Alisher Navoiy va Islom Karimov haykalini qurish kimga topshiriladi?

Obuna bo‘lish
Shavkat Mirziyoyev Toshkent shahri saylovchilari bilan o‘tkazgan uchrashuvi chog‘ida atoqli haykaltarosh Ilhom Jabborov nomini tilga olib, "bu insonning ijodidan har qancha faxrlanib gapirsak arziydi", deb ta’kidlagan edi. Ana shundan so‘ng ijtimoiy tarmoqlarda "Islom Karimov haykalini Jabborov yaratarmish" degan taxminlar bolalab ketdi

TOShKENT, 1 dek — Sputnik, Tanho Sattarova. O‘zbekiston Respublikasi Prezidentligiga nomzod Shavkat Mirziyoyev 24-noyabr kuni Toshkent shahri saylovchilari bilan o‘tkazgan uchrashuvi chog‘ida o‘zbek san’atiga hissa qo‘shayotgan iste’dod sohiblarini birma-bir sanab o‘tgan edi.

Toshkentdagi mustaqillik maydoni - Sputnik O‘zbekiston
Mirziyoyev Toshkentda Karimov nomidagi maydon barpo etishni taklif qildi
Buyuk san’atkorlar – Mulla To‘ychi Toshmuhammedov, Yunus Rajabiy, Mannon Uyg‘ur, Abror Hidoyatov, Shukur Burhonov, Karim Zokirov, Qudrat Xo‘jayev, G‘ani A’zamov, Zikir Muhammadjonov, Botir Zokirov, Ergash Karimov kabi o‘nlab, yuzlab iste’dod sohiblari madaniyatimiz tarixida yorqin iz qoldirganini barchamiz yaxshi bilamiz", deb aytgan Mirziyoyev, "atoqli rassom va haykaltaroshlarimiz Javlon Umarbekov, Bahodir Jalolov, Vladimir Burmakin, Ilhom Jabborov, Akmal Ikromjonov, mashhur xalq ustasi Ortiq Fayzullayevlarning ijodi haqida har qancha faxrlanib gapirsak, arziydi", — deb qo‘shimcha qilgan edi.

Ana shundan so‘ng ijtimoiy tarmoq foydalanuvchilari orasida O‘zbekistonning Birinchi prezidenti Islom Karimov xotirasiga bunyod etiladigan hamda marhum prezident qarori bilan tashkil qilingan Alisher Navoiy nomidagi Toshkent davlat Til va adabiyot universiteti oldiga qo‘yiladigan Alisher Navoiy haykallari Mustaqil O‘zbekiston ramzlariga aylangan uchta monument muallifi, O‘zbekistonning eng old haykaltaroshlaridan biri Ilhom Jabborov tomonidan yaratilarmish degan gap-so‘zlar bolalab ketdi.

© foto iz arxiva Akademii xudojestv UzbekistanaIlhom Jabborov, O‘zbekiston Badiiy akademiyasining akademigi, haykaltarosh, O‘zbekistonda xizmat ko‘rsatgan san’at arbobi
Ilxom Jabborov - Sputnik O‘zbekiston
Ilhom Jabborov, O‘zbekiston Badiiy akademiyasining akademigi, haykaltarosh, O‘zbekistonda xizmat ko‘rsatgan san’at arbobi

Bu gap-so‘zlar qanchalik haqiqatga yaqinligini aniqlash maqsadida O‘zbekiston Badiiy akademiyasi bilan bog‘landik.

"Ayni paytda hujjatlashtirish ishlari olib borilayotgani sababli, haykallarni kim qurishi borasida aniq ma’lumot bera olmaymiz", — deya javob qaytardi akademiya vakili.

Haykaltarosh Ilhom Jabborovni esa topishning iloji bo‘lmadi. Sputnik O‘zbekistonning ishonchli manbasi ma’lumotlariga ko‘ra, "Haykaltarosh o‘z ishini tashlab, toqqa uzlatga chiqib ketgan".

Eslatib o‘tamiz, Ilhom Jabborov Toshkentdagi Furqat (bronza, granit, 1982; me’mori S. Sutagin), Urgutdagi Navoiy (mis, 1985), Namangandagi Mashrab (mis, 1988), Toshkent (1992), Samarkand (1997) va Shahrisabz (1997)dagi Amir Temur haykallari (bronza; me’mori F. Ashrafiy), Farg‘onadagi Al Farg‘oniy (bronza, 1998), Toshkentdagi "Ona" (bronza, 1999), Urganchdagi Jaloliddin Manguberdi (2000) haykallari muallifidir. "Mehnat Shuhrati" ordeni bilan mukofotlangan (2001).

© Flickr / RamónAmir Temur haykali
Pamatnik Amir Timuru - Sputnik O‘zbekiston
Amir Temur haykali
Yangiliklar lentasi
0