Флаги стран участниц ЕАЭС, архивное фото

Ўзбекистон ЕОИИга қўшилишнинг ижобий томонларини кўрмоқда Россия ТИВ раҳбари ўринбосари

1175
Россия ТИВ раҳбари ўринбосари Александр Панкин ўзбекистонлик ҳамкорлар республиканинг ЕОИИга қўшилиши қатор рад қилиб бўлмайдиган ижобий томонларга эга бўлиши мумкинлигини тасдиқлашаётганликларини маълум қилди.

ТОШКЕНТ, 10 фев — Sputnik. Тошкентда ЕОИИга қўшилишнинг ижобий томонларини кўришмоқда, бироқ иттифоққа кириш учун Ўзбекистондан ёки бошқа давлатлардан ҳозирча расмий ариза келиб тушмаган. Бу ҳақда Россия ташқи ишлар вазири ўринбосари Александр Панкин РИА Новостига берган интервьюда маълум қилди.

Дипломат Ўзбекистон президенти Шавкат Мирзиёев январь охирида мамлакат парламентидаги чиқишида унинг мамлакати ЕОИИда кузатувчи мақомини олишга тайёрлигини маълум қилганини эслатиб ўтди.

“Ушбу қадам Тошкент томонидан иттифоқда тўлиқ аъзо бўлиш йўлида, бунга тайёр бўлганда, биринчи бўлишидан келиб чиқамиз”, - деди Панкин.

“Биз билан алоқада ўзбекистонлик ҳамкорлар Ўзбекистоннинг ЕОИИга қўшилиши бир қатор рад қилиб бўлмайдиган ижобий томонларга эга бўлиши мумкинлигини тасдиқлашмоқда: ягона товар бозори, ишчи кучи, хизмат ва капитал ҳамда бу бирлашманинг технологик, транзит-транспорт ва инвестициявий салоҳиятидан фойлаланиш. Эҳтимол, ҳамкорлар эҳтимолий харажатларни ҳам ҳисоблашмоқда”, - дея таъкидлади вазир ўринбосари.

ЕОИИда янги эҳтимолий иштироклар пайдо бўлишга изоҳ бераётиб, у аъзоликка ҳеч кимдан расмий ариза келиб тушмаганини айтди.

“Бу, эҳтимол, иттифоқ билан яқинлашишга қизиқиш йўқ дегани эмас, ўйлашимча, у бор, айниқса иттифоқ аъзолари билан географик жиҳатдан яқин ва кенг савдо-иқтисодий алоқаларга эга бўлганларда. Шу билан бирга ЕОИИга аъзо мамлакатлар турли форматларда барча манфаатдор ҳамкорлар билан ўзаро манфаатли ҳамкорликка тайёрликларини бир неча бор тасдиқлашган эди”, - деди Панкин.

Шунингдек, у  ЕОИИ эркин савдо битимлари (Вьетнам, Сингапур, Сербия, Эрон) ёки савдо-иқтисодий ҳамкорлик тўғрисидаги битимлар тузган мамлакатлар (Хитой) доираси доимо кенгайиб бораётганини таъкидлади.

ЕОИИ – 2015 йилдан буён амал қилиб келаётган интеграцион иқтисодий бирлашма. Унга Россия, Арманистон, Беларусь, Қозоғистон ва Қирғизистон аъзодир.

1175
Мавзу:
Ўзбекистон ва ЕОИИ – интеграция истиқболлари (49)
Государственные флаги КНР и Гонконга на территории комплекса правительственных зданий.

"Гонконг автономияси" Хитой ва АҚШ муносабатларини кескинлаштирмоқда

104
Хитой АҚШда "Гонконг автономияси тўғрисида"ги қонун қабул қилинишини қоралайди ва АҚШнинг тегишли фуқаролари ва ташкилотларига нисбатан санкциялар қўллашни режалаштирмоқда, дейилади ХХР ТИВ баёнотида.

ТОШКЕНТ, 15 июл - Sputnik. АҚШ Гонконг билан муносабатлардаги имтиёзлар ёки фарқларни тўхтатиб туради ёхуд бекор қилади, шу жумладан, Гонконг паспорти эгаларини Хитой фуқаролари билан бир қаторда кўриб чиқади, дейилади АҚШ президенти Дональд Трамп имзолаган фармон матнида. Ҳужжат Оқ уй томонидан тарқатилган.

"Мен фармон бераманки ... Гонконгга нисбатан кечаётган вазият, шу жумладан, ХҲРнинг Гонконг автономиясини тубдан бузиш бўйича ҳаракатлари, АҚШ ҳавфсизлиги, ташқи сиёсати ва иқтисодиёти учун АҚШ ташқарисидаги мутлақ ва фавқулодда ҳавф манбасисидир. Бу фармон орқали ушбу таҳдидга нисбатан фавқулодда вазиятни эълон қиламан”, - дейилади ҳужжатда.

Трамп АҚШ энди Гонконг билан муносабатлардаги имтиёзлар ва фарқларни тўхтатиб туришини ёки бекор қилишини эълон қилди. Хусусан, Гонконг ва Хитой паспорт эгаларига нисбатан фарқлашлар бекор қилинади, Гонконгга экспорт назорати объекти бўлган маҳсулотлар экспортида лицензиялардаги истиснолар бекор қилинади. Фармон АҚШнинг экстрадиция тўғрисидаги ҳукуматлараро битимни тўхтатиб қўйиш ниятида эканлигини, шунингдек, маҳкумларни ўтказиш тўғрисидаги келишувдан воз кечиш ниятида эканлиги тўғрисида Гонконгни хабардор қилишни талаб қилади.

Шунингдек, ҳужжат Гонконг полициясининг АҚШда ўқитишни тўхтатиш, Давлат Департаментининг Хитой ва Гонконг билан таълим ва маданий алмашинув дастурини бекор қилишини ҳамда Гонконглик бошпана изловчиларнинг рухсат этилган сонини кўриб чиқишни кўзда тутади.

Аввалига Гонконг автономияси тўғрисидаги қонун Вакиллар палатаси томонидан қабул қилинган, июл ойи бошида эса АҚШ Сенати томонидан қабул қилиниб, президентга имзога юборилган. Ҳужжатда 1984 йилдаги Британия-Хитой декларациясини ва Хитойнинг махсус маъмурий ҳудуди сифатида Гонконгнинг позициясини белгилайдиган асосий қонунни бузган хорижий шахс ва компанияларга қарши санкциялар қўлланилиши кўзда тутилган.

Қонун кучга кирганидан 90 кундан кечикмай, АҚШ Давлат котиби конгрессни ушбу қоидаларни бузган шахслар ҳақида хабардор қилиши керак. Кейин, бир йил муддатдан кечикмай, президент ушбу шахсларга ва улар билан боғлиқ ташкилотларга нисбатан АҚШ юрисдиксиясидаги барча активлар ва кўчмас мулкни музлатиб қўйишни, шунингдек, бундай шахслар билан ҳар қандай молиявий операцияларни ва АҚШга киришни тақиқлашни таъминлайдиган санксияларни жорий қилиши керак. Шунингдек, қонунда санкцияларни олиб ташлаш ва жисмоний шахслар ва ташкилотларни санкцион рўйхатдан чиқариб ташлаш механизми ҳам кўзда тутилган. Ҳужжатда алоҳида таъкидланишича, унинг ҳеч бир тартиби "Хитойга қарши ҳарбий куч ишлатишга рухсат" сифатида талқин этилиши мумкин эмас.

Хитой АҚШда "Гонконг автономияси тўғрисида"ги қонун қабул қилинишини қоралайди ва АҚШнинг тегишли фуқаролари ва ташкилотларига нисбатан санкциялар қўлламоқчи, дейилади ХХР ТИВ сайтидаги баёнотда.

"АҚШ қонун лойиҳаси Гонконг миллий хавфсизлик тўғрисидаги қонунини қасддан қоралайди, Хитойга қарши санкциялар киритиш билан таҳдид қилади, халқаро ҳуқуни ва халқаро муносабатларнинг асосий меъёрларини жиддий равишда бузади, Гонконг ва Хитойнинг ички ишларига қўпол аралашишдир. Хитой ҳукумати буни кескин қоралайди ва қатъий қаршилик билдиради", - дейилади вазирлик баёнотида.

Таъкидланишича, "Хитой ўз қонуний манфаатларини ҳимоя қилиш учун зарур жавоб чораларни кўради ва бунга (қабул қилинишига-таҳр.) қарши бўлган АҚШ фуқаролари ташкилотларига нисбатан санкцияларни қўллайди".

Бундан ташқари, Хитой ТИВ баёнотига кўра, Пекин Гонконг ишларига ташқи аралашувга қарши туришга тайёр, миллий хавфсизлик тўғрисидаги қонунини амалга оширишга АҚШнинг тўсқинлик қилишига ҳар қандай уринишлари барбод бўлади.

Таъкидланишича, Хитой томони АҚШни "ўз хатоларини тузатиб, "Гонконг автономияси тўғрисида"ги қонунни қабул қилмасликка, Хитойнинг ички ишларига, шу жумладан Гонконг ишларига аралашишни тўхтатишга" чақирмоқда.

"Агар АҚШ ўз позициясидан қайтмаса, Хитой жавоб бериши муқаррар", - дея таъкидланади вазирликда.

Хитой парламенти томонидан маъқулланган, Гонконг миллий хавфсизлигини ҳимоя қилиш тўғрисидаги қонун, 30 июн куни кучга кирди. Қонунда Гонконгда содир этиладиган тўрт турдаги жиноятларнинг олдини олиш, бартараф этиш ва жазолаш қоидалари белгиланган, жумладан, сепаратистик фаолият, давлат ҳокимиятини тўнтаришга уринишлар, террорчилик фаолияти, миллий хавфсизликка хавф туғдириш мақсадида хорижий давлатлар ёки чет элда жойлашган хорижий кучлар билан тил бириктириш. Қонун Гонконг ҳукуматга қарши кучлари ва Ғарбнинг бир қатор расмийлари орасида норозиликларга сабаб бўлиб, улар унда Пекиннинг автономия устидан назоратни кучайтириш истагини пайқашди. Пекин бир неча бор Гонконг масаласи – Хитойнинг ичики масаласи эканлигини таъкидлаган.

104
Пленарное заседание Госдумы РФ. Архивное фото

Жинсини ўзгартирганлар ўртасида никоҳни тақиқлаш ҳақидаги лойиҳа Госдумага киритилди

196
Сал олдин Умумроссия референдуми якунларига кўра Конституцияда ҳукуматнинг оила ва анъанавий қадриятларни ҳимоялаш борасида ваколатлари мустаҳкамлаб қўйилган эди.

ТОШКЕНТ, 14 июл — Sputnik. Сенаторлар бир жинслилар ўртасидагина эмас, балки аввал жинсини ўзгартирганлар ўртасида ҳам никоҳни тақиқлаш тўғрисида қонун лойиҳасини Давлат думасига киритдилар, деб хабар беради РИА Новости.

Ҳужжат бундай жуфтликларга фарзандни асраб олишни тақиқлайди.

Қонун лойиҳаси муаллифлари бу: Федерация кенгаши қошидаги Оила кодексини такомиллаштириш бўйича вақтинчалик комиссия раҳбари Елена Мизулина, шенингдек, сенаторлар Елена Афанасьева, Александр Башкин, Римма Галушина, Максим Кавджарадзе ва Людмила Нарусовалардир.

Сал олдин Умумроссия референдуми якунларига кўра, ҳукуматнинг оила ва анъанавий қадриятларни ҳимоялаш борасида ваколатлари Конституцияда мустаҳкамлаб қўйилган эди.

Путин АҚШ элчихонаси биносига илинган ЛГБТ байроғи ҳақида ҳазил килди >>>

Шу билан бирга, Владимир Путин, Россияда жинсий озчилик ҳуқуқларига чекловлар йўқлигини ва ҳеч қачон бўлмаслигини маълум қилди. ЛГБТ бўйича позицияга аниқлик киритар экан, Путин инсон ўз тақдирини мустақил белгилаш имконига эга бўлиши учун унга улғайишга вақт бериш кераклигини қўшимча қилди.

196
Врач в больнице Саны, Йемен

Қозоғистонда вафот этган шифокорлар хотирасига тиббий "ўлмас полк" ўтказилди

13
Сил касаллиги диспансери бош шифокори Болат Сагымбеков ўз навбатида ташкилотчилар - тиббиёт ходимлари уюшмаси вакиллари шу тариқа пандемияга қарши курашган ҳамкасблари хотирасига ҳурмат бажо келтиришганини маълум қилди.

ТОШКЕНТ, 15 июл - Sputnik. Қозоғистонда 13 июль куни бир гуруҳ шифокорлар тиббий "ўлмас полк" тадбирини ўтказишди. Бу ҳақда Sputnik Қозоғистон хабар бермоқда.

Воқеа 13 июль куни - Қозоғистонда бўлиб ўтган умумиллий мотам кунида рўй берган.

Қозоғистоннинг бир нечта регионларида тиббиёт ходимлари йўл четида қатор бўлиб турган ҳолда, коронавирус оқибатида вафот этган ҳамкасблари портретларини кўтариб ўзига хос акция уюштирганлар.

Ушбу ҳолат акс этган видео ижтимоий тармоқларда пайдо бўлгач, интернет фойдаланувчилари акцияни кескин танқид остига олдилар.

Уларга кўра, шифокорлар бу вақтда йўл четида сурат кўтариб туриши эмас, балки кимнингдир ҳаётини қутқаришлари керак эди.

Мамлакат соғлиқни сақлаш вазирлиги вакиллари танқидларга жавобан, идора ушбу флешмоб ташкилотчиси эмаслигини маълум қилди ва бу ҳолатда уларнинг бирдан-бир вазифаси санитария-эпидемиологик режимга амал қилинишини таъминлаш эканлигини эслатиб ўтди.

Сил касаллиги диспансери бош шифокори Болат Сагымбеков ўз навбатида ташкилотчилар - тиббиёт ходимлари уюшмаси вакиллари шу тариқа пандемияга қарши курашган ҳамкасблари хотирасига ҳурмат бажо келтиришганини маълум қилди.

Эслатиб ўтамиз, сал олдин мамлакат соғлиқни сақлаш вазирлиги коронавирусга қарши курашган, аммо ўзлари қурбон бўлган медиклар рўйхатини эълон қилган эди. Қозоғистонда шифокорларнинг 5000дан зиёди коронавирусни юқтириб олган. COVID-19га қарши курашиб, вафот этган 42 нафар шифокорга улар вафотидан сўнг мамлакат президенти Касим Жомарт Токаев томонидан орденлар тақдим этилди.

13