СБ ООН

Россия ва Хитой АҚШнинг ракетага оид режаларидан сўнг БМТ ХК йиғинини чақирди

268
(Янгиланган 10:18 21.08.2019)
Россия Ташқи ишлар вазири Сергей Лавров АҚШ ракета синовига ДРСМД шартномаси ўз кучини йўқотишдан анча олдин тайёргарлик кўришганини қайд этди

ТОШКЕНТ, 21 авг - Sputnik. Россия ва Хитой АҚШнинг ўрта радиус ҳаракатидаги ракеталарни ишлаб чиқариў ва жойлаштириш ҳақидаги режаларидан сўнг БМТ Хавфсизлик кенгаши йиғилишини чақирди. Учрашув пайшанба куни бўлиб ўтади, деб хабар қилган РИА Новостига халқаро ташкилот қошида Россиянинг доимий вакили вазифасини бажарувчи Дмитрий Полянский.

Хабарда айтилишича, Хавфсизлик кенгашини чақириш ташаббуси, Пентагон ҳаракатланиш радиуси 1987 йилда имзоланган ДРСМД шартномаси талабларини бузадиган янги гипертовушли ракетани ишлаб чиқаргани ҳақидаги баёнотидан кейин илгари сурилган. Ўрта ва яқин масофага учувчи ракеталарни йўқ қилиш (ДРСМД) шартномаси 2 август куни ўз кучини йўқотди, у 500 километрдан 5500 километр масофага учувчи ракеталарга тақиқ қўяр эди.

Илгарироқ АҚШ мудофаа идораси Калифорниядаги Сан-Николас полигонида ракета синови акс эттирилган видеони эълон қилди. Америка ҳарбийлари сўзларига кўра, синов муваффақиятли ўтган, ракета 500 километрдан ортиқ масофага учган.

Россия Ташқи ишлар вазири Сергей Лавров АҚШ ракета синовига ДРСМД шартномаси ўз кучини йўқотишдан анча олдин тайёргарлик кўришганини қайд этди.

Жорий йил бошида Вашингтон Россияни ДРСМД шартномасини узоқ вақтдан буён бузиб келганликда айблаб, ундан бир тарафлама чиқишини эълон қилган эди. Москва АҚШнинг барча айбловларини инкор этиб келмоқда. Россия шартноманинг барча талабларини тўлиқ бажариб келаётгани ҳақида кўп бора такрор-такрор айтган.

Июль ойи бошида Россия президенти Владимир Путин ДРСМД шартномасини тўхтатиб туриш борасидаги қонунни имзолади.

268
Заместитель премьер-министра Республики Казахстан Ералы Тугжанов и премьер-министром Республики Узбекистан Абдулла Арипов

Абдулла Арипов Қозоғистон бош вазири ўринбосари билан учрашди

245
Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

ТОШКЕНТ, 6 мар — Sputnik. Ўзбекистон бош вазири Aбдулла Aрипов Тошкентга ишчи ташрифи билан келган Қозоғистон бош вазирининг ўринбосари Ерали Тугжановни қабул қилди, деб хабар қилмоқда Қозоғистон бош вазири расмий сайтида.

Томонлар соғлиқни сақлаш, таълим ва фан соҳаларида Ўзбекистон-Қозоғистон ҳамкорлигини мустаҳкамлаш масалаларини муҳокама қилдилар.

Музокаралар чоғида иккала мамлакатдаги эпидемик вазият тўғрисида фикр алмашилди, COVID-19 га қарши курашиш бўйича кўрилган чораларни амалга ошириш муҳимлиги таъкидланди, шу билан бирга эпидемия ва пандемия бўлган тақдирда тезкор чоралар кўриш ва ўзаро таъсир ўтказиш бўйича қўшма самарали чораларни ишлаб чиқишга келишилди.

Юқори технологиялар соҳасидаги қўшма лойиҳаларни кенгайтиришга ва икки давлат ўртасида узлуксиз тиббий таълим соҳасида, тиббий таълим муассасалари талабалари ва ўқитувчилари ўртасида академик ҳаракатчанликни кенгайтириш, тегишли қўшма илмий тадқиқотларни ишлаб чиқиш ва амалга ошириш бўйича ўзаро алоқаларни ўрнатиш соҳасида ҳамкорликни фаоллаштиришга келишилди.

Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

Учрашув якунларига кўра, Ерали Тугжанов Ўзбекистон бош вазирини жавоб ташрифи билан Қозоғистонга таклиф этди.

245
Президент вручил награды самым активным и талантливым женщинам и девушкам

Мирзиёев хотин-қизларни 8-март билан табриклади

479
(Янгиланган 17:26 06.03.2021)
"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари байрам арафасида ташкиллаштирилган тантанали тадбирда

ТОШКЕНТ, 6 мар - Sputnik. Ўзбекистон президенти Шавкат Мирзиёев мамлакат хотин-қизларини 8 март айёми билан табриклади. Айни дақиқаларда пойтахтдаги "Конгресс-ҳолл"да 8 март — Халқаро хотин-қизлар куни муносабати билан тантанали маросим бўлиб ўтмоқда, деб хабар бермоқда АОКА.

"Ҳамма ҳаракатларимизда аёлларимиз, муқаддас оналаримизни рози қилиш ётади. Мана шундай пайтда, сиз азизларнинг шаънингизга мадҳиялар айтиш учун одам шоир бўлиб туғилмаганига афсусланиб қолади. Сизлар биз учун аввало муқаддас она, азиз ватан, оила тимсоли, битмас-туганмас меҳр, эзгулик ва куч-ғайрат манбаидирсиз. Бу азалий ҳақиқатни, мураккаб пандемия шароитида, айниқса, чуқур ҳис этмоқдамиз. Сизларнинг барча соҳалардаги фидокорона меҳнатингиз ҳисобидан мамлакатимизнинг қудрати ва салоҳияти, халқаро обрў-эътибори тобора ортиб бормоқда. Бугун барча соҳаларда маррани жуда катта оляпмиз, улкан дастурлар, режа ва лойиҳаларни амалга оширяпмиз. Улар, биринчи навбатда, оналаримиз, опа-сингилларимиз, азиз фарзандларимизнинг ҳаёти ва меҳнат шароитини яхшилашга қаратилган. Фурсатдан фойдаланиб, барчамизга доимо тоғдек таянч бўлиб келаётганингиз учун сизларга, бутун Ўзбекистон хотин-қизларига чуқур миннатдорчилик билдираман", - деган Ўзбекистон раҳбари.

Мирзиёевнинг таъкидлашича, муаммолар бўйича манзилли иш олиб бориш учун мутлақо янги тизим — "Аёллар дафтари" жорий этилди ва кейинги 3 ойда республика комиссияси томонидан ушбу «дафтар»га киритилган 80 минг нафар хотин-қизнинг муаммолари ҳал этилди.

Ижтимоий ҳимояга муҳтож, турмуш шароити оғир аёлларнинг 32 минг нафари иш билан таъминланди. Инқирозга қарши кураш жамғармаси маблағлари ҳисобидан салкам 17 минг нафар хотин-қизга амалий ёрдамлар кўрсатилди.

 Аёл фарзанди бахтли бўлса, асл бахтни ҳис этади. Биргина "Ҳар бир оила — тадбиркор" дастури доирасида 126 мингга яқин аёлларга имтиёзли кредитлар берилди.

Оилавий тадбиркорликни ривожлантириш учун қарийб 215 минг оилага 6 триллион сўмдан зиёд кредит маблағлари ажратилди. Деярли 55 минг нафар хотин-қизлар тадбиркорлик ва касб-ҳунар марказлари томонидан ўқитилди, ҳунармандчилик ва касаначиликка жалб этилди. "Беш муҳим ташаббус" доирасида чекка ҳудудларда тикувчилик цехлари ташкил этилиб, 10 минг нафар аёллар бандлиги таъминланди.

Уй-жой сотиб олиш учун 1 250 нафар аёлларга қарийб 22 миллиард сўмлик бошланғич бадаллар тўлаб берилди.

Жорий йилда ҳам ушбу хайрли ишлар давом эттирилади ва бу борада куни кеча янги қарор имзоланган. Унга кўра, жамиятда аёлларга бўлган эътиборни энг қуйи бўғингача, маҳаллагача тушириб, уларни ҳар томонлама қўллаб-қувватлашнинг яхлит тизими яратилмоқда.

"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари.

479

Ўзбек усталарининг ноёб ижод намуналари - фото

0
(Янгиланган 14:22 08.03.2021)
Тошкентдаги International Tashkent меҳмонхонасида бутун республика усталарининг кўргазмаси бўлиб ўтмоқда. Унда ноёб ҳунармандчилик буюмлари намойиш этилди.

Ярмарка ҳар ой ўтказилади ва ҳар доим қўл санъатлари ихлосмандларининг эътиборини тортади.

Ёғоч, шиша, кулолчилик, заргарлик буюмлари, миллий каштачилик ва барча турдаги аксессуарлар меҳмонлар эътиборига ҳавола этилган.

0
  • Анна Желиховская

  • Анна Желиховская

  • Анна Желиховская

    Миллий услубдаги либослар

  • Анна Желиховская

    Қўғирчоқлар

  • Анна Желиховская

    Ангора эчки жунидан тўқилган буюмлари

  • Анна Желиховская

    Соат

  • Анна Желиховская

    Самарқанд ҳунармандларининг ноёб кумуш тақинчоқлари

  • Анна Желиховская

    Кушуш тақинчоқлар

  • Анна Желиховская

  • Анна Желиховская

  • Анна Желиховская

    Оёқ кийим

  • Анна Желиховская

    Матрешкалар

  • Анна Желиховская

    Тошлардан ясалган заргарлик буюмлар

  • Анна Желиховская

    Ёстиқлар - ноёб каштачилик

  • Анна Желиховская

    Ёғочдан ясалган соатлар

  • Анна Желиховская

    Қўғирчоқлар

  • Анна Желиховская

  • Анна Желиховская

    Кулолчилик буюмлари

  • Анна Желиховская

    Тошкент дизайнерлари ижод намуналари

  • Анна Желиховская

    Декоратив идишлар

  • Анна Желиховская

    Декоратив шағамлар

Теглар:
қизиқарли суратлар, Тошкент, Ўзбекистон