Нишоновнинг ёрдамчиси: Лавров дипломатликни қандай бошлаган?

2533
Бугун Россия ТИВ раҳбари 70 йиллик юбилейини нишонламоқда. Лавров ўз дипломатик фаолиятини Совет Иттифоқининг Шри-Ланкадаги элчиси - ўзбекистонлик сиёсатчи Рафиқ Нишонов ёрдамчиси сифатида бошлаган.

ТОШКЕНТ, 21 мар — Sputnik. Россия Ташқи ишлар вазири Сергей Лавров СССРнинг Шри-Ланкадаги элчихонасида дипломат сифатида карьераси қандай бошлангани ҳақида гапирди ва ўша пайтдаги энг эсда қоларли воқеани ёдга олди.

Лавров МГИМОни 1972 йилда тамомлаган. У инглиз, француз ва сингал (Шри-Ланкадаги иккита расмий тилдан бири) тилларини билади. 1972 йилдан 1976 йилга қадар Коломбодаги совет элчихонасида фаолият юритган.

"Албатта, хотираларимда эски бино (элчихона биноси. - таҳр.) муҳрланиб қолган, чунки мен у ерда тўрт йилни ўтказганман. Мен Совет Иттифоқи элчиси Рафиқ Нишонович Нишоновнинг ёрдамчиси эдим. Аллоҳдан у кишига саломатлик сўрайман. Биз МГИМО битирувчилари ва кекса ёшдаги ўртоқлар - биринчи котиб ва маслаҳатчилардан иборат жамоани шакллантира олдик. Футбол, волейбол ўйнардик", - деди Лавров "Россия 1" телеканалидаги "Вести в субботу" кўрсатувида берган интервьюсида.

Жумладан, Лавровнинг сўзларига кўра, дипмиссия ходимлари ҳар шанба ва якшанба элчихона қошидаги клубда тўпланган ва турли спорт ўйинларини ўйнаб, шунингдек, биргаликда кино кўрганлар.

"Шундай анъана бор эди. Замонавий шароитларда элчихоналарда умумий кинофильмлар томошаси камдан-кам ташкил этилади. Чунки ҳар бир киши буни ўз танловидан келиб чиққан ҳолда уйида амалга ошириши мумкин", - деб қўшимча қилди ТИВ раҳбари. Лавров элчихонада "ҳозиргача телевидения орқали намойиш этиладиган яхши совет фильмларини томоша қилишгани"ни айтди. Фильмлар СССРдан юборилган.

Лавровнинг айтишича, Шри-Ланкадаги фаолияти давомида рўй берган энг ёрқин хотиралардан бири, шахсий иш кабинетида илонга дуч келгани бўлган.

"Эски бинодаги кабинетимга кичкина қора илон судралиб кирибди. Кондиционерлар деворга ўйиб жойланган бўлиб, кичикроқ туйнук қолган ва ўша орқали илон кабинетимга кирган. Лекин биз уни дарҳол нейтралладик. Сўнгра барча кабинетларни айланиб, мавжуд туйнукларни ёпиб чиқдик", - деди у.

Бундан ташқари, вазир, мамлакат бўйлаб саёҳат ҳам хотирасида яхши муҳрланиб қолганлигини қўшимча қилди. Лавровнинг айтишича, оролда қизиқарли жойлар жуда кўп.

"Шри-Ланка қизиқ тарихга эга. Барчага кўҳна пойтахт - Кандини зиёрат қилишни тавсия этаман", - дея маслаҳат берди Лавров.

2533
Глава МИД Узбекистана Абдулазиз Камилов провел переговоры с российским коллегой Сергеем Лавровым.

Ўзбекистон ва Россия ТИВ раҳбарлари мунтазам парвозларни тиклаш масаласини муҳокама қилди

561
(Янгиланган 18:43 02.03.2021)
Абдулазиз Камилов ва Сергей Лавров Ўзбекистон фуқароларининг Россияга киришлари билан боғлиқ чекловларни бекор қилиш имконияти юзасидан фикр алмашди.

ТОШКЕНТ, 2 мар — Sputnik. Ўзбекистон ташқи ишлар вазири Абдулазиз Камилов россиялик ҳамкасби Сергей Лавров билан учрашди. Бу ҳақда республика ТИВ матбуот хизмати хабар қилмоқда.

Учрашув чоғида Камилов мамлакат президенти Шавкат Мирзиёевнинг Россия томонини жорий йили Тошкент шаҳрида бўлиб ўтадиган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференцияга таклиф қилган мактубини топширган.

Таъкидланишича, ташқи сиёсат маҳкамалари раҳбарлари сиёсий-дипломатик, савдо-иқтисодий, маданий-гуманитар ва бошқа томонларни қизиқтирган соҳалардаги Ўзбекистон – Россия муносабатларининг бугунги ҳолати ва ривожланиш истиқболларини муҳокама қилинган.

Илгари эришилган келишувларнинг ижро жараёни ҳамда бўлажак олий ва юқори даражалардаги тадбирлар жадвали кўриб чиқилди.

“Томонлар Ўзбекистон ва Россия ўртасида доимий авиақатновларни тиклаш масаласини, Ўзбекистон Республикаси фуқароларининг Россия Федерацияси ҳудудига киришлари билан боғлиқ чекловларни бекор қилиш имконияти юзасидан фикр алмашдилар”, - дейилган хабарда.

Вазирлар БМТ, МДҲ, ШҲТ ҳамда бошқа халқаро ва минтақавий ташкилотлар доирасидаги ҳамкорликнинг турли жиҳатлари борасида ҳам сўз юритди.

Афғонистондаги бугунги вазият, инклюзив афғонлараро музокараларни ҳар томонлама қўллаб-қувватлаш ва Афғонистон иштирокида транспорт-коммуникасия лойиҳаларини амалга ошириш йўлидаги саъй-ҳаракатларга алоҳида эътибор қаратилди.

Эслатиб ўтамиз, аввалроқ Ўзбекистон транспорт вазири ўринбосари Жасурбек Чориев ҳукумат Россия махсус комиссиясига мунтазам парвозларни қайта тиклашни таклиф қилиб, мурожаат йўллаганини маълум қилган эди. У жорий йил март-апрель ойида бирор бир ижобий жавоб бўлишига умид билдирилаётганини таъкидлаган эди.

561
Теглар:
авиапарвозлар, Россия, Ўзбекистон, Сергей Лавров, Абдулазиз Камилов
Президент Шавкат Мирзиёев принял своего советника по вопросам экономического развития, эффективного управления и международного сотрудничества Суму Чакрабарти.

Мирзиёев хорижлик маслаҳатчиси билан иқтисодий ислоҳотлар истиқболини муҳокама қилди

134
Сума Чакрабарти Ўзбекистондаги иқтисодий ислоҳотларнинг узоқ муддатли истиқболга мўлжалланган стратегиясини тайёрлаш борасидаги таклиф ва тавсияларини билдирди.

ТОШКЕНТ, 2 мар — Sputnik. Ўзбекистон президенти Шавкат Мирзиёев ўзининг иқтисодий тараққиёт, самарали бошқарув ва халқаро ҳамкорлик масалалари бўйича маслаҳатчиси Сума Чакрабартини қабул қилди. Бу ҳақда давлат раҳбари матбуот хизмати хабар қилмоқда.

Учрашувда маслаҳатчи Чакрабартининг Ўзбекистондаги иқтисодий ислоҳотларнинг узоқ муддатли истиқболга мўлжалланган стратегиясини тайёрлаш, давлат бошқаруви тизимини такомиллаштириш, мамлакатнинг хорижий шериклар билан ўзаро манфаатли муносабатларини кенгайтириш борасидаги таклиф ва тавсиялари кўриб чиқилди.

Мирзиёев “йўл харитаси” ва устувор йўналишлар бўйича бошқа муҳим концептуал ҳужжатларни биргаликда пухта тайёрлашни давом эттириш ва кейинчалик уларни амалга ошириш зарурлигини таъкидлади.

Инвестиция ва ишбилармонлик муҳитини янада яхшилаш, давлат улуши мавжуд корхоналарни трансформация қилиш, юқори малакали кадрларни тайёрлаш масалаларига алоҳида эътибор қаратилди.

Эслатиб ўтамиз, ўтган йили Европа тикланиш ва тараққиёт банкининг (ЕТТБ) собиқ раҳбари Сума Чакрабарти Шавкат Мирзиёевнинг иқтисодий тараққиёт, самарали бошқарув ва халқаро ҳамкорлик масалалари бўйича маслаҳатчиси этиб тайинланган эди.

134
Теглар:
иқтисод, ислоҳотлар, Сума Чакрабарти, Шавкат Мирзиёев
Мужчина держит папку в руке

Ҳарбий хизмат, ички ишлар ва божхона: пенсия таъминотига доир янги қонун

607
(Янгиланган 20:20 02.03.2021)
“Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

ТОШКЕНТ, 2 мар — Sputnik. “Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

Шавкат Мирзиёев 12 февраля принял участие в расширенном заседании коллегии Министерства внутренних дел Республики Узбекистан
Пресс-служба президента Узбекистана

Қонун лойиҳасини ишлаб чиқишдан кўзланган мақсадлар:

Ўзбекистон Республикаси ҳудудида истиқомат қилаётган Ўзбекистон Республикаси Қуролли Кучлари ҳарбий хизматчилари ва уларнинг оила аъзолари, шунингдек, Ўзбекистон Республикаси ва собиқ Совет Социалистик Республикалар Иттифоқининг қонун ҳужжатларига мувофиқ яратилган бошқа ҳарбий тузилмаларда ҳарбий хизмат ўтаган бўлиб, собиқ Иттифоқ таркибига кирган, бироқ Мустақил Давлатлар Ҳамдўстлигига аъзо бўлмаган давлатлар ҳудудида истиқомат қилаётган шахслар ҳамда ушбу шахслар оила аъзоларининг ҳуқуқлари ва қонуний манфаатларини муҳофаза қилиш (агар зикр этилган шахсларнинг пенсия таъминоти, мулоҳаза юритилаётган давлатларнинг ҳарбий хизмат (хизмат) ўтаган шахслар ва уларнинг оила аъзоларини пенсия билан таъминлашга оид қонун ҳужжатларида кўзда тутилмаган бўлса);

ҳарбий хизматчиларни ижтимоий жиҳатдан муҳофаза қилиш масалаларини нафақат уларнинг ҳуқуқ ва имтиёзларига тааллуқли кўплаб меъёрларни бир бутун қилиб, ўз ичига мужассам этадиган кодекс хусусиятига эга ҳужжат асосида, балки соҳага оид устувор масалаларни белгилаш бўйича давлат ҳокимияти идораларининг мажбуриятларини аниқ ифодалайдиган, мулоҳаза юритилаётган масалаларни рўёбга чиқариш йўлларини белгилаб берадиган ҳужжат асосида йўлга қўйиш киради.

"Қонун лойиҳаси пенсияларнинг қуйидаги миқдорларини кўзда тутади:

а) ҳақиқий ҳарбий хизмат ўталган муддат 20 йилни ташкил этса, пул таъминотига оид тегишли сумманинг 40 фоизи, хизмат ўташнинг чекланган ёшига етгани ёки соғлиги ёмонлашгани муносабати билан ҳақиқий ҳарбий хизматдан (хизматдан) истеъфога бўшатилган шахсга эса 45 фоизи тайинланади. 20 йилдан ортиқ ўталган ҳар бир тўлиқ хизмат йили учун пул таъминотига оид тегишли сумманинг 3 фоизи қўшилади. Бироқ пенсия миқдори, ушбу сумманинг жами 75 фоизидан ошмайди;

б) умумий меҳнат стажи 25 йилни ташкил этса, пул таъминотига оид тегишли сумманинг 40 фоизи, 25 йилдан ортиқ ҳар бир тўлиқ стаж йили учун зикр этилган сумманинг 1 фоизи қўшилади;

в) меҳнат стажи ҳисобга олинган тарзда хизмат ўтаган йиллари учун пенсия тайинланаётганида: умумий меҳнат стажи 20 йилни ташкил этса,  пул таъминотига оид тегишли сумманинг 40 фоизи, 20 йилдан ортиқ ҳар бир тўлиқ стаж йили учун зикр этилган сумманинг 3 фоизи қўшилади. Бироқ пенсия миқдори, пул таъминотига оид тегишли сумманинг жами  75 фоизидан ошмайди.

Хизмат ўтаган йиллари учун тайинланадиган пенсия миқдори Ўзбекистон Республикасида жорий этилган ёшга доир пенсиянинг энг кам миқдоридан кам бўлиши мумкин эмас.

Ҳарбий хизматчилар тоифасига мансуб, ногиронлик ҳолати ҳарбий хизмат мажбуриятларини бажариш билан боғлиқ бўлган (ҳарбий жароҳат олган) ногиронларга қуйидаги миқдорларда пенсия тайинланиши кўзда тутилган:

I гуруҳ ногиронларига – пул таъминотига оид тегишли сумманинг  90 фоизи;

II гуруҳ ногиронларига – пул таъминотига оид тегишли сумманинг  80 фоизи;

III гуруҳ ногиронларига – пул таъминотига оид тегишли сумманинг  55 фоизи", - деб ёзилган ҳужжатда.

607
Теглар:
Давлат божхона қўмитаси, божхона, Ички ишлар органи, Тошкент, Ўзбекистон