Ғарбнинг энг катта хатоси нимада Горбачёв фикри

1284
(Янгиланган 14:19 28.10.2019)
СССР собиқ президенти Михаил Горбачёв ўзининг янги китобини ёзиб тугатди. Унда сиёсатчи Ғарбнинг энг катта нима эканлигига тўхталиб ўтиб, ўз фикрларини баён этган.

ТОШКЕНТ, 28 окт - Sputnik. СССРнинг собиқ президенти Михаил Горбачёв НAТОни кенгайтириш қарорини Ғарбнинг энг катта стратегик хатоси деб билишини маълум қилди.

“Мен ҳеч қачон ўз фикримни яширмаганман: НAТОни кенгайтириш қарори Ғарбнинг энг катта стратегик хатоси, Европада ва ундан ташқарида ҳарбий-сиёсий вазиятни беқарорлаштириш сари қўйилган қадам эди”, - дея ёзган у ўзининг “Что поставлено на карту: будущее глобального мира” (бадиий таржимаси – “Хавф остида: дунё келажаги”) китобида. Китоб мазмуни билан танишиб чиққан РИА Новости ундан парча келтирган.

Сисёсатчи, шунингдек, совуқ урушнинг якунланиш арафасида бу масала қандай ҳал қилинганини таърифлаган. Ўшанда НAТОда ҳам, Варшава шартномасида ҳам ҳарбий доктриналарни қайта кўриб чиқиш жараёнлари бўлиб ўтган, альянс аъзолари имзолаган қуролли кучларни қисқартириш тўғрисида келишувга эришилган.

Унинг сўзларига кўра, Совет раҳбарияти ўша пайт қўлидан келган барча ишни қилган. Горбачёв таъкидига кўра, Варшава шартномаси ташкилоти шароитида Шарқий Европада НAТОни тарқатмаслик тўғрисидаги қандайдир “қонуний мажбурий шартнома”ни таклиф қилиш бемаънилик бўлган бўлар эди ва уларни Варшава шартномасини ўз қўллари билан бузганликда айблашлари мумкин эди.

НAТОни кенгайтириш қарори томонлар ўртасидаги ишончга путур етказди ва “Россия бундан ўзига хулоса чиқарди”, дея хулоса қилган Горбачёв.

Эслатиб ўтамиз, аввалроқ Михаил Горбачёв Совет Иттифоқи ва Ғарб давлатлари ўртасидаги совуқ урушнинг тугаши умумий ғалаба бўлган деб ҳисоблаши хабар қилинган эди.

1284
Здание МИД Узбекистана

Лоя жирға 400 маҳбус толибларни озод қилишга рози бўлди: Ўзбекистон ТИВ муносабати

217
(Янгиланган 17:42 10.08.2020)
Ўзбекистон Афғонистоннинг Маслаҳат Лоя жирғасининг 400 нафар маҳбус толибларни озод қилиш тўғрисидаги қарорини олқишлайди.

ТОШКЕНТ, 10 авг — Sputnik. Ўзбекистон афғонлараро инклузив музокаралар олиб бориш йўлидаги сўнгги тўсиқни олишга хизмат қилган 400 нафар маҳбус толибларни озод қилиш тўғрисидаги Афғонистоннинг Маслаҳат Лоя жирғаси қарорини олқишлайди. Бу ҳақда ТИВ баёноти эълон қилинди.

Таъкидланишича, Ўзбекистон томони Доҳада Афғонистон ҳукумати ва “Толибон”* ҳаракати ўртасида музокаралар жараёни бошланишини тўлиқ қўллаб-қувватлайди ва афғон заминида узоқ муддатли тинчлик ва барқарорликка эришиш йўлида томонлар сиёсий ирода, конструктив ёндашув ва муросага тайёр эканликларини намойиш этишларига умид билдиради.

Хабарда ёзилишича, Ўзбекистон тинчлик жараёнини илгари суришда ҳар жиҳатдан ёрдам кўрсатишда давом этади ва афғон халқига тинч келажак ва фаровон давлат қуришда ҳар томонлама кўмаклашишга қатъиян тайёр.

* - Россия ва қатор давлатларда тақиқланган террорчилик ташкилоти

217
Президент Республики Узбекистан Шавкат Мирзиёев в Пекине провел встречу с Президентом Республики Беларусь Александром Лукашенко

Шавкат Мирзиёев Александр Лукашенкони ишончли ғалабаси билан қутлади

90
(Янгиланган 15:04 10.08.2020)
Ўзбекистон етакчиси Александр Лукашенкога мустаҳкам соғлик, фаровонлик ва янги зафарлар, дўст Беларусь халқига эса тинчлик-осойишталик ва равнақ тилади.

ТОШКЕНТ, 10 авг — Sputnik. Ўзбекистон президенти Шавкат Мирзиёев Александр Лукашенкони Беларусь президенти сайловида эришган ишончли ғалабаси билан қутлади. Бу ҳақда давлат раҳбари матбуот хизмати хабар қилмоқда.

“Давлатимиз раҳбари ўз мактубида сайловчилар иштирокининг юқори даражаси ва овоз бериш натижалари Беларусь халқининг Александр Лукашенкога бўлган улкан ишончини ва бирдамлигини, аҳоли турмуш даражаси ва сифатини ошириш, мамлакатда барқарор иқтисодий ўсишни таъминлаш йўлида амалга оширилаётган самарали ислоҳотлар давом эттирилишини тўлиқ қўллаб-қувватлаётганини яна бир бор намоён этганини қайд этди”, - дейилган хабарда.

Шавкат Мирзиёев Ўзбекистон ва Беларусь ўртасида олий даражадаги учрашувларда эришилган келишувларни амалга ошириш икки томонлама муносабатларни аниқ мазмун – иқтисодиёт тармоқларида кооперация бўйича муҳим лойиҳалар ва гуманитар алмашинувга оид дастурлар билан бойитишига ишонч билдирди.

Ўзбекистон етакчиси Александр Лукашенкога мустаҳкам соғлик, фаровонлик ва янги зафарлар, дўст Беларусь халқига эса тинчлик-осойишталик ва равнақ тилади.

90

Ўзбекистонда коронавирус: 10 август асосий хабарлари

680
(Янгиланган 22:58 10.08.2020)
Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

ТОШКЕНТ, 10 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

Янги касалланиш ҳолатларининг 116 нафари Тошкент вилоятида, 106 нафари Тошкент шаҳрида, 19 нафари Самарқанд вилоятида ҳамда 7 нафари Жиззах вилоятида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 517 нафар бемор тузалиб, ўз уйларига кузатилди. Республика бўйлаб жами соғайганлар сони 22 559 нафарга етди.

Айни пайтда 8 311 нафар беморга белгиланган стандартлар бўйича даво чоралари кўрилмоқда. Улардан 1 378 нафари оғир, 386 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор –  Қибрай туманида яшаган 44 ёшли А.А. (эркак) ва 80 ёшли Х.А. (эркак), Тошкент шаҳар Шайхонтоҳур туманида яшаган 68 ёшли У.М. (аёл), Сергели туманида яшаган 63 ёшли Д.С. (эркак) ҳамда вафот этди.

Ўзбекистонда жами 198 киши пандемия қурбони бўлди.

Муҳим ёрдам

Бутунжаҳон Соғлиқни Сақлаш Ташкилотининг штаб-квартираси, COVID-19га Бутунжаҳон бирдамлиги ва ҳаракати жамғармаси орқали, Ўзбекистонга умумий қиймати 300 минг АҚШ долларига тенг бўлган яна бир инсонпарварлик ёрдамини юборди. Бу сафар Истамбулдан келган рейсда 500 дона кислород концентратори олиб келинди. Бундан ташқари, ҳафта охирига лабораторияда ишлатиладиган материалларидан иборат яна бир гуманитар ёрдам юки етказилади.

Қирғизистонга парвоз

Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилишича, Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,9 миллиондан ошди, 731 минг киши вафот этди, 12,8 киши тузалди. Энг кўп ҳолатлар АҚШда (5,0 млн), Бразилияда (3,0 млн), Ҳиндистонда (2,2 млн).

680
Мавзу:
COVID-19 умумжаҳон пандемияси