TOShKENT, 17 apr — Sputnik. O‘zbek estradasi namoyandasi Yulduz Usmonovaning qizi Nilufar beshinchi bor ona bo‘lishga tayyorlanmoqda, deb xabar berdi Sputnik muxbiri.
Xonandaning homiladorligi haqida gap-so‘zlar bir necha oydan beri bo‘layotgan, ammo Nilufar ularga izoh bermayotgandi. Nihoyat u Instagramdagi sahifasida o‘z tug‘ilgan kunida olingan suratlarni joylashtirganidan so‘ng xonandaning homilador ekanligi ma’lum bo‘ldi.
Nilufar tug‘ilgan kunini 6-aprel kuni Toshkentdagi restoranlardan birida oila a’zolari va do‘stlari bilan nishonladi.
Xonandaning bir yoshga to‘lgan Sa’diya ismli qizi hamda Saida’zamxon, Ibrohimxon va Sulaymonxon ismli uch nafar o‘g‘li bor.
