Боевики движения Талибан

Толиблар АҚШ Афғонистоннинг урушдан кейинги ривожланишида иштирок этишига рози

538
(Янгиланган 14:46 21.02.2020)
"Толибон" ҳаракати етакчисининг ўринбосари Сирожиддин Ҳаққонийнинг айтишича, толиблар АҚШ билан битим тузишдан олдин келишувнинг барча пунктларини бажаришга тайёрлигини билдиришган

ТОШКЕНТ, 21 фев — Sputnik. "Толибон" радикал ҳаракати АҚШ ва бошқа давлатлар билан ҳамкорлик қилишга ва тинчлик битими имзоланганидан сўнг уларга Афғонистоннинг урушдан кейинги тараққиётида иштирок этишига рухсат беришга тайёр.

Бу ҳақда "Толибон" етакчиси ўринбосари Сирожиддин Ҳаққоний New York Times нашрига маълум қилди.

Ҳаққонийнинг айтишича, толиблар АҚШ билан битим тузишдан олдин келишувнинг барча пунктларини бажаришга тайёр эканликларини билдиришган.

Шунингдек, Афғонистондан чет эл қўшинлари чиқарилгач, мамлакатдаги турли ҳаракатлар республиканинг келажагини аниқлаб олиш учун ички музокараларни олиб борадилар. Агар бу жараёнда чет эл давлатлари иштирок этса, толиблар бунга қаршилик билдирмайди, деди Ҳаққоний.

"Биз мамлакатнинг янги инклюзив тизими ҳақида келишиб олиш учун бошқа томонлар билан маслаҳатлашув ва чинакам ҳурмат асосида ҳамкорлик қилишга тайёрмиз. Янги тизим яратилишида ҳар бир афғонистонлик фикри инобатга олинади", - деб қўшимча қилди у.

Эслатиб ўтамиз, сал олдин Вашингтон ва "Толибон" радикал ҳаракати ўт очишни тўхтатиш тўғрисидаги битимни февраль ойи охирида имзолаши мумкинлиги ҳақида хабар қилинган эди.

Ўтган йил давомида АҚШ ва толиблар Дохада саккиз раунд музокараларни ўтказишди. Томонлар тинчлик битими бўйича деярли тўлиқ келишувга борган бир вақтда толиблар томонидан содир этилган ва америка ҳарбийлари ўлимига сабаб бўлган теракт туфайли ҳужжат имзоланмай қолган эди.

Теракт тўғрисида хабар топган АҚШ президенти Дональд Трамп буйруғи билан "Толибон" билан мулоқот тўхтатилди ва битим имзоланиши бекор қилинди, аммо уч ой ўтгач, музокаралар қайта тикланди.

538
Мавзу:
Афғонистон: 30 йил тинчлик илинжида (59)
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

40
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

40
Президент США Джо Байден во время 59-й инаугурации президента в Вашингтоне

Шавкат Мирзиёев АҚШнинг янги президентини табриклади

102
(Янгиланган 15:08 21.01.2021)
Ўзбекистон президенти Шавкат Мирзиёев АҚШнинг янги сайланган президенти Жозеф Байденга табрик йўллади.

ТОШКЕНТ, 21 янв — Sputnik. Шавкат Мирзиёев АҚШнинг янги сайланган президенти Жозеф Байденга табрик йўллади.

“Ўзбекистон Республикаси Президенти Шавкат Мирзиёев Америка Қўшма Штатлари Президенти Жозеф Байденга унинг давлат раҳбари лавозимига киришгани муносабати билан табрик йўллади”, - дейилган давлат раҳбари хабарида.

Конгресс Жо Байденнинг АҚШ президенти этиб сайланганлигини тасдиқлади

2020 йил ноябрида бўлиб ўтган АҚШ президенти сайловларида Жо Байден ғалаба қозонган эди. 2021 йил 20 январь куни у қасамёд қилди ва АҚШ президенти лавозимини бажаришга киришди. 78 ёшда бўлган демократ Байден АҚШнинг қирқ олтинчи ва сайланган энг ёши катта президент бўлди.

102
Теглар:
табрик, Жо Байден, Шавкат Мирзиёев