Узбекский паспорт

Хориждаги ўзбекистонликлар сайловларда иштирок этишида янги тартиб

349
(Янгиланган 16:54 22.10.2019)
Хорижда бўлиб турган республика фуқаролари илгари фақат консуллик рўйхатидан ўтган тақдирида сайловларда қатнашиши мумкин эди.

ТОШКЕНТ, 22 окт — Sputnik. Олий Мажлис Қонунчилик палатасига ва вилоят, туман, шаҳар кенгашига депутатлар сайловлари роппа-роса икки ойдан сўнг – 22 декабрь куни бўлиб бўлиб ўтади. Хорижда вақтинча ёки доимий яшаётган Ўзбекистон фуқароларининг парламент сайловларида овоз бериш ҳуқуқларини амалга оширишлари учун чет эл ваколатхоналари ҳузурида 53 та сайлов участкаси ташкиллаштирилади. Бу ҳақда Марказий сайлов комиссиясининг навбатдаги мажлисида хабар қилинди.

Илгариги 2014 йил декабрдаги парламент сайловлари республикадан ташқарида 44 та участкада ўтказилган эди.

Тадбирда таъкидланганидек, Сайлов кодексининг 10-моддасига мувофиқ Ўзбекистон Республикасининг чет давлатлардаги дипломатик ва бошқа ваколатхоналари ҳузурида сайлов участкалари тузилиши, уларни округга бириктириш тўғрисидаги масала Марказий сайлов комиссияси томонидан ҳал этилиши белгилаб қўйилган. 

“Илгариги сайловларда овоз бериш ҳуқуқидан республиканинг хориждаги ваколатхоналарида консуллик рўйхатларидан ўтганларгина фойдалана олган. Бу сафар рўйхатда бўлмаганлар ҳам иштирок эта олади. Улар биз билан боғлансалар кифоя”, - деди МСК раиси Мирзо-Улуғбек Абдусаломов.

Бундан ташқари, фуқаролар ТИВ расмий веб-сайти орқали электрон шаклда хориждаги сайлов участкасининг сайловчилар рўйхатига киритиш тўғрисидаги мурожаатини сайловга ўн беш кун қолгунга қадар бериши мумкин.

"Марказий сайлов комиссияси эшитади"

Йиғилишда, шунингдек, “SAYLOV-2019” мобиль иловасининг тақдимоти ҳам бўлиб ўтди. Мазкур мобиль илова сайлов комиссияларининг самарали фаолияти учун қўшимча қулайлик ва имкониятлар яратади. Ундан сайловга оид қонун ҳужжатлари, сайлов комиссиялари фаоллари ҳақида маълумотлар, сайловчилар, комиссия аъзолари, сиёсий партиялар ва номзодлар ҳамда кузатувчилар учун услубий тавсиялар, сайлов фаолларининг билимини оширишга доир ўқув материаллари, китоблар ва мақолалар, сайлов мавзуси бўйича савол-жавоблар ўрин олган.

Расмий маълумотларга кўра, аҳолиси 33 миллиондан ортиқ бўлган Ўзбекистондан ҳозирги вақтда ташқарида бўлган фуқаролар сони қарийб 3 миллион. Уларнинг 2 миллионга яқини Россияда.

Навбатдаги парламент сайловлари республикада 22 декабрь куни бўлиб ўтади. Давлатнинг сайлов тўғрисидаги қонунчилигига мувофиқ, депутатликка номзодлар сиёсий партия томонидан илгари сурилади. Номзодларнинг рўйхатга олиниши сайловга 35 кун қолганда тугатилади.

Ҳозирда Ўзбекистонда расман бешта сиёсий партия рўйхатга олинган бўлиб, уларнинг барчасига сайловларда қатнашишга рухсат берилди.

349
Мавзу:
Ўзбекистонда парламент сайловлари – 2019 (82)

Мирзиёев Фарғонага жўнаб кетди

146
Президент Шавкат Мирзиёев аҳоли ҳаёти, ижтимоий-иқтисодий ислоҳотларнинг бориши билан танишиш мақсадида Фарғона вилоятига жўнаб кетди.

ТОШКЕНТ, 5 июн - Sputnik. Президент Шавкат Мирзиёев Фарғонага жўнаб кетди, деб хабар бермоқда давлат раҳбари матбуот-хизмати.

"Президент Шавкат Мирзиёев аҳоли ҳаёти, ижтимоий-иқтисодий ислоҳотларнинг бориши билан танишиш мақсадида Фарғона вилоятига жўнаб кетди", - дейилади хабарда. 

Сафар давомида тўқимачилик, ҳунармандчилик, ахборот технологиялари, қишлоқ хўжалиги корхоналари бориб кўрилади, бунёдкорлик ишлари кўздан кечирилади.

146
Первый вице-премьер-министр Кыргызстана Кубатбек Боронов встретился с премьер-министром Узбекистана Абдуллой Ариповым на пропускном пункте Чечме-Автодорожный в Баткенской областим

Нега Қирғизистон ҳукумати Ўзбекистон Бош вазиридан кечирим сўради?

1459
Депутатлардан бири чегарадаги ҳодисадан сўнг нега қирғиз томони Ўзбекистон томонидан кечирим сўралгани ҳамда нега Сўх - Риштон йўлини очиш ваъдасини берилгани борасида тушунтириш беришни талаб қилган

ТОШКЕНТ, 4 июн - Sputnik. Ўзбекистон томони билан ўтказилган музокаралардан асосий мақсад - ўртадаги зиддиятни юмшатиш ва чегарада барқарор ҳолатни сақлаб қолиш эди ва бу ишни уддасидан чиқдик, деб айтган депутатнинг музокаралар бўйича ҳисоб бериш талабидан сўнг Жокоргу Кенеш йиғилиши давомида Бош вазирнинг биринчи ўринбосари Кубатбек Боронов.

Пресс-служба хокимията района Сух / Telegram

Sputnik Қирғизистон хабари асосида.

Кеча депутат Зокир Шарапов Ўзбекистон бош вазири Абдулла Арипов фуқаролар билан учрашув чоғида "Қирғизистон вакили Сох - Риштон йўлида постни очишмагани учун узр сўраганини" ва "тез орада йўлни очишини" айтди.

Парламентарийлар фикрича Қирғизистон узр сўраши учун ҳеч қандай сабаб йўқ.

"Ўша учрашувда Ўзбекистон бош вазири қирғиз томони "Кайтпас" постини очиш ваъдасини берганини, аммо бу ишни бажармагани ҳақида фикр айтди. Биз кечирим сўраганимиз йўқ, балки дипломатик тилда афсусдалигимизни билдирдик. Постни очмаганимизнинг асосий сабаби: айрим амалдорлар ЕОИИ талабларини инобатга олмай, шошилинч қарор қабул қилганлар. Пост тез орада очилиши ҳақидаги гапга келадиган бўлсак, мени тушунишимча Ўзбекистон томони ЕОИИга аъзо бўлишларини назарда тутган. У шу ҳақда учрашувда айтган эди", - деган Боронов.

31 май куни Ўзбекистоннинг Қирғизистон ҳудудидаги эксклави - Сўх тумани аҳолиси ва қирғизлар орасида можаро содир бўлган. Жанжал оқибатида икки томон бир бирини тошбўрон қилган бир неча уйлар ёқиб юборилган эди.

1459
Виза в паспорте

Авиакомпаниялар Ўзбекистонга келувчи йўловчилар ҳақида ДХХга олдиндан хабар қилади

53
(Янгиланган 11:06 05.06.2020)
Ушбу йилнинг 1 июлидан бошлаб брча хорижий авиакомпаниялар йўловчилар паспорт маълумотларини ДХХ Чегара қўшинларига олдиндан хабар қилиш тартиби ўрнатилади.

ТОШКЕНТ, 5 июн - Sputnik. Ўзбекистонга учаётган хорижий мамлакатлар ҳаво кемалари ўз йўловчилари бўйича дастлабки маълумотни тақдим этиш тартиби белгиланди деб хабар қилмоқда Ўзбекистон Туризмни ривожлантириш қўмитаси.

Янги тартибга кўра, 1 июлдан бошлаб хорижий авиакомпаниялар йўловчилар тўғрисидаги дастлабки маълумотларни Ўзбекистон ДХХнинг Чегара қўшинларига тақдим этиши шарт. 

"2020 йилнинг 1 июль кунидан бошлаб Ўзбекистон Республикасига парвозларни амалга ошираётган хорижий мамлакатлар ҳаво кемаларининг барча эксплуатантлари томонидан йўловчилар тўғрисидаги дастлабки маълумотлар ИКАОнинг стандарт форматида Давлат хавфсизлик хизматининг Чегара қўшинларига тақдим этилади", - дейилган хабарда.

Ушбу тартибни жорий этиш Ўзбекистон Вазирлар Маҳкамасининг 2020 йил 19 майдаги “Ўзбекистон Республикаси Давлат хавфсизлик хизматининг Чегара қўшинлари бўлинмаларига хорижий мамлакатларнинг ҳаво кемалари эксплуатантлари томонидан йўловчилар бўйича дастлабки маълумот тақдим этилиши тартиби тўғрисидаги низомни тасдиқлаш ҳақида”ги 293-сонли Қарорида белгиланган.

Хабарда айтилишига кўра, мазкур тартибнинг жорий этилиши хорижий туристларнинг мамлакатга келишлари, бўлишлари ва республика ҳудудидан чиқиб кетишларида қўшимча қулайликлар яратишга хизмат қилади.

 

53