TOShKENT, 15 noya — Sputnik. 11-noyabr kuni Afg‘oniston Milliy yarashuv bo‘yicha oliy kengashining raisi Abdulla Abdulla Toshkentda respublika prezidenti Shavkat Mirziyoyev va tashqi ishlar vaziri Abdulaziz Komilov bilan uchrashdi.
Siyosatshunos-sharqshunos Dmitriy Verxoturov ta’kidlashicha, Afg‘oniston hukumati va Tolibon o‘rtasida tinchlik kelishuvini imzolash hozircha qoldirilmoqda - muzokaralar "juda og‘ir kechmoqda".
"O‘ylaymanki, hozirda mahalliy darajada, qo‘mondonlar o‘rtasida faol muzokaralar olib borilmoqda. Aynan shu muzokaralarda O‘zbekiston muhim rol o‘ynaydi. Afg‘onistonning shimolida ko‘plab etnik o‘zbeklar istiqomat qiladi", - deydi ekspert.
Aynan shu sababli Abdulla Toshkentga tashrif buyurgan edi. Bundan tashqari, tomonlar Afg‘onistonga iqtisodiy yordam masalasini ham muhokama qilgan bo‘lishi mumkin - bu tinchlik jarayonining muvaffaqiyatiga ko‘p jihatdan bog‘liq bo‘lgan muhim masala.
