Военнослужащий Британской армии

"Толибон" АҚШ Афғонистондан тез орада қўшинларини чиқариб кетишига умид боғламоқда

352
Эслатиб ўтамиз, шу ҳафтада афғон жамоатчилиги ва сиёсий кучлари, хусусан, "Толибон" ҳаракати вакиллари ҳам Москвага сафар билан келганлар.

ТОШКЕНТ, 30 май - Sputnik. "Толибон" ҳаракати АҚШ ҳаракат вакиллари билан ўтказадиган музокараларнинг кейинги раундида Афғонистондан қўшинларни чиқариши ҳақида эълон қилишига умид билдирмоқда", деди журналистларга толиблар матбуот котиби Муҳаммад Сохайл Шахин.

АҚШ Дохадаги толиблар ҳаракати сиёсий офиси билан музокаралар олиб бормоқда. Музокараларнинг олдинги раунди март ойида ўтказилган бўлиб, янги учрашув вақти ҳали эълон қилингани йўқ.

"Умид қиламизки, америкаликлар билан ўтказиладиган музокараларнинг кейинги раундида улар АҚШ Афғонистондан ўз қўшинларини чиқараётганини эълон қиладилар", - деди у.

Ўзбекистон ва Афғонистон чегараолди савдо зонасини ишга туширди >>>

Шахиннинг сўзларига кўра, бу Афғонистондаги ички низоларни тартибга солишга имкон беради.

Эслатиб ўтамиз, ушбу ҳафтада афғон жамоатчилиги ва сиёсий кучлари, хусусан "Толибон" ҳаракати вакиллари ҳам Москвага сафар билан келганлар.

Москвада афғонлараро музокаралар иштирокчилари барча афғонлар бўлажак ҳукуматда тақдим этилишларига рози эканликларини билдиришган. Янги ҳукумат мамлакатдаги инқироз тартибга солингач шакллантирилиши режалаштирилмоқда, деди Шахин.

Эслатиб ўтамиз, АҚШ ва унинг иттифоқдошлари 2001 йилдан буён Афғонистонда толиблар ва бошқа уюшмаларга қарши операциялар ўтказиб келмоқда. Бу АҚШ қуролли кучлари тарихидаги энг узоқ ҳарбий кампаниядир.

2018 йилда АҚШ президенти Дональд Трамп администрацияси Жанубий Осиёдаги ҳаракатларнинг янги стратегиясини тақдим этган. У Афғонистондаги можарони тартибга солишда минтақа мамлакатларининг фаол иштирокини назарда тутади.

Европа Иттифоқи Афғонистон бўйича ҳамкорликка Марказий Осиё давлатларини жалб қилади >>>

352
Мавзу:
Афғонистон: 30 йил тинчлик илинжида (59)
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

37
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

37
Президент США Джо Байден во время 59-й инаугурации президента в Вашингтоне

Шавкат Мирзиёев АҚШнинг янги президентини табриклади

101
(Янгиланган 15:08 21.01.2021)
Ўзбекистон президенти Шавкат Мирзиёев АҚШнинг янги сайланган президенти Жозеф Байденга табрик йўллади.

ТОШКЕНТ, 21 янв — Sputnik. Шавкат Мирзиёев АҚШнинг янги сайланган президенти Жозеф Байденга табрик йўллади.

“Ўзбекистон Республикаси Президенти Шавкат Мирзиёев Америка Қўшма Штатлари Президенти Жозеф Байденга унинг давлат раҳбари лавозимига киришгани муносабати билан табрик йўллади”, - дейилган давлат раҳбари хабарида.

Конгресс Жо Байденнинг АҚШ президенти этиб сайланганлигини тасдиқлади

2020 йил ноябрида бўлиб ўтган АҚШ президенти сайловларида Жо Байден ғалаба қозонган эди. 2021 йил 20 январь куни у қасамёд қилди ва АҚШ президенти лавозимини бажаришга киришди. 78 ёшда бўлган демократ Байден АҚШнинг қирқ олтинчи ва сайланган энг ёши катта президент бўлди.

101
Теглар:
табрик, Жо Байден, Шавкат Мирзиёев