Учения НАТО Saber Strike.

"Зарба беришга тайёрланмоқда": НАТО нима учун Шимолий Македонияга кириб олмоқда

1791
(Янгиланган 15:09 14.02.2020)
Европанинг жанубий-шарқидаги кичкина давлат НАТОни кучайтирадими ва унинг қуролли кучлари ўзида нимани намоён қилади ?

ТОШКЕНТ, 14 фев - Sputnik, Андрей Коц. Черногория ортидан, яқин орада яна бир Болқон давлати НАТОга қўшилади - Шимолий Македония парламенти алянсга қўшилиш тўғрисидаги ҳужжатни тасдиқлади. Хозирда дунёнинг энг йирик ҳарбий блокида 29 иштирокчи бор, РИА Новости хабарига асосан.

Пул етмаяпти

The Military Balance 2019 йиллик нашрига кўра, Шимолий Македонияда саккиз минг аскар бор. Армия 1992 йилда Югославиянинг қулашидан кейин тузилган. Ўша пайт у яхши жиҳозланмаган ва кам анжом билан таъминланган армия эди, таркибида фақат тўртта бузуқ Т-34 танклари ва эски қуроллари бўлган. Бироқ, ҳукумат дарҳол НАТОга кириш йўлини танлади. Шимолий Македония армияси 1999 йилда Сербияни бомбалашда иттифоққа кўмаклашган. Ўша йили мамлакат НАТОга аъзо бўлиш Режасига қўшилди ва қуролли кучларни ислоҳ қилишга киришди.

Македонияликлар кўпгина ҳарбий операцияларда АҚШ ва НАТОнинг мунтазам иттифоқчилари бўлишган. 2002 йил август ойидан бошлаб республиканинг 240 дан ортиқ ҳарбий хизматчилари халқаро коалиция кучлари таркибида Афғонистондаги урушда қатнашдилар. 2003 йил июнидан 2008 йил декабригача Ироқдаги америкаликларга кичик контингент ёрдам берди. Қуролли кучларни ислоҳ қилишда 2006 йил асосий бўлди, бунда Македония умумий ҳарбий мажбуриятни бутунлай бекор қилди ва профессионал контрактли армияга ўтди.

The Military Balance 2019 маълумотларига кўра, ўтган йили Шимолий Македония ҳарбий эҳтиёжлар учун атиги 108 миллион доллардан кўпроқ маблағ сарфлаган. Бюллетень муаллифлари таъкидлашича: мамлакатнинг халқаро ҳарбий операцияларда иштироки унинг логистик имкониятларини оширган бўлса-да, эски совет моделлари устунлик қилаётган ҳарбий техника паркининг аҳволи жиддий муаммо бўлиб қолмоқда. Ва уларни НАТО стандартларига мослаштириш ҳали ҳам муаммолигича қолмоқда.

Шимолий Македония ҳаво ҳужумига қарши мудофаа тизимлари, шунингдек узоқ масофага мўлжалланган танкларга қарши тизимларга эга эмас. Мутахассисларнинг таъкидлашича, мамлакат замонавий қуролларни мустақил равишда ишлаб чиқаришга қодир эмас ва уларни чет элда сотиб олиш учун пул йўқ.

Камтар кучлар

Шимолий Македониянинг қуруқликдаги кучлари тезкор реакция кучлари, қўллаб-қувватловчи кучлар ва стратегик захирадан иборат. Биринчисига иккита пиёда бригадаси ва бронетанк батальон киради. Қўллаб-қувватлаш кучлари таркибида артиллерия полк, ҳаво ҳужумидан мудофаа батальони, РХБЗ ротаси, алоқа ва логистика батальони, муҳандислик батальони, разведка роталари ва ҳарбий полиция мавжуд. Стратегик резервда иккита пиёда бригадаси мавжуд.

Танк батальонига 90-йилларда Болгария ва Украинада сотиб олинган 30 та Т-72А танклари киради. Пиёдалар бригадаларида – 11та БМП-2 пиёда жанговар машиналари, ўнта МТ-ЛБ зирҳли торткичлари, ўнта БРДМ-2 патрул машиналари, 70 га яқин БТР-70 ва БТР-80 бронетранспортёрлари, шунингдек тўққизта Греция  Leonidas-лари, 28 та америка М113с ва 84 та TM-179 Hermelin немис зирҳли машиналари. Бундан ташқари, қуруқликдаги кучларда 80 га яқин Ҳаммер бор. 2028 йилга келиб Шимолий Македония совет техникаларидан бир қисминидан халос бўлишни ва АҚШда 56 та замонавий Stryker бронетранспортёрларини ва 96 JLTV зирҳли машиналарини сотиб олишни режалаштирмоқда.

Қуролли кучларнинг артиллерияси асосан 12 дона 122 ммлик Град залпли реактив зарба ускунаси ва 12 та югослав 128 мм РСЗО M-63 Plamen. Стволли тизимлар Улуғ Ватан уруши йилларида ишлатилган 14 та америкал 105 ммли М-56 ва 56 та совет М-30 дан иборат. Бундан ташқари, 39 та 120 ммли Совет ва Югославия миномётлари мавжуд. Кўпроқ аҳамиятга эга бўлган танкга қарши қуроллар - фақат бир нечта француз танкларга қарши "Милан" ПТРК тизимлари.

Ҳарбий-ҳаво кучларида фақат олтита самолёт бор: битта Совет Ан-2 ва бешта Чехословакиянинг Z-242 ўқув-машқ самолётлари. Армия авиацияси ҳам жиддийроқ қуролланган: олтита Ми-24В зарба ва тўртта Украина томонидан тақдим қилинган ва Исроилнинг Elbit компанияси томонидан такомиллаштирилган Ми-17 ҳарбий вертолётлари, шунингдек, иккита Американинг кўп мақсадли UH-1H Iroquois вертолёти. Ҳавога қарши мудофаада - Совет қисқа масофага мўлжалланган "Стрела-10" зенит-ракета комплекслари, бир нечта ПЗРК "Игла-1" ва 36 та швед 40 ммли Bofors тез отувчи зенит ускуналари.

Соҳил хавфсизлик кучлари - ҳарбий катерларнинг кичик бўлинмалари - Преспенский ва Оҳрид кўлларининг сувларида патруллик қилмоқда.

Шарқий йўналиш

Америкаликлар Скопьенинг НАТОга аъзо бўлиш истакларини тўлиқ қўллаб-қувватламоқда, бу шунчаки вақт масаласи эканлигини англатади. АҚШнинг Альянсдаги доимий вакили Кэй Бейли Хатчисон Шимолий Македония ҳарбий блокга ёзгача қўшилишини билдирди.

Бунга қарши, ноябр ойида, Россия Ташқи ишлар вазирлигининг 4-Европа департаменти директори Юрий Пилипсон эътироз билдирди. Унинг сўзларига кўра, НАТОнинг кенгайиши Европадаги ишонч ва барқарорликни бузади ва қарама-қаршиликни кучайтиради. Дипломат янги мамлакатларнинг анти-Россия сиёсати ва алянсни ҳарбий режалаштиришга жалб қилиниши қитъа хавфсизлигига ҳисса қўшмаслигини таъкидлади.

Албатта, бу ерда гап Шимолий Македония Қуролли кучларининг имкониятларига ҳам боғлиқ эмас. Кичик ва заиф қуролланган армия шундоқ хам кучли Шимолий Атлантика Иттифоқини кучайтириши мумкин эмас. Ҳарбий экспертлар америкаликларга Македония аскарлари ва танкларига эмас, балки ушбу мамлакат ҳудудидан шарқий йўналишда операциялар ўтказиш учун керак, деб ишонишади.

"Америка Қўшма Штатлари Шимолий Македонияни плацдарм сифатида ишлатишни режалаштирмоқда", деб тушунтирди РИА Новости геосиёсий муаммолар академиясининг биринчи вице-президенти Константин Сивков: "У ерда Россияга жуда чуқур ичкаридаги нишонларни уришга қодир ўртадаги ракеталарни жойлаштириш мумкин, ҳаво базалари ва ракеталарга қарши мудофаа тизимларини жойлаштириш мумкин. Македония аҳолиси эса америкаликлар учун оддий емдир."

1791

Арипов ва Мишустин савдо-иқтисодий ҳамкорликни муҳокама қилишди

172
(Янгиланган 19:38 20.10.2020)
Мулоқот давомида ҳукумат раҳбарлари даражасидаги Қўшма комиссиянинг иккинчи мажлисига тайёргарликнинг бориши ҳолати кўриб чиқилган

ТОШКЕНТ, 20 окт - Sputnik. Ўзбекистон Бош вазири Абдулла Арипов 20 октябрь куни Россия Федерацияси Ҳукумати раиси Михаил Мишустин билан телефон орқали мулоқот қилди, деб хабар Ўзбекистон Бош вазирининг матбуот хизмати.

Таъкидланишича, мулоқот чоғида икки мамлакат ўртасидаги савдо-иқтисодий ҳамкорлик доирасидаги қатор масалалар муҳокама қилинди. Коронавирус инфекциясига қарши кураш бўйича қўшма чора-тадбирларни изчил амалга ошириш юзасидан ўзаро фикр алмашилган.

Шунингдек, ўтказилиши кўзда тутилаётган ҳукумат раҳбарлари даражасидаги Қўшма комиссиянинг иккинчи мажлисига тайёргарликнинг бориши ҳолати кўриб чиқилди.

Икки мамлакат бош вазирлари бошчилигидаги ҳукумат раҳбарлари даражасидаги Қўшма комиссиянинг биринчи мажлиси Хоразм вилоятида 2019 йил май ойида ўтказилган.

172
Президент Шавкат Мирзиёев принял командующего Центральным командованием Вооруженных сил США генерала Кеннета Маккензи

Мирзиёев АҚШ генерали Маккензини қабул қилди

190
(Янгиланган 19:31 20.10.2020)
Ўзбекистон Республикаси Президенти АҚШ делегациясини қабул қилди. Учрашувда икки томонлама ҳарбий ва ҳарбий-техник ҳамкорлик масалалари ҳам кўриб чиқилди, дейилади хабарда.

ТОШКЕНТ, 20 окт - Sputnik. Президент Шавкат Мирзиёев мамлакатга амалий ташриф билан келган АҚШ Қуролли кучлари Марказий қўмондонлиги қўмондони генерал Кеннет Маккензини қабул қилди. Бу ҳақда президент матбуот-хизмати хабар бермоқда.

"Суҳбат чоғида Ўзбекистон-АҚШ муносабатлари ва минтақавий кун тартибининг долзарб масалалари муҳокама қилинди. Хавфсизлик ва барқарорликка таҳдидлар ҳамда глобал хатарларга қарши курашиш мавзуларига алоҳида эътибор қаратилди.
Икки томонлама ҳарбий ва ҳарбий-техник ҳамкорлик масалалари ҳам кўриб чиқилди", - дейилади хабарда.

Шунингдек, суҳбат давомида Афғонистонда тинчлик жараёнини қўллаб-қувватлаш ҳамда ушбу мамлакатнинг иқтисодий тикланишига амалий кўмак кўрсатиш юзасидан фикр алмашилган.

Генерал Кеннет Маккензи
Пресс-служба президента Узбекистана
Генерал Кеннет Маккензи

Генерал Маккензи Ўзбекистон президентига учрашув учун самимий миннатдорлик билдириб, АҚШ мамлакатлар ўртасидаги стратегик шерикликни мустаҳкамлаш, кенг кўламли ҳамкорликни кенгайтириш борасида қатъий эканини таъкидлаган.

190

Беларус чет элликларга COVID-19 ҳақидаги справкасиз транзит қилишга рухсат берди

50
Транзитни амалга ошираётган шахс Беларусдан 24 соат ичида транзит ўтишини ҳужжат билан тасдиқлаши керак бўлади. Чипта, Беларус транзит визаси, йўл олинган мамлакат органининг расмий таклифномаси шундай ҳужжат сифатида қайдга олиниши мумкин.

ТОШКЕНТ, 20 окт - Sputnik. Беларус ҳукумати 22 октябрдан чет элликларга 24 соат давомида республика ҳудудидан COVID-19 коронавируси йўқлиги ҳақидаги маълумотномасиз транзитни амалга оширишга рухсат берди. Бу ҳақда сешанба куни мамлакат чегара қўмитаси матбуот-хизмати хабар берди.

"22 октябр 00:00дан Беларусдан транзит ўтаётган чет эл фуқаролари ва фуқаролиги бўлмаган шахсларга чегарада COVID-19 мавжуд эмаслиги ҳақидаги маълумотнома керак бўлмайди. Шунингдек, бу шахсларга ўн кунлик ўз-ўзини яккалаш тартиби ҳам дахл қилмайди", - дейилади хабарда.

Юқоридаги ҳолатда Беларус орқали транзитни амалга ошираётган шахс Беларусдан 24 соат ичида транзит ўтишини ҳужжат билан тасдиқлаши керак бўлади. Ўтиш ҳужжати (чипта), Беларус транзит визаси, шахс йўл олган мамлакат органи (ташкилоти)нинг расмий таклифномаси, соғломлаштирувчи муассасага йўлланма ва бошқа ҳужжатлар шундай ҳужжат сифатида қайдга олиниши мумкин.

24 соатлик транзитни тасдиқловчи ҳужжатга эга бўлмаган фуқаролар ва фуқаролиги бўлмаган шахслар ҳам Беларусга маълумотномасиз ва ўз-ўзини яккалаш шартига амал қилмаган ҳолда кириб келишларига рухсат берилади. Аммо бу ҳолатда чегара хизматчилари мамлакатга кириб келган шахсга "ташриф буюрувчи анкетаси"ни беришади. Унда меҳмон "Беларусь Республикаси орқали 24 соатдан ошмайдиган транзит" ёзувини қолдириши лозим бўлади.

Шахс ушбу анкетани ўзида сақлаши ва мамлакатдан чиқиб кетаётганида чегара хизматчисига тақдим этиши керак бўлади.

Қайд этилишича, 24 соат ичида мамлакатдан чиқиб кетишга улгурмайдиган шахслар чегарада коронавирус йўқлигини тасдиқловчи ҳужжатни тақдим этишлари керак бўлади. Бундай маълумотномани олиш учун соғлиқни сақлаш вазирлигининг ҳудудий ташкилотларига мурожаат қилиш талаб этилади, деб таъкидланган хабарда.

50