Mirziyoyev Turkiy tilli davlatlar hamkorlik kengashi bosh kotibini qabul qildi

© Press-slujba prezidentaGeneralniy sekretar Soveta sotrudnichestva turkoyazichnix gosudarstv
Generalniy sekretar Soveta sotrudnichestva turkoyazichnix gosudarstv  - Sputnik O‘zbekiston
Obuna bo‘lish
O‘zbekiston va Turkiy kengash mamlakatlarini azaldan nafaqat madaniyat, til, ma’naviyat mushtarakligi, balki an’anaviy do‘stlik va uzaro manfaatli hamkorlikka asoslangan munosabatlar bog‘lab turishi ta’kidlandi.

TOShKENT, 5 okt - Sputnik. O‘zbekiston prezidenti Shavkat Mirziyoyev Turkiy tilli davlatlar Ishbilarmonlar kengashi majlisi va Investitsiya forumida ishtirok etish uchun mamlakatga tashrif buyurgan Turkiy tilli davlatlar hamkorlik kengashi bosh kotibi Bag‘dat Amreyevni qabul qildi.

Generalniy sekretar Turkskogo soveta Bagdad Amreyev sovershil perviy rabochiy vizit v Tashkent - Sputnik O‘zbekiston
Turkiy kengash bosh kotibining Toshkentga tashrifi kutilmoqda

Davlat rahbari mehmonni samimiy qutlar ekan, O‘zbekiston va Turkiy kengash o‘rtasidagi hamkorlik jadal rivojlanib borayotganini mamnuniyat bilan qayd etdi.

Mamlakat 14-sentabr kuni 2009-yil 3-oktabrda imzolangan Turkiy tilli davlatlar hamkorlik Kengashini tuzish to‘g‘risidagi Naxichevan bitimini ratifikatsiya qildi hamda tashkilotning joriy yil 15-oktabr kuni Boku shahrida bo‘lib o‘tadigan yettinchi sammitida to‘la huquqli a’zo sifatida ishtirok etadi. 

O‘zbekiston va Turkiy kengash mamlakatlarini azaldan nafaqat madaniyat, til, ma’naviyat mushtarakligi, balki an’anaviy do‘stlik va uzaro manfaatli hamkorlikka asoslangan munosabatlar bog‘lab turishi ta’kidlandi.

Uchrashuvda Turkiy kengashning birinchi navbatda savdo, investitsiyalar, innovatsiyalar, transport, turizm, madaniy-gumanitar almashinuvlar kabi dolzarb yo‘nalishlarda amaliy sheriklikni rivojlantirishga ko‘maklashuvchi samarali mintaqaviy tuzilma sifatidagi salohiyatiga yuksak baho berildi.

Turkiy kengash bosh kotibi O‘zbekiston prezidentiga samimiy qabul uchun chuqur minnatdorlik bildirib, mamlakat Kengashga to‘la huquqli a’zo sifatida kirishi bilan samimiy tabrikladi.

O‘zbekistonning a’zo bo‘lishi tashkilot doirasida samarali ko‘p tomonlama hamkorlikni yanada jadal rivojlantirishga xizmat qilishi alohida qayd etildi.

Flag Uzbekistana - Sputnik O‘zbekiston
O‘zbekiston Turkiy Kengashga nega a’zo bo‘ldi?

Bag‘dat Amreyev O‘zbekistonda davlat va jamiyat qurilishi sohasida, iqtisodiyotni liberallashtirish, ishbilarmonlik va investitsiya muhitini yaxshilash borasida amalga oshirilayotgan keng ko‘lamli islohotlarni yuqori baholadi.

O‘zbekiston xorijiy sheriklar bilan uzoq muddatli va o‘zaro manfaatli aloqalarni rivojlantirishda, avvalo, qo‘shni mamlakatlar bilan do‘stlik va yaxshi qo‘shnichilik munosabatlarini mustahkamlash borasida ulkan muvaffaqiyatlarga erishayotganini alohida qayd etdi.

Oliy martabali mehmon davlat rahbariga Turkiy kengashning bo‘lajak sammitiga tayyorgarlikning borishi to‘g‘risida ma’lumot berdi hamda Kengash bilan O‘zbekiston o‘rtasida samarali munosabatlarni rivojlantirishga har tomonlama ko‘maklashishga tayyor ekanini tasdiqladi.

Yangiliklar lentasi
0