Шавкат Мирзиёев и Реджеп Эрдоган подписали ряд совместных документов

Ўзбекистон-Туркия: қандай муҳим ҳужжатлар имзоланди

568
(Янгиланган 10:40 20.02.2020)
Шавкат Мирзиёевнинг сўзларига кўра, Ўзбекистон – Туркия стратегик ҳамкорлик кенгашининг биринчи йиғилиши дўстона алоқалар тарихида янги саҳифа очди.

 

ТОШКЕНТ, 20 фев — Sputnik. Анқара шаҳрида Олий даражадаги Ўзбекистон–Туркия стратегик ҳамкорлик кенгашининг биринчи йиғилиши бўлиб ўтди. Музокаралар якунида Шавкат Мирзиёев ва Режеп Таййип Эрдоған Стратегик ҳамкорлик кенгашининг биринчи йиғилиши натижалари тўғрисида қўшма баёнотни имзоладилар.

Шунингдек, иқтисодиёт, савдо, технологиялар соҳасига оид ҳужжатлар имзоланди.

Шавкат Мирзиёевнинг сўзларига кўра, Ўзбекистон – Туркия стратегик ҳамкорлик кенгашининг биринчи йиғилиши дўстона алоқалар тарихида янги саҳифа очди, сиёсий, савдо-иқтисодий, сармоявий, транспорт, маданий-гуманитар соҳаларга оид кўплаб масалалар атрофлича муҳокама қилинди.

“Қўшма лойиҳаларни амалга ошириш масаласи мулоқотимизнинг марказий мавзуларидан бири бўлди. Туркиянинг етакчи компаниялари билан қиймати бир миллиард доллардан ортиқ бўлган янги лойиҳалар ишлаб чиқилмоқда,” – деди Мирзиёев.

Аксарият минтақавий ва халқаро муаммолар борасида, шунингдек, БМТ, Ислом ҳамкорлик ташкилоти ва Туркий тилли давлатлар кенгаши доирасидаги ҳамкорликка ёндашувлар муштарак экани таъкидланди. Замонавий таҳдид ва хавф-хатарларга қарши курашишда ҳам мулоқотни кучайтириш лозимлиги айтилди. 

Первое заседание Узбекско-турецкого совета стратегического сотрудничества
© Пресс-служба президента Узбекистана
Первое заседание Узбекско-турецкого совета стратегического сотрудничества

Режеп Таййип Эрдоған Туркия ва Ўзбекистоннинг қўшма лойиҳаларини ҳар томонлама қўллаб-қувватлашини таъкидлади.

Таъкидланишича, мамлакатлар ўртасида ўзаро товар айирбошлаш ҳажмини яқин йилларда беш миллиард долларга етказишга қаратилган устувор вазифалар турибди. 2019 йилда бу кўрсаткич 2,5 миллиард доллардан ошди.

Музокараларда мамлакатлар ҳамкорлигига оид барча масалалар ва уларнинг ечимлари, истиқболдаги асосий вазифалар ҳамда қўшма лойиҳалар келишиб олинди.

Шавкат Мирзиёев Стратегик ҳамкорлик кенгашининг навбатдаги йиғилишини ўтказиш учун Режеп Таййип Эрдоғанни Ўзбекистонга таклиф қилди.

Расмий тадбирлар якунига етгач, Шавкат Мирзиёев ва унинг рафиқаси Зироат Мирзиёева шарафига Режеп Таййип Эрдоған ва унинг рафиқаси Эмина хоним томонидан қабул маросими ташкил этилди. Улар биргаликда суратга тушиб, самимий суҳбатлашди. Тадбирда икки мамлакат расмий делегацияси аъзолари, давлат ва жамоат арбоблари иштирок этди.

Официальный прием в честь Шавката Мирзиёева и его супруги от имени Реджепа Эрдогана
© Пресс-служба президента Узбекистана
Официальный прием в честь Шавката Мирзиёева и его супруги от имени Реджепа Эрдогана
568
Мавзу:
Мирзиёевнинг Туркияга расмий ташрифи (11)
Государственный секретарь США Майк Помпео

Помпео COVID-19 келиб чиқишини хитой лабораторияларига боғлади

415
Помпеонинг сўзларига кўра, АҚШ Ухань вирусология институтининг бир неча нафар тадқиқотчилари 2019 йилнинг ёзида - ҳали COVID-19 биринчи ҳолати қайд этилгунга қадар касалланишган, дейиш учун барча асосларга эга.

ТОШКЕНТ, 16 янв - Sputnik. АҚШ Давлат котиби Майк Помпео коронавирус пандемияси ХХР лабораторияларида юзага келган бўлиши мумкин мазмунида тарқалган тахминларни тасдиқловчи маълумотни эълон қилди.

Помпео ўз баёнотини ушбу ҳафтада коронавирус пандемияси сабабларини ўрганиш ва бу борада суриштирув ўтказиш учун Хитойга етиб борган Бутунжаҳон соғлиқни сақлаш ташкилоти инспекторларига йўллади.

"АҚШ ҳукумати бугун 2019 йилда Хитой давлат лабораториялари фаолияти ичида юз берган янги маълумотлар ҳақида хабар беришмоқда", - дейилади Помпеонинг ёзма баёнотида. Жумладан, унинг сўзларига кўра, АҚШ Ухань вирусология институтининг бир неча нафар тадқиқотчилари 2019 йилнинг ёзида - ҳали COVID-19 биринчи ҳолати қайд этилгунга қадар касалланишган, дейиш учун барча асосларга эга.

Бундан ташқари, институтда камида 2016 йилдан бошлаб COVID-19 билан 96% га ўхшаш бўлган RaTG13 кўршапалакларида коронавирус ўрганилган. Унинг сўзларига кўра, институт вируснинг эҳтимолий "юқумлилиги ёки ўлим ҳолатларини ошириши бўйича ўтказилган тажрибалар" борасида ҳисобот тақдим этмаган.

Вирусология институти ҳарбий тадқиқотлар билан боғлиқ, дея таъкидлаган яна Помпео. "Узань вирусология институти фуқаролик институти сифатида тақдим этилишига қарамай, у Хитой ҳарбийлари билан материаллар чоп этишда ва махфий лойиҳаларда ҳамкорлик қилган", - дейилади Помпео баёнотида.

"COVID-19 пандемияси олдини олиш мумкин эди. Ҳар қандай масъулиятли давлат инфекция авж олганидан бир неча кун ўтгач Уханьга соғлиқни сақлаш соҳасида жаҳон экспертларини таклиф қилган бўлар эди", - деган Помпео.

COVID-19 лабораториядан назоратсиз чиқиб кетган бўлиши мумкин - Британия разведкачилари >>>

У яна бир карра БССТ экспертларига барча объектларга, лаборатория маълумотларига, ходимларга, гувоҳларга ва шикоятчиларга йўл очиб беришга чақириб қолган.

АҚШ бундан олдин ҳам коронавирус хитой лабораторияларида пайдо бўлган бўлиши мумкин, деган тахминларни билдириб келган, аммо шу вақтгача ўз сўзларига далилларни келтирмаган эди.

Помпеонинг ҳозирги таъкидлари ҳам ҳужжатлар билан далилланмаган. Хитой бу айбловларни рад этмоқда.

415
Теглар:
коронавирус пандемияси, Британияда коронавируснинг янги штамми, коронавирус
Мавзу:
COVID-19 умумжаҳон пандемияси

АҚШ МДҲ давлатларидан очиқ ва рақобатбардош сайловларни ўрганса бўлади - Володин

304
Бугунги кунда ОДКБ ва МДҲга кирувчи собиқ Совет Иттифоқи давлатларида сайловлар стандартлари ўта юқори, деб ҳисоблайди РФ Давлат думаси спикери.

ТОШКЕНТ, 15 янв — Sputnik. РФ Давлат думаси раиси Вячеслав Володин МДҲ давлаларида сайловларни ўтказиш тажрибасини АҚШ билан бўлишишни таклиф этди.

"Россия 24" телеканалига берган интервьюсида Давлат демаси спикери Қозоғистон ва Қирғизистонда сайловлар ўта юқори даражада ўтказилганини қайд этди. Володиннинг айтишича, КХШТ (ОДКБ) ва МДҲ Парламент ассамблеяси доирасида бу давлатларда кузатувчи сифатида бўлган Давлат думаси депутатлари шундай хулосани берганлар.

Шу билан бирга, АҚШдаги сайлов кампаниясига доир саволлар кўплаб йиғилиб қолган, дейди Володин.

"Шу боис, бошқа мамлакатлардаги сайловлар ҳақида гапирганимизда, ҳозир маълум бир тажрибани ёки қандайдир таклифларни таҳлил қилиб, умумлаштириб, сўнгра Америка Қўшма Штатларидаги ҳамкасбларимизга йўлласак, тўғри бўлар эди", - деди РФ Давлат думаси раиси.

"Биз тавсияларни йўллаймиз. Бундан ташқари, бу сингари масалалар чиндан ҳам анча самаралироқ ҳал этилаётган кўплаб мамлакатлар тажрибаси билан танишиб чиқишни тавсия этамиз. Лекин, бунда энг асосийси, бу ҳақда олдин ҳам айтганмиз, яна такрорлаб ўтамиз, суверен давлатлар ишларига аралашманг, ўз муаммоларингизни ҳал этинг, биз эса ўзимизни муаммоларимизни ўзимиз ҳал этиб оламиз. Агар ёрдам керак бўлса, марҳамат", - дея хотима қилди сиёсатчи.

РФ Федерация кенгаши халқаро қўмитаси раҳбари Константин Косачев илгарироқ, АҚШ ўз сайлов тизимида рўй берган "сбой"дан сўнг бошқа давлатлардаги сайловларга "баҳо" қўйиш имкониятидан маҳрум бўлганини айтган эди.

304
Теглар:
сайлов, сайловлар, Россия, АҚШнинг янги президенти, АҚШ президенти, АҚШ
Жители города Душанбе в защитных масках на улице

Тожикистон COVID-19 ни енгдими: Марказий Осиёдаги вазият

6
Ўтган суткада Қозоғистонда қарийб 1000 кишида коровирус аниқланди. Тожикистонда эса 6 кундан буён ҳеч ким касалланмаяпти.

ТОШКЕНТ, 17 янв — Sputnik. Қозоғистонда Марказий Осиё мамлакатларининг бошқаларига қараганда энг кўп коронавирус аниқланмоқда.

Қозоғистонда ўтган куни 978 та коронавирус билан касалланиш ҳолати аниқланди. Мамлакатда жами 168 096 кишида инфекция аниқланган. Шулардан 153 035 нафари соғайиб кетган. 2349 киши вирус қурбонига айланган.

Қирғизистон энг кўп COVID-19 аниқланиш бўйича иккинчи ўринда. Ўтган суткада 123 кишида вирус аниқланган. Касалланганларнинг умумий сони 83 109 нафарга етган. Шулардан 78 994 нафари тузалган. Вирус туфайли 1384 нафар қирғизистонлик вафот этган.

Ўзбекистонда ўтган куни 64 кишининг коровирусга топширган тести мусбат чиққан. Шу тариқа касалланганларнинг умумий сони 77 968  нафарни ташкил этмоқда. Шуларнинг 76 436 нафари касалликни енгган. 619 киши вирус оқибатларидан вафот этган.

Тожикистон ССВ тақдим этган маълумотларга кўра, мамлакатда 6 кундан бери ҳеч ким коронавирус билан касаланмаяпти. Республикада жами 13 308 киши ковид юқтириб олган. Шулардан 13 218 нафари даволаниб чиққан. Шу билан бирга 90 бемор COVID-19 ўлган. Ушбу рақамлардан келиб чиқиб, мамлакатда коронавирус билан касалланганлар қолмагани ҳақида хулоса қилиш мумкин.

6