Подписание документов

Ўзбекистон қандай халқаро шартномаларга қўшилганлиги аниқланди

334
(Янгиланган 18:36 07.10.2019)
Ўзбекистон Президенти бараварига иккита халқаро шартномани тасдиқлади. Бу ҳақда Адлия вазирлиги матбуот хизмати хабар қилади.

ТОШКЕНТ, 7 окт - Sputnik. Шавкат Мирзиёев куни-кеча иккита халқаро шартномани тасдиқлади, хабар беради Адлия вазирлиги матбуот хизмати.

Хусусан, МДҲ аъзолари билан интеллектуал мулк объектларига ҳуқуқни ҳимоя қилиш соҳасида божхона органларининг ўзаро муносабатлари тўғрисидаги ҳужжат қабул қилинди. У жорий йил 31 май куни Ашҳободда бўлиб ўтган МДҲ аъзо-давлатлари ҳукумат раҳбарлари кенгаши йиғилишида имзоланганди.

Мазкур шартноманинг республикада жорий этилишида ваколатли орган этиб Ўзбекистон Давлат Божхона қўмитаси белгиланди. Шартнома МДҲ мамлакатлари божхона хизматларига контрафакт маҳсулотларни аниқлашда ўзаро ахборот алмашинувига асос ва кўмак бўлиб хизмат қилади. Бу, ўз навбатида, қайд этилган турдаги маҳсулотларнинг айланмасига самарали тарзда қарши курашишга имкон яратади.

Визит президента Узбекистана Шавката Мирзиёева в республику Беларусь
Пресс-служба президента Узбекистана

Шартнома Ҳамдўстлик ҳудудидаги ўзаро савдо тизимида интеллектуал мулк объектларига бўлган ҳуқуқларни юқори даражадаги ҳимояланишини таъминлайди. 

Шу билан бирга, Ўзбекистон Республикаси ва Беларусь ҳукуматлари ўртасидаги минтақалараро ҳамкорлик тўғрисидаги шартнома ҳам тасдиқланди.

334