Путин регионлар раҳбарларини мигрантларни қурилишга қайтаришга чақирди

1520
(Янгиланган 17:09 17.04.2020)
"Биз қурилиш мажмуасини албатта қўллаб-қувватлаймиз. Бундан ташқари, иқтисодни тиклаш босқичида айнан иқтисод ўсиш локомотиви бўлиши ва бошқа секторларни тортиб кетиши лозим", - деб ваъда қилган Путин.

ТОШКЕНТ, 17 апр — Sputnik. Россия президенти Владимир Путин видеоселектор йиғилиши давомида регионлар раҳбарларига мослашувчан ёндашувни қўллашни ва қурилишларни музлатмасликни тавсия этди, дейилади Кремль сайтида эълон қилинган стенограммада.

Россиялик пудратчилар ўн минглаб қурувчиларни ўз-ўзини изоляциялаш режимига юбориш ҳақидаги қарорни кескин танқидга олгач, президент, агар чоралар кўриладиган тақдирда, "қурилишни тўхтатмаслик, объектларни музлатмаслик" мумкинлиги ҳақида баёнот қилди.

Давлат раҳбари, жойларда профилактик чораларни қўллаётганда қурилиш соҳасининг ўзига хос хусусиятларини инобатга олиш лозимлиги, чунки баъзан айниқса муҳим, ҳаёт учун биринчи галда зарур бўлган объектларда узлуксиз иш тартибига зарурат борлигини таъкидлаб ўтди.

"Биз қурилиш мажмуасини албатта, қўллаб-қувватлаймиз. Бундан ташқари, иқтисодни тиклаш босқичида айнан иқтисод ўсиш локомотиви бўлиши ва бошқа секторларни тортиб кетиши лозим", - деб ваъда қилган Путин.

Эслатиб ўтамиз, Москва ва Подмосковье ҳукумати қурилиш ишларини 13 апрелдан 19 апрелга қадар тўхтатиш қарорини қабул қилган. Ушбу чоралар коронавирус тарқалишининг олдини олишга қарши кураш доирасида қабул қилинган эди.

Аммо пойтахтда ва Москва вилоятидаги пудратчилар сал олдин РФ бош вазири Михаил Мишустиндан пойтахт ҳудудида қурилишни тўхтатиш ҳақидаги қарорни қайта кўриб чиқишни ва қурилиш ишлари тўхташи чўзилиб кетмаслигини илтимос қилдилар.

1520
Штаб-квартира Всемирной торговой организации ВТО

Ўзбекистонда мамлакатнинг ЖСТга аъзо бўлиши учун махсус комиссия тузилди

38
Низом билан Идоралараро комиссиянинг вазифалари ва функциялари, таркиби, фаолиятини ташкил этиш ва ишлаш тартиби белгиланган.

ТОШКЕНТ, 1 июн — Sputnik. Вазирлар маҳкамаси “Жаҳон савдо ташкилоти билан ишлаш бўйича идоралараро комиссия тўғрисидаги низомни тасдиқлаш ҳақида”ги қарорни қабул қилди, дея ёзади Norma.uz.

Жаҳон савдо ташкилоти билан ишлаш бўйича Идоралараро комиссия Ўзбекистоннинг ЖСТга аъзо бўлиши бўйича ишларни мувофиқлаштирувчи ва йўналишларни белгилайдиган коллегиал орган ҳисобланади. Низом билан Идоралараро комиссиянинг вазифалари ва функциялари, таркиби, фаолиятини ташкил этиш ва ишлаш тартиби белгиланган.

Идоралараро комиссия ўз фаолиятини йиғилишлар шаклида амалга оширади, улар бир йилда камида икки марта ўтказилади.

Идоралараро комиссия йиғилишларига материалларни тайёрлаш унинг котибияти – Инвестициялар ва ташқи савдо вазирлигининг ЖСТ билан ҳамкорликни мувофиқлаштириш бошқармаси томонидан амалга оширилади. Кўриладиган масалалар бўйича қарорлар комиссия аъзолари томонидан очиқ овоз бериш орқали кўпчилик овоз билан қабул қилинади.

Идоралараро комиссия Вазирлар маҳкамасига ўтказилган йиғилиш якунлари бўйича ҳисобот киритади.

38
м

ТИВ ўзбек-қирғиз чегарасидаги можаро юзасидан баёнот берди

98
Таъкидланишича, ҳодиса натижасида икки томондан ҳам жабрланганлар бор. Уларга зарур тиббий ёрдам кўрсатилган.

ТОШКЕНТ, 1 июн — Sputnik. Ўзбекистон Ташқи ишлар вазирлиги 31 май куни Ўзбекистон-Қирғизистон давлат чегарасидаги юз берди ҳодиса юзасидан расмий баёнот берди.

“Воқеа сабабларини икки томон расмий шахслари ўрганиши шуни кўрсатдики, Чашма булоғининг ариқларини биргаликда тозалаш пайтида юзага келган баҳслашув натижасида икки мамлакатнинг айрим фуқаролари ўртасида можаро келиб чиққан. Ҳодиса натижасида икки томондан ҳам жабрланганлар бор. Уларга зарур тиббий ёрдам кўрсатилди. Икки мамлакатнинг чегарадош вилоятлари раҳбарларининг музокаралари натижасида вазият тўлиқ назоратга олинди. Томонлар бундан кейин олдиндан келишувсиз тозалаш ишларини олиб бормасликка келишиб олдилар”, - дейилган хабарда.

Таъкидланишича, Чашма булоғи Ўзбекистон ва Қирғизистон аҳолисини ичимлик ва суғориш суви билан таъминлайди.

“Ўзаро манфаатларни инобатга олган ҳолда Чашма булоғидан биргаликда фойдаланиш тўғрисида келишув мавжуд”, - дея таъкидланган хабарда.

1 июнь куни Ўзбекистон бош вазири Aбдулла Ариповнинг Қирғизистон ҳукумати раҳбари Кубатбек Боронов билан учрашуви бўлиб ўтди.

Учрашувда икки томонлама ҳамкорликка оид кенг кўламли масалалар муҳокама қилинди. Трансчегаравий ҳамкорликни ривожлантириш ва чегарада юзага келадиган муаммоларни дўстлик, яхши қўшничилик ва стратегик шериклик руҳида, шунингдек, Ўзбекистон ва Қирғизистон ўртасида 2017 йил 6 октабрда имзоланган Чегара ҳудудида ишонч чоралари бўйича битим қоидаларига мувофиқ ҳал қилиш тўғрисида келишувга эришилди.

Ҳукумат раҳбарлари яқин вақт ичида Иқтисодий ҳамкорлик бўйича ҳукуматлараро комиссия йиғилиши ва Ўзбекистон Республикасининг чегарадош вилоятлари ҳокимлари ва Қирғизистон ҳукуматининг чегараолди ҳудудларидаги ваколатли вакиллари Кенгашини ўтказишга келишиб олди.

Икки мамлакат делегациялари раҳбарлари биргаликда маҳаллий аҳоли билан ҳам учрашув ўтказди.

98

Косачёв АҚШдаги намойишларга Россия алоқадорлиги ҳақидаги сўзларни ёлғон деб атади

17
АҚШ президентининг миллий хавфсизлик масалалари бўйича собиқ маслаҳатчиси Сюзан Райс илгарироқ АҚШдаги норозиликлар ортида Россия турган бўлиши мумкинлигини айтди.

ТОШКЕНТ, 1 июн - Sputnik. АҚШда норозилик намойишларини уюштирганликда Россияни айблаш, ҳам доимгидек, сохта хабарларга асосланган яна бир Россияга қарши кампаниянинг бир қисми бўлиши мумкин, деди Россия Федерация Кенгаши халқаро қўмитаси раҳбари Константин Косачёв.

АҚШ президентининг миллий хавфсизлик масалалари бўйича собиқ маслаҳатчиси Сюзан Райс илгарироқ АҚШдаги норозиликлар ортида Россия турган бўлиши мумкинлигини айтди. Райс бирон бир исбот ёки аниқ далил келтирмади.

“Амалга ошди. Американинг сохта хабарлар машинаси узоқ кутилган ҳаракатларга ёғсираб ғичираб, шанғиллаб киришди”, -  деб ёзди Косачёв фейсбукда.

“Бу жуда кулгили бўлган бўлар эди. Бироқ бу жуда қайғули бўлади, чунки қарғалар учишидан олдин биринчи қалдирғоч бўлиши мумкин”, - деди сенатор.

Парламент аъзосининг сўзларига кўра, расмий Вашингтон онгига "бу сафар Америка шаҳарларида содир бўлаётган барча даҳшатлар етиб боради – жабрланаётганларнинг барчасига ва бўлажакларига самимий ҳамдардлик сўзлари, ҳамда, миллий фожиа устидан сиёсий ўйинларга йўл қўймаслик учун оддийгина  ўзини ўзи асраш инстинкти етарлича бўлишига ишонч билдирган.

Косачёв, шунингдек, Райснинг баёноти тўғридан-тўғри ҳақорат эканини таъкидлади –  бу нафақат бу ҳолатда умуман аралашмаган Россияга, балки ўз ҳалқи ва АҚШ фуқароси Жорж Флойднинг хотирасига нисбатан ҳақоратдир.

Афро-америкалик Жорж Флойд полиция қўлидан ҳалок бўлганидан кейин Миннеаполис ва бошқа бир қатор шаҳарларда тартибсизликлар авж олди. Интернетда полициячилар Флойдни кишанлаб, уни йиқитиб, учтаси унинг устига чиқиб олгани, улардан бири эса томоғини тиззаси билан эзиб тургани тасвирланган видеолар пайдо бўлди. Видеода Флойд бир неча бор нафас ололмаётганини айтади, сўнгра тинчланиб қолади. У жонлантириш бўлмида вафот этди. Тартибсизликлар бошланганидан кейин тўрт нафар полициячи ишдан бўшатилди, улардан бири эҳтиётсизлик натижасида одам ўлдиришда айбланмоқда.

17