TOShKENT, 8 noyab - Sputnik. Xalqaro matbuot markazida Markaziy saylov komissiyasining navbatdagi majlisi bo‘lib o‘tdi, xabar qilmoqda “Dunyo” axborot agentligi.
Tadbirda, jumladan Rossiya Federatsiyasida ochilgan saylov uchastkalari faoliyatini tashkil etish va OAV vakillarini akkreditatsiyadan o‘tkazish kabi masalalar ko‘rib chiqildi.
O‘zbekistonning Rossiyadagi Favqulodda va muxtor elchisi Botirjon Asadov RFda tuzilgan saylov uchastkalari faoliyatini tashkil etish va Rossiyadagi o‘zbekistonliklarning saylovda ovoz berish huquqini ta’minlash borasida amalga oshirilayotgan ishlar haqida batafsil axborot berdi.
“Rossiyadagi saylov uchastkalari soni 2016-yilgi saylovdagiga nisbatan 5 taga ko‘paygan va bugungi kunda 7 tani tashkil etmoqda”, - dedi diplomatik missiya rahbari.
Ushbu uchastkalar Moskva, Sankt Peterburg, Vladivostok, Yekaterinburg, Novosibirsk, Rostov-Don va Qozon shaharlarida joylashgan.
