Посол России в Узбекистане Владимир Тюрденев

Тюрденев “Валдай” анжумани ҳақида: бу рус ва ўзбек халқининг ўзига хос фикр алмашувидир

391
(Янгиланган 16:27 10.11.2019)
Россия элчисининг сўзларига кўра, яқин келажакда Ўзбекистонда Россия олий таълим муассасалари сони янада кенгайиши кутилмоқда ва бу масала ҳам бугунги сессияда муҳокама этилган.

ТОШКЕНТ, 10 ноя – Sputnik. Бугунги мулоқот очиқлик ва ишончга асосланган харатерга эга бўлди. Бу анжуман фойдали, негаки экспертлар ҳамкорлик муҳитини, шунингдек, зарур жамоатчилик кайфиятини шакллантиришга ёрдам берадилар, дея қайд этди “Валдай” клубининг Осиё анжумани давомида Россия Федерациясининг Ўзбекистондаги элчиси Владимир Тюрденев.

“Валдай” клуби ҳамда Ўзбекистон экспертлари ўртасида имзоланган битим, Тюрденевга кўра, Россия ва Ўзбекистон жамоатчилигини бу алоқалардан яхшироқ хабардор бўлишига имкон яратади.

“Экспертлар томонидан айтиладиган фикрлар аҳолининг у ёки бу гуруҳи фикрларига таянади. Бу маълум маънода икки мамлакат аҳолиси ўртасидаги ўзига хос фикр алмашувни юзага келтиради”, - дея элчи сўзларидан келтиради Sputnik Ўзбекистон мухбири.

Элчи, шунингдек, “Валдай” клубининг бугунги, Россия ва Ўзбекистон алоқаларига бағишланган сессиясида барча соҳалар: сиёсий, иқтисодий, маданий ва гуманитар жабҳалардаги муносабатлар муҳокама этилганини қўшимча қилди.

Тюрденевнинг айтишича, яқин келажакда Ўзбекистонда Россия олий таълим муассасалари сони янада кенгайиши кутилмоқда ва бу масала ҳам бугунги сессияда муҳокама этилган.

“Икки мамлакат ўртасидаги алоқаларни ривожлантириш учун кўп ишлар амалга оширилди, аммо олдинда янада кўпроқ ишлар бизни кутмоқда”, - дея ўз нутқини якунлади Россия элчиси.

Эслатиб ўтамиз, “Валдай” клубининг X Осиё анжумани “Марказий Осиё ва Евроосиё: глобал тартибсизликлар қаршисида кўпқиррали ҳамкорлик” мавзусида Самарқандда ўтказилмоқда.

Минтақавий ҳамкорлик масалалари ва муаммоларини муҳокама қилиш учун 11 давлатдан 70 дан ортиқ экспертлар тўпланган.

391
Мавзу:
Самарқандда Валдай клубининг Х Осиё анжумани (21)
Президент Республики Таджикистан Эмомали Рахмон принял Премьер-министра Республики Узбекистан Абдуллу Арипова

Савдо-сотиқ, гидроэнергетика ва COVID-19: Арипов ва Раҳмон нималарни муҳокама қилди

152
Абдулла Арипов Душанбеда Тожикистон президенти Эмомали Раҳмон билан учрашди. Учрашувда қатор масалалар муҳокама қилинди.

ТОШКЕНТ, 30 сен — Sputnik. Душанбе шаҳрида Ўзбекистон бош вазири Абдулла Ариповнинг Тожикистон президенти Эмомали Раҳмон билан учрашуви бўлиб ўтди. Бу ҳақда Тожикистон давлат раҳбари матбуот хизмати хабар қилмоқда.

Учрашув доирасида томонлар Тожикистон-Ўзбекистон муносабатларининг ҳолати ва ривожлантириш истиқболларини муҳокама қилди.

Суҳбат чоғида ўзаро товар алмашиш ҳажмининг тобора ўсиб бораётгани қайд этилди ва Савдо-иқтисодий ҳамкорлик бўйича ҳукуматлараро комиссиясининг фаол иши таъкидланди.

“Янги коронавирус инфекцияси пандемияси шароитида ҳамкорликни кенгайтиришга оид долзарб масалалар муҳокамаси чоғида Раҳмон фурсатдан фойдаланиб, барча учун оғир дамларда кўрсатилган инсонпарварлик ёрдами учун ўзбек дўстларига яна бир бор миннатдорчилик билдирди”, - дейилган хабарда.

Суҳбат чоғида Арипов ва Раҳмон икки давлат савдо-иқтисодий алоқаларига дунё инқирозининг салбий таъсирига барҳам бериш учун зарурий чоралар кўрилиши тарафдори эканликларини билдиришди. Сўнгра ўзаро товар алмашиш тузилмасини диверсификация қилиш, савдо-сотиқда техник тўсиқларни бартараф этиш, савдо уйлари, компаниялар ваколатхонаси ва филиалини очиш юзасидан фикр алмашилди.

Шу билан бирган томонлар гидроэнергетикадаги ҳамкорлик муҳимлигини таъкидлади.

Эслатиб ўтамиз, Абдулла Арипов бошчилигидаги Ўзбекистон ҳукумати делегацияси 29 сентябрь куни Душанбе шаҳрига ташриф буюрди. Ташриф давомида Абдулла Арипов Тожикистон бош вазири Қоҳир Расулзода билан ҳам учрашди.

152

Британия ва Канада Лукашенкога қарши санкция киритди

254
(Янгиланган 09:35 30.09.2020)
Британиялик дипломатларнинг қайд этишича, рестрикциялар "Беларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

254
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

163
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

163