокама қилди

620
Учрашувда мудофаа соҳасидаги икки томонлама ҳамкорликнинг бугунги ҳолати муҳокама қилиниб, ҳарбий таълим ва мудофаа соҳаларида истиқболдаги режалар белгилаб олинди.

ТОШКЕНТ, 20 фев – Sputnik. Бугун, 20 февраль куни Ўзбекистон Мудофаа вазирлигида генерал-майор Баходир Курбанов ва Америка Қўшма Штатлари Қуролли Кучлари Марказий қўмондонлик қўмондони генерал Жозеф Вотел музокаралар ўтказди.

"Учрашувда мудофаа соҳасидаги икки томонлама ҳамкорликнинг бугунги ҳолати муҳокама қилиниб, ҳарбий таълим ва мудофаа соҳаларида истиқболдаги режалар белгилаб олинди. Ўзаро манфаатли ҳамкорликларни кучайтириш борасида фикрлар алмашилди", - дейилган Ўзбекистон Мудофаа вазирлиги  хабарида.

Суҳбатда мамлакатлар ўртасида ҳарбий соҳада ҳамкорлик йўналишларида ўсиш суръатлари ортиб бораётгани алоҳида таъкидланди.

АҚШ томони ҳарбий ва ҳарбий-техника соҳасида, шунингдек, минтақада хавфсизликни таъминлаш борасидаги долзарб масалаларига ва Ўзбекистон—Америка мудофаа идоралари ўртасидаги келишувларга Ўзбекистон алоҳида эътибор қаратаётганини эътироф этди.

Баходир Курбанов и Джозеф Вотел обсудили развитие двустороннего сотрудничества
Пресс-служба Министерства обороны РУз
Баходир Курбанов и Джозеф Вотел обсудили развитие двустороннего сотрудничества

Учрашув давомида Афғонистондаги вазиятни ўнглаш, халқаро терроризмга барҳам бериш ҳамда минтақада тинчликни барқарор ушлаб туриш бўйича фикрлар алмашилди.

620