Четвертое заседание узбекско-российского Делового совета в Ташкенте

Ўзаро ҳамкорликда келгуси "ўсиш нуқталари" аниқлаб олинди

204
(Янгиланган 22:01 01.10.2019)
Россия делегацияси вакилларининг таъкидлашича, Ўзбекистон бугунги кунда Россия бизнеси учун экспорт жозибадорлиги бўйича ҳамда россиялик инвесторлар учун манфаатли ҳамкорлар қаторида биринчи ўринни эгаллайди.

ТОШКЕНТ, 1 окт - Sputnik. Тошкентда РФ Федерал Мажлиси Федерация Кенгаши раиси В.Матвиенко расмий ташрифи доирасида Ўзбекистон-Россия ва Россия-Ўзбекистон Ишбилармонлар кенгашининг навбатдаги мажлиси бўлиб ўтди, деб хабар беради Россия Савдо-саноат палатаси сайти.

Россия-Ўзбекистон ишбилармонлар кенгаши раиси, Жанубий Урал Савдо-саноат палатаси президенти Федор Дегтярев Россия бизнесининг ўзбек бозорига қизиқишининг тобора ортиши юзасидан мулоҳаза қилар экан, у “бугунги кунда Ўзбекистонинг хўжалик субъектлари билан Россиянинг деярли барча регионлари ҳамкорлик ўрнатган", дейди. Буларнинг қаторида энг фаоллари сифатида Москва, Санкт-Петербург, Татаристон ва Бошқортистон Республикалари, Краснодар ўлкаси, Челябинск, Оренбург, Новосибирск, Свердловск, Тюмень, Иванов ва Самара вилоятлари санаб ўтилди.

Федерация Кенгаши раиси ўринбосари Илёс Умаханов, мазкур кенгаш йиғилишининг асосий мақсади - мамлакатлар ўртасидаги савдо-иқтисодий ва инвестиция соҳасидаги алоқаларни ривожлантириш учун ҳар жиҳатдан қулай шароитларнинг қонуний асосларини таъминлаб беришдан иборат эканлигини айтиб ўтди. 

“Россия компаниялари бугунда, ҳақиқатдан ҳам, Ўзбекистон билан ҳамкорликка қизиқишлари юқори. Россиялик инвесторлар учун республика, манфаатдорлик нуқтаи назаридан, биринчи ўринда”, дея қайд этди россиялик сенатор.

Мажлиснинг бошқа иштирокчиси Россия Савдо-саноат палатаси вице-президенти Владимир Падалко  ўз чиқиши давомида Ўзбекистон билан минтақалараро савдо-иқтисодий ҳамкорликни тараққий эттириш кераклигини таъкидлади.

“Ўзбекистон бугун Россия бизнеси учун экспорт жозибадорлиги бўйича биринчи ўринни эгаллайди”, - деди В.Падалко. Кичик ва ўрта тадбиркорлик йўналиши бўйича ҳамкорликни ривож топтириш, ўзаро ўсиш нуқталарини ҳамда инвестиция учун салоҳиятли лойиҳаларни аниқлаш бўйича таҳлилий фаолиятни кучайтириш кераклигига алоҳида эътиборини қаратди.

Палата вице-президенти, шу жумладан, оилавий тадбиркорлик борасидаги сиёсатда ўзаро тажриба алмашинуви муҳимлиги ва бу маънода, Ўзбекистонда “Оилавий тадбиркорлик тўғрисида”ги қонуннинг тадбиқ этилгандан кейинги илк амалий натижаларига Россия Савдо-саноат палатасининг қизиқиши юқори эканлигини айтиб ўтди.

Тадбир доирасида транспорт хавфсизлиги соҳасида ва ахборот-коммуникация технологияларини ривожлантириш бўйича АО «ГЛОНАСС» ва «SMARTGEO» МЧЖ ўртасида Ҳамкорлик меморандуми имзоланди.


2018 йил натижалари бўйича, Россиянинг Божхона хизмати маълумотларига кўра, Россия ва Ўзбекистон ўртасидаги товарайирбошлаш 20% га ошди ва 4,4 млрд. АҚШ долл.ни ташкил этди; экспорт 26,5%га – 3,3 млрд. АҚШ долл.гача ошди; импорт эса 3,5% га, яъни 1,1 млрд. АҚШ долл.га етди.

2019 йил январь-июль ойларида Россия ва Ўзбекистон товарайирбошлаш кўрсаткичлари 11,9% га ўсиб, 2,7 млрд. долл.ни ташкил этди. Шу ўринда, экспорт – 13,1% га – 2 млрд. АҚШ долл.гача, импорт – 8,3% - 700 млн. АҚШ долл.гача ўсди.

204
Президент Турецкой Республики Реджеп Тайип Эрдоган

Мутлақо қизиқмас. Эрдоған Айя София тақдири учун қайғураётганларга жавоб қайтарди

825
Бир оз олдин, Туркия Давлат кенгаши 1934 йилда Авлиё София соборини музейга айлантириш бўйича қабул қилинган қарорни бекор қилган эди

ТОШКЕНТ, 11 июл - Sputnik. Бошқа давлатлар фикрлари Истанбулдаги Авлиё София (Айя София) собори диний мақомини ўзгартириш ҳақидаги қарорга таъсир қила олмайди, дея баёнот берди Туркия президенти Ражаб Тойиб Эрдоған.

"Туркия ўз халқи хоҳишидан келиб чиқиб, Авлиё София собори мақомини музейдан масжидга ўзгартириш бўйича қарор қабул қилди. Бошқа давлатлар фикри бизнинг қароримизга таъсир ўтказа олмайди", - дея иқтибос келтирган Эрдоған сўзларидан Anadolu агентлиги.

Туркия етакчиси шунингдек, Анқара ҳаракатларини танқид қилаётганлар ўз ҳудудида исломофобияга қарши курашишга қодир эмасликларини қўшимча қилган.

Бир оз аввал Туркия Давлат кенгаши 1934 йилда Авлиё София соборини музейга айлантириш бўйича қабул қилинган қарорни бекор қилгани ҳақида хабар берган эдик.

Ушбу воқеадан кўп ўтмай Ражаб Эрдоған Айя-Софияни масжига айлантириш ва у ерда мусулмонча ибодатлар бошлаш тўғрисида қарорни имзолаган.

ЮНЕСКО расмийлари собор мақоми ўзгартирилиши ҳақидаги қарорни "чуқур таассуф" билан қабул қилганликларини билдирдилар. Грецияда, ўз навбатида, Туркияга қарши санкциялар зудлик билан қўлланилиши лозимлиги ҳақида даъватлар янграй бошлади. Москва РПЦ вакиллари, Эрдоған қарорига, "чуқур ўйланмаган", дея баҳо бердилар.

825

Грециялик сиёсатчи Туркияга қарши санкциялар киритишни таклиф қилмоқда

338
(Янгиланган 12:37 11.07.2020)
Авлиё София собори - Эрдоғаннинг ўлжаси эмас, у бутун инсониятга тегишли. У насронийлик рамзи. Уни масжидга айлантириб, Эрдоған нафақат насронийларни, балки бутун инсониятни таҳқирламоқда", - деди сиёсатчи.

ТОШКЕНТ, 11 июл - Sputnik. Греция Туркиянинг Истанбулдаги Авлиё София черковини масжидга айлантириш ҳақидаги қароридан сўнг Анқарага қарши зудлик билан санкциялар киритиши, Комотинидаги турк консуллигини, Салоникидаги Камол Отатурк музейини, Туркия билан чегараларни ёпмоғи ҳамда Вотаникосдаги масжидни очмаслиги ва юзлаб ноқонуний масжидларни беркитиши лозим, деди РИА Новостига Европарламентнинг собиқ депутати, "Греция – бошқа йўл" партияси президенти Нотис Мариас.

Мариас Крит университети профессори бўлиб, таълим масканида Европа иттифоқининг институционал тузилишидан дарс беради.

Туркия давлат кенгаши - мамлакатнинг олий маъмурий суди - жума куни 1934 йилда имзоланган Авлиё София соборини музейга айлантириш тўғрисидаги қарорни бекор қилди. Воқеадан кўп ўтмай Туркия президенти Тойиб Эрдоған соборнинг масжидга айлантирилиши ва у ерда мусулмонча ибодатлар бошланиши ҳақида қарорни имзолади.

"Эрдоған кўп йиллар давомида Авлиё София соборини масжидга айлантиришга тайёрлади. Шу боисдан, 2014-2019 йилларда Европарламент депутати бўла туриб, кўп бора уни Европа парламентидаги чиқишларимда қоралаганман", - дейди Мариас.

У Эрдоғаннинг собор бўйича қарорини фитнага йўғрилган, тарихга зид, мутлақо ноқонуний, деб атади.

"У ЮНЕСКОнинг Авлиё София соборини Бутунжаҳон мероси объекти деб эълон қилиш ҳақидаги қарорини бузмоқда. Авлиё София собори - Эрдоғаннинг ўлжаси эмас, у бутун инсониятга тегишли. У насронийлик рамзи. Уни масжидга айлантириб, Эрдоған нафақат насронийларни, балки бутун инсониятни таҳқирламоқда", - дейди сиёсатчи.

"Дунё маданий ҳамжамияти Туркиянинг чақириғига қарши туриши ҳамда "маданият ва варварлик" сингари иккиланишга варварликка йўқ, муросасизликка йўқ, ислом фундаментализмига йўқ, деб жавоб бериши керак", - дейди Мариас.

Унинг сўзларига кўра, Эрдоғаннинг Авлиё София соборини масжидга айлантириш бўйича ноқонуний қарори аллақачон Греция, Россия, ЕИ ва АҚШ, ҳамда барча насроний дин пешволари томонидан қораланган.

"Ушбу контекстда Москва Патриархиясининг мурожаатномаси айниқса баланд янгради", деб ҳисоблайди сиёсатчи.

Унинг фикрича, халқаро ҳамжамият, ЮНEСКО, Европа Иттифоқи ва бутун маданиятли дунё Авлиё Софиянинг музей ва Бутунжаҳон мероси сифатида сақланиб қолиши учун доимий курашни эълон қилишлари лозим, православ халқлари, греклар ва руслар эса "Авлиё Софиянинг замонавий қулаши, православларга қарашли энг катта черковнинг масхараланиши, бизнинг насроний динимизга бўлган ҳақоратга қарши" курашнинг олд қаторида туришлари керак.

Сиёсатчи кескин жавоб чораларини таклиф қилди.

"Греция зудлик билан Туркияга қарши санкциялар киритмоғи лозим. (Мусулмон озчилик истиқомат қиладиган) Комотинидаги турк консуллигини ёпиши, Салоникидаги Камол музейини маҳкамлаши, Туркия билан чегараларни ёпиши ҳамда одамлар ва товарларнинг ҳар қандай ҳаракатини таъқиқлаши, Вотаникосдаги масжидни очмаслиги, иммигрантлар томонидан бошқариладиган юзлаб ноқонуний масжидларни ёпиши керак", - дейди сиёсатчи.

"Шу билан бирга, Греция ЕИни Туркияга иқтисодий санкциялар киритишни, хусусан, Туркияни ЕИ ва Европа инвестиция банки орқали молиялаштиришни таъқиқлашга, турк амалдорларининг активларини музлатишга, турк амалдорларининг ЕИга киришини таъқиқлашга ва турк маҳсулотларини Европа Иттифоқига импорт қилинишига эмбарго жорий этилишини қатъий талаб қилиши керак. Фақат шу йўл билан биз Эрдоғанга Авлиё София собори православликнинг энг буюк черкови эканлиги ва шундай бўлиб қолиши, у ўз ҳаракатлари билан бу ҳолатни булғай олмаслиги ҳақида хабар юборамиз", - дейди Мариас.

 

Купол мечети
© Sputnik / Александр Паниотов

Замонавий Туркия давлатининг асосчиси Камол Отатуркнинг Салоникидаги музейига ҳар йили Туркиядан ўн минглаб сайёҳлар ташриф буюради.

Грециядаги масжидларга келадиган бўлсак, бир неча ойдан сўнг Афина шаҳрининг Вотаникос туманида масжид очилиши кутилаётган эди. Афина - масжидлар мавжуд бўлмаган энг сўнгги Европа пойтахти бўлиб қолмоқда. 1832 йилда Усмонийлар салтанатидан мустақилликни эълон қилгач, Грециянинг бирорта ҳукумати шу пайтгача Афинада масжид қуришга рухсат бермаган. Греция пойтахтида Яқин Шарқ, Африка ва Ҳинд субконтинентидан ўн минглаб мусулмонлар истиқомат қилишади.

Айя-Софияга насроний император Юстиниан томонидан асос солинган ва у 537 йилнинг 27 декабрида очилган. Икки минг йилдан зиёд тарихга эга собор насронийлар дунёсидаги энг йирик ибодатхона саналган. Константинопол Усмонийлар томонидан босиб олиниб, Византия салтанати қулагач собор 1453 йилда масжидга айлантирилган, аммо 1934 йилда замонавий турк давлати асосчиси Камол Отатуркнинг декретига мувофиқ бино музейга айлантирилган ва ЮНЕСКОнинг Бутунжаҳон мероси рўйхатига киритилган.

Айя Софияни масжидга айлантириш қарорига дунёнинг кўплаб давлатларида кескин муносабат билдирилди.

338
Футбол

“Бунёдкор” клуби футболчиси коронавирус юқтириб олганликда гумон қилинмоқда

102
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

102
Теглар:
коронавирус, футбол