Министр иностранных дел Узбекистана Абдулазиз Камилов

Ўзбекистон ТИВ раҳбари ОБСЕ тавсияларига муносабат билдирди

396
(Янгиланган 14:11 27.12.2019)
Ташқи ишлар вазири Абдулазиз Камилов сўзларига кўра, сайловларда 112 411 нафар хориждаги фуқаролар иштирок этди.

ТОШКЕНТ, 27 дек – Sputnik. Ўзбекистон ЕХҲТ хулосаларини фойдали деб билади. Бу ҳақда Ўзбекистон Ташқи ишлар вазири Абдулазиз Камилов Халқаро пресс клуб сессиясидаги чиқишида айтди, деб хабар қилмоқда Sputnik Ўзбекистон мухбири.

"Бўлиб ўтган парламент сайловлари - "Янги Ўзбекистон - янги сайловлар" шиори остида бўлиб ўтди. Бу нафақат биз кўп ҳаракат килганимиз, яхши тайёргарлик кўрганимиз натижаси, авваломбор муҳтарам президентимиз бошлаб берган чуқур ислоҳотларни амалга оширилиши натижаси", - деди ТИВ раҳбари.

Абдулазиз Камилов шунингдек, Ташқи ишлар вазирлиги чет давлатлардаги Ўзбекистон фуқароларига Конституциявий ҳуқуқларидан фойдаланишга барча шароитларни яратиб берганини қайд этди.

Вазир сўзларига кўра, жорий сайловларни ўтказиш учун чет элда 50дан ошиқ сайлов участкалари ташкил этилган бўлиб, 12-18 декабрь кунлари 200дан ортиқ ҳудудларда муддатдан олдин овоз бериш имконияти яратилган. Хорижда ташкил этилган участкаларда жами 112 411 нафар фуқаролар ўз Конституциявий ҳуқуқларидан фойдаланишга муваффақ бўлган.

"...Албатта, савол туғилиши мумкин, чунки фуқароларимиз сони кўп хорижда, лекин аксарияти иштирок эта олмагани (борасида). ... келажакда биз турли минтақалардаги фуқароларимиз билан ҳам мулоқотда бўлиб, албатта уларни ҳам бизнинг сиёсий ҳаётимизга жалб этишга ҳаракат қиламиз", - деди вазир.

Камилов хориждаги Ўзбекистон фуқароларига сайловлар хусусида тўлиқ маълумотларнинг етиб бормаганлиги сабабини сиёсий партияларнинг чет элдаги ўзбекистонликларни ўз томонига жалб этишга тўлиқ ҳаракат қилмаганлигида, деб билади.

"Келажакда буларнинг барчасини инобатга олиб, албатта, чора-тадбирлар кўрамиз", - деди дипломат.

Чет эллик кузатувчилар баҳосига Ўзбекистон позицияси

Камилов Ўзбекистонда ўтказилган парламент сайловларига биринчи марта дунёнинг энг йирик - Россия, АҚШ, Хитойдан, МО вакиллари, минтақадаги қўшнилар - Ҳиндистон, Покистон ва Эрондан давлатларидан, халқаро ташкилотлардан 750га яқин кузатувчилар келганини қайд этди.

Хусусан, Европа хавфсизлик ва ҳамкорлик ташкилоти вакиллари дастлабки хулосаларини Ўзбекистон томонига етказди.

"Сайловлар ўтди. Ўзбекистоннинг янги чеҳраси пайдо бўлаяпти халқаро майдонда. Лекин бизни олдимизда кўплаб вазифалар турибди. Биринчидан - сайлов жараёнини такомиллаштириш. Бу доимий жараён. Бу ҳаракатни қандайдир якуний бекати бўлмайди. Ҳеч ким айтолмайди-ки, мана биз ҳозир биз мукаммал сайлов ўтказдик, ҳеч қандай камчилик йўқ, олам-гулистон, деб.  Бу жараён давом этиши керак, негаки олдимизда кўплаб мақсадлар турибди. Шу мақсадда ОБСЕ (ЕХҲТ) ДИИҲБ берган дастлабки тавсияларига жуда жиддий қараймиз ва керакли хулосаларни чиқарамиз”, - деб таъкидлади вазир.

Камиловнинг айтишича, ТИВда Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг сайловларни кузатиш бўйича миссияси раҳбари Каэтана де Зулуета Оутрам билан бир неча бор учрашувлар бўлиб ўтган ҳамда дастлабки хулосалар ва тавсиялар бўйича фикр алмашилган. 

"Биз шу ҳамкорлик натижасида шунга келишдик-ки, бир-икки ойдан сўнг охирги хулосалар чиққандан кейин, биз яна бир бор учрашамиз ва қайси йўналишларда ҳамкорлигимизни давом эттиришимиз хусусида келишиб оламиз. Керак бўлса, ўзига яраша дастур ва йўл харитасини ташкил этамиз", - деб маълум қилди Камилов ва берилган тавсиялар Ўзбекистон учун таҳдид ёки ҳал бўлмайдиган муаммо эмаслигини, балки бу Ўзбекистон учун янги имкониятлар эканлигини ва ундан фойдаланиш кераклигини қўшимча қилди.

Эслатиб ўтамиз, Ўзбекистонда 22 декабрь куни Олий Мажлис Қонунчилик палатаси ва маҳаллий кенгашлар сайловлари ўтказилди.

Сайловни жараёни 140 минг маҳаллий кузатувчилар ва 800 дан ортиқ халқаро, шунингдек, 9 та ташкилот, шу жумладан МДҲ, ШҲТ ва ЕХҲТ кузатувчилари кузатиб борди. Кузатувчилар овоз беришга юқори даражада тайёргарлик кўрилганини қайд этдилар.

Марказий сайлов комиссияси Ўзбекистон Республикаси Олий Мажлисининг Қонунчилик палатасига 125 та сайлов округларидан сайланган депутатлар рўйхатини эълон қилди.  Жумладан, Ўзбекистон Либерал демократик партияси – 42 нафар; “Миллий тикланиш” демократик партияси – 34 нафар; “Адолат” социал-демократик партияси – 20 нафар; Халқ демократик партияси – 18 нафар; Экологик партия – 11 нафар.

396
Мавзу:
Ўзбекистонда парламент сайловлари – 2019 (82)
Флаги Узбекистана и Таджикистана

Арипов ўз вақтида сув етказиб берилгани учун Тожикистонга миннатдорлик билдирди

13
(Янгиланган 15:55 29.09.2020)
Ҳар икки давлат делегацияси ўртасида бўлиб ўтган учрашувда Арипов ўз вақтида сув етказиб берилгани учун Тожикистонга миннатдорлик билдирди.

ТОШКЕНТ, 29 сен — Sputnik. Ўзбекистон бош вазири Абдулла Арипов ишчи ташриф билан Тожикистонда бўлиб турибди.

Ҳар икки давлат делегацияси ўртасида бўлиб ўтган учрашувда Арипов ўз вақтида сув етказиб берилгани учун Тожикистонга миннатдорлик билдирди.

“Фурсатдан фойдаланиб, жорий йилда сув танқис бўлишига қарамасдан, қўшимча сув етказиб берганингиз учун Тожикистон томонига алоҳида миннатдорлик билдирамиз”, - деди у.

Бош вазирнинг сўзларига кўра, мамлакатлар ўртасида турли соҳаларда хусусан, илмий марказлар ўртасида тажриба алмашиш муҳим аҳамиятга эга. Арипов навбатдаги ишчи гуруҳ йиғилишини Тошкентда ўтказишни таклиф қилди.

“Пандемия вақтида бир биримизни қўллаб-қувватлаганимиз ҳамкорликнинг қай даражада мустаҳкам эканини билдиради. Ўзбекистон бу ҳамкорликни давом эттиришга тайёр”, — Ўзбекистон бош вазири.

Тожикистонда Ўзбекистон бунёд этган мактаб очилди

Эслатиб ўтамиз, аввалроқ Абдулла Арипов бошчилигидаги Ўзбекистон делегацияси Душанбега ташриф буюргани хабар қилинган эди.

13
Подпись документов

Ҳокимларнинг айрим функция ва ваколатлари бекор қилинди

142
Ўзбекистон президенти фармони билан ҳокимларнинг айрим функция ва ваколатлари бекор қилинмоқда. Қонун бугундан кучга кирди.

ТОШКЕНТ, 29 сен — Sputnik. Ҳокимларнинг айрим функция ва ваколатлари бекор қилинди. Бу президент имзолаган Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисидаги қонунда кўзда тутилган.

Қонун билан, “Сув ва сувдан фойдаланиш тўғрисида”ги қонунга киритилган ўзгаришларга кўра, маҳаллий ижро этувчи ҳокимият органларининг қуйидаги функция ва ваколатлари бекор қилинди:

  • фаолияти сувларнинг ва сув объектларининг ҳолатига таъсир этувчи корхоналарнинг технология, ўрмон-мелиорация ва агротехника, гидротехника, санитария-техника тадбирларини ўтказишлари учун келишиш лозимлиги;
  • корхоналар ва ташкилотларга қуйидаги масалаларда ёзма кўрсатмалар бериш:
  • сув тошқинларининг, сув босиши ва зах босишининг;
  • соҳиллар, ҳимоя дамбалари ва бошқа иншоотлар бузилиб кетишининг;
  • ерларнинг ботқоқланиши ва шўрланишининг;
  • тупроқ эрозиясининг, жарлар, ўпирилишлар юзага келишининг, сел оқимларининг ва сувлар етказадиган бошқа зарарли таъсирнинг олдини олиш ҳамда уни бартараф этиш бўйича тадбирларни амалга ошириш.
  • аҳолининг ичимлик, маиший ва бошқа эҳтиёжлари учун мўлжалланган сув олиш иншоотларидан фойдаланиш тўғрисида қарор қабул қилиш.

Шунингдек, маҳаллий ижро этувчи ҳокимият органларининг қуйидаги ваколатлари чиқарилди:

Маъмурий жавобгарлик тўғрисидаги кодексга киритилган ўзгартириш билан ҳокимларнинг маъмурий жавобгарликка тортиш назарда тутилган қарорлар қабул қилиш ва маъмурий жавобгарликка сабаб бўладиган айрим қоидаларни белгилаш ваколати;

“Атмосфера ҳавосини муҳофаза қилиш тўғрисида”ги Қонунга  киритилган ўзгартиришга кўра, ҳокимларнинг атмосфера ҳавосига ифлослантирувчи моддалар чиқарилишининг йўл қўйиладиган нормативларини бузиш билан боғлиқ бўлган фаолиятни чеклаш, тўхтатиб туриш ва тугатиш масаласида қарор қабул қилиш ваколати;

“Ўсимлик дунёсини муҳофаза қилиш ва ундан фойдаланиш тўғрисида”ги Қонунга киритилган ўзгартиришларга кўра, ёввойи ҳолда ўсувчи ўсимликларни чорвачилик эҳтиёжлари учун тайёрлаш учун рухсатнома бериш ваколати;

“Ўрмон тўғрисида”ги Қонунга киритилган ўзгартиришларга кўра, ўрмонларнинг ҳолатига зарар етказилган ҳолларда ташкилотлар фаолиятини чеклаш, тўхтатиб туриш ва тугатиш бўйича қарор қабул қилиш ваколати.

Ушбу қонун расмий эълон қилинган кундан эътиборан кучга киради.

142
Гризли

Улкан айиқ бирданига 20 бош бўри билан жанг қилди - видео

13
(Янгиланган 15:51 29.09.2020)
АҚШнинг Йеллоустон миллий боғида гризли - айиқ бирданига 20 бош бўри билан куч синашди ва улардан ўлжани олиб қўйди.

ТОШКЕНТ, 29 сен — Sputnik. Айиқ ва бўрилар галаси жанги акс этган видео АҚШнинг Йеллоустон миллий боғида тасвирга олинди. Бўрилар галаси тунги муваффақиятли овдан сўнг дам олаётган эди – улар бизонни енгишди. Улар олдига айиқ келди.

Россия National Geographic нашри ёзишича, Йеллостондаги гризли-айиқнинг оғирлиги 300 килога етиши мумкин, бўриларнинг вазни эса 50-60 килони ташкил қилади.

Йиртқичлар ўртасидаги жангда айиқ ғалаба қозонди, ҳеч қайси бўри нобуд бўлмади.

13