Строящаяся атомная электростанция. Иллюстративное фото

Атом электростанцияси қайси вилоятда қурилиши маълум бўлди

3374
(Янгиланган 09:44 31.05.2018)
“Росатом” корпорацияси бош директори Алексей Лихачёв сўзларига кўра, Ўзбекистонда АЭС қурилиши лойиҳасини амалга ошириш учун тегишли давлат органи ташкил этилиши лозим, у республикадаги атом соҳасини тартибга солади.

ТОШКЕНТ, 31 май — Sputnik. Ўзбекистонда биринчи атом электростанцияси Навоий вилоятида қурилади. Бу ҳақда  Россиянинг “Росатом” корпорацияси бош директори Алексей Лихачёв маълум қилди.

Президент Узбекистана Шавкат Мирзиёев встретился с главой Росатома
Пресс-служба президента Узбекистана

Унинг сўзларига кўра, янги объект қурилиши учун майдон Ўзбекистон президенти Шавкат Мирзиёев билан учрашув чоғида маълум бўлди.

Учрашувда ҳукуматлараро келишув, шартнома, бу объектни фойдаланишга топшириш муддатлари, кадрлар тайёрлаш масаласи ҳам кўриб чиқилган. 

“Ўзбекистон Россияга Навоий вилоятида АЭС қуришни таклиф қилди. Ўзбекистон президенти ва бош вазири бизга Навоий вилоятидаги майдонча ҳақида маълум қилишди. Яқин кунлар ичида у ерга йўл олиб, маълумот йиғишни бошлаймиз. Лойиҳага ёндашувлар муҳокама қилинди”, — деди Лихачёв.

“Росатом” раҳбарининг фикрига кўра, биринчи навбатда Ўзбекистонда АЭС қурилиши лойиҳасини амалга ошириш учун тегишли давлат органи ташкил этилиши лозим, у республикадаги атом соҳасини тартибга солади. Ушбу идора “Росатом” билан биргаликда қабул қилиниши зарур бўлган битим, келишув ва бошқа ҳукуматлараро қарорларни тайёрлайди.

3374
Мавзу:
Ўзбекистонда атом электростанцияси қурилиши (20)