Ўзбекистонда қайси йўллар пуллик бўлади?

392
“Пуллик автомобиль йўллари тўғрисида”ги қонун лойиҳасида пуллик автойўлларни лойиҳалаштириш, қуриш, реконструкция қилиш ва улардан фойдаланишда давлат-хусусий шериклик салоҳиятини фаол қўллаш назарда тутилган.

ТОШКЕНТ, 20 мар – Sputnik. “Пуллик автомобиль йўллари тўғрисида”ги қонун лойиҳасида пуллик автойўлларни лойиҳалаштириш, қуриш, реконструкция қилиш ва улардан фойдаланишда давлат-хусусий шериклик салоҳиятини фаол қўллаш назарда тутилган. Бу ҳақда Norma хабар қилди.

Пуллик йўллар қаерда бўлади?

Транспортнинг бутун масофа бўйлаб катта ва хавфсиз тезликда ҳаракатланиши таъминланган ҳолда юқори сифатли ўтиш йўлларигина пуллик бўлади.

Вазирлар Маҳкамаси ёки маҳаллий ҳокимият органлари автомобиль йўлидан пуллик асосда фойдаланиш тўғрисида қарор қабул қилади. Бироқ муқобил вариант: мўлжалланаётган пуллик йўл билан туташадиган, аҳоли пунктлари ўртасида умумий фойдаланишдаги мавжуд йўл тармоғи бўйлаб бепул ўтиш йўли бўлиши шарт. Бундай муқобил йўллар пуллик йўллардан кўпи билан уч баравар узун бўлмаслиги керак. Қуйидагилар бундан мустасно:

- пуллик йўлнинг 50%идан ортиқ масофасини кўприклар, туннеллар ва кўприк йўллар ташкил этадиган;

- янги пуллик йўл қурилиши чўл туманларда ва унга тенглаштирилган жойларда (рўйхатини Ҳукумат тасдиқлайди) амалга ошириладиган.

Тегишли қарорда ёки ДХШ тўғрисидаги битимда кўрсатилган муддат тугагач, пуллик йўлдан фойдаланиш тўхтатилади.

Лойиҳада қуйидаги ҳолларда пуллик йўлдан муайян муддат фойдаланиш тўхтатиб турилиши мумкинлиги назарда тутилган:

- муқобил бепул ўтиш имконидан фойдаланишга тўсқинлик қиладиган ҳолатлар юзага келганда;

- ҳарбий, фавқулодда ҳолатлар юз берганда, шунингдек табиий ёки техноген тусдаги фавқулодда вазият юзага келганда.

Ким қуради?

 Пуллик йўллар республика бюджети ва маҳаллий ҳокимият органлари бюджетларининг маблағлари, пуллик автомобиль йўллари соҳасида махсус ваколатли давлат органи томонидан жалб этилган маблағлар, жисмоний ва юридик шахсларнинг шахсий ва (ёки) қарз маблағлари ҳисобидан ёки ДХШ тўғрисидаги битимлар асосида барпо этилиши мумкин.  

Қонун лойиҳасида назарда тутилишича, пуллик йўлларни лойиҳалаштириш, қуриш, реконструкция қилиш ва улардан фойдаланиш (эксплуатация қилиш) ДХШ тўғрисидаги битимлар асосида амалга оширилиши мумкин. Қуйидагиларга давлат шериги сифатида чиқиш ҳуқуқини бериш таклиф этилмоқда:

- умумий фойдаланишдаги автомобиль йўллари бўйича – автомобиль йўллари соҳасида махсус ваколатли органга (Автомобиль йўллари давлат қўмитаси, таҳр.);

- хўжаликлараро қишлоқ автойўллари, шаҳарлар, шаҳар посёлкалари, қишлоқлар ва овуллар кўчалари бўйича – қонун ҳужжатларида бошқа тартиб назарда тутилмаган бўлса, маҳаллий давлат ҳокимияти органларига.

Пуллик автойўллар фақат давлат мулкида бўлиши мумкин. Бошқа ҳолатлар ДХШ тўғрисидаги битим ва қабул қилинадиган «Давлат-хусусий шериклик тўғрисида»ги Қонунда назарда тутилиши мумкин. Пуллик йўллар ДХШ лойиҳасини амалга ошириш учун берилиши мумкин.

Йўл ҳақи қанча бўлади?

Пуллик автомобиль йўлидан фойдаланиш фойдаланувчи ва оператор ўртасида тузилган шартнома асосида амалга оширилади. Оператор фойдаланувчига ўтиш ҳуқуқини бериши ва йўл ҳаракатини ташкил этиши, фойдаланувчи эса – тақдим этилган хизмат ҳақини тўлаши шарт.

Фойдаланувчи қуйидаги усуллардан бири ёрдамида оператор билан шартнома тузади:

- пуллик автомобиль йўлига киради;

- тўлов ундириладиган пунктда йўл ҳақини тўлайди;

- йўл талони ҳақини тўлайди;

- автоматик электрон тўлов техник воситасини мулк қилиб ёки ижарага олади.

Пуллик йўлдан ўтиш учун тўлов миқдорини оператор Вазирлар Маҳкамаси томонидан тасдиқланадиган ҳисоб-китоб қилиш услубиятига кўра белгилайди. Тўлов миқдори суткадаги вақт, ҳафта куни ёки йил ойига қараб турли тоифадаги транспорт воситалари учун табақалаштирилиши мумкин. Йўл ҳақини махсус пунктларда ундириш таклиф этилмоқда, йўл ҳақини олдиндан тўлаш ҳоллари бундан мустасно.

Лойиҳа ўзгартирилиши, унга қўшимча киритилиши ёки рад этилиши мумкин.

392

Ўзбекистонда коронавирус: 13 август асосий хабарлари

456
Бир сутка давомида 439 кишида коронавирус аниқланди, Ўзбекистонда коронавирус инфекцияси қайд этилганлар сони 33 093 нафарни ташкил қилмоқда.

ТОШКЕНТ, 13 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 439 кишида коронавирус аниқланди, Ўзбекистонда коронавирус инфекцияси қайд этилганлар сони 33 093 нафарни ташкил қилмоқда.

Янги касалланиш ҳолатларининг 179 нафари Тошкент шаҳрида, 60 нафари Тошкент вилоятида, 9 нафари Андижон вилоятида ҳамда 8 нафари  Навоий вилоятида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 611 нафар бемор тузалиб, ўз уйларига кузатилди. Республика бўйлаб жами соғайганлар сони 26 270 нафарга етди.

Айни пайтда 6 608 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор –  Шайхонтоҳур туманида яшаган 63 ёшли Д.А. (аёл) ҳамда Зангиота туманида яшаган 66 ёшли Х.Э. (аёл), Олмазор туманида яшаган 59 ёшли Х.А. (аёл) ҳамда Юнусобод туманида яшаган 62 ёшли Н.И. (аёл) вафот этди.

Ўзбекистонда жами 215 киши пандемия қурбони бўлди.

Коронавирус турлари

Ўзбекистонда коронавируснинг 12 дан ортиқ тури қайд этилган.

Соғлиқни сақлаш вазирлигини 6-баённомасида коронавируснинг 12 дан ортиқ тури ҳақида ёзилган.

Шунга кўра, ушбу аломатлар — коронавируснинг ошқозон-ичак шакли бўлиши мумкин. Ҳудудингиздаги оилавий шифокорга мурожаат қилинг, текшириб, кейин нима қилиш кераклигини тушунтиради.

Тест синовлари

Тест синовлари учун 3 соат вақт ажратилади. Таълим муассасаларига ўқишга қабул қилиш бўйича Давлат комиссияси мажлиси баёнига мувофиқ: Олий таълим муассасаларининг бакалавриат таълим йўналишларига кириш тест синовлари Қорақалпоғистон Республикаси, вилоятлар ва Тошкент шаҳрида жойлашган марказий стадионларда, қоида тариқасида, кунига икки сменада ўтказилади.

Бунда, ҳар 30 та тест топшириғини ечиш учун (жавоблар варақасини тўлдириш билан бирга) — 90 дақиқа вақт ажратилади (60 та тест топшириғига жами — 180 дақиқа).

Узоқда яшайдиган абитуриентларни стадионларга элтиб қўйиш учун автобуслар ажратилиши мумкин.

Тегишли вазирлик ва ташкилотлар томонидан тест синови ўтказиладиган объектлардан узоқда жойлашган туманлардан абитуриентларни олиб келиш ва жойига етказиш бўйича жамоатчилик транспорти қатновларини йўлга қўйиш устида иш олиб борилмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 20,6 миллиондан ошди, 749 минг киши вафот этди, 12,8 киши тузалди. Энг кўп ҳолатлар АҚШда (5,2 млн), Бразилияда (3,2 млн), Ҳиндистонда (2,4 млн).

456
Первая в мире вакцина от коронавируса

Россия вакцинасига 20тадан зиён давлат қизиқиш билдирди

226
(Янгиланган 21:41 13.08.2020)
Дунёда биринчи бўлиб рўйхатга олинган коронавирусга қарши вакцинага йигирмадан ортиқ давлат "амалий қизиқиш" билдирди.

ТОШКЕНТ, 13 авг — Sputnik. Дунёда биринчи бўлиб рўйхатга олинган коронавирусга қарши вакцинага йигирматадан ортиқ давлат "амалий қизиқиш" билдирди. Бу ҳақда ТИВ расмий вакили Мария Захарова маълум қилди.

Таъкидлаш керакки, бир қатор Ғарб давлатлари бу ютуқни кескин танқид қилишди. Россия Федерацияси Соғлиқни сақлаш вазирлигида "хорижий ҳамкасблар, эҳтимол, Россия препаратининг маълум бир рақобат ва афзаллигини ҳис қилишмоқда" деб айтишди.

Вазирликда, шунингдек, вакцина яратилган платформа мутлақо хавфсиз эканлигини ва бошқа препаратларни ихтиро қилиш ва ишлаб чиқаришда ўз самарадорлигини исботлаганлигини таъкидлади.

Шунингдек, вакцина ишлаб чиқилган Гамалея миллий эпидемиология ва микробиология илмий марказида Ғарбнинг танқидига жавоб берилди.

Марказ раҳбари Александр Гинцбург таъкидлаганидек, бошқа реакцияни кутиш - соддалик бўларди.

"Ўйлаб кўринг, агар Россия вакцинаси туфайли маълум одамлар, фирмалар миллиардлаб доллардан маҳрум бўлса, қандай муносабатни кўрмоқчисиз? Менимча, реакция мутлақо нормал. Бу чумолилар уясига суқилган таёқ каби", - деди олим "Россия 24" эфирида.

Бироқ, бир қатор мамлакатларда, аксинча, улар Россия вакцинасини рўйхатдан ўтказилиши билан қутладилар. Ушбу ютуқни БССТ ҳам мамнуният билан қабул қилди.

Ташкилот пандемияни енгиш йўлларини топиш учун россиялик олимлар билан биргаликда ишлашга қизиқиш билдирди.

Шу билан бирга, Захарова Москва препаратни қўллаш бўйича БССТ билан яқин алоқада эканлигини таъкидлади.

226
Мавзу:
COVID-19 умумжаҳон пандемияси

Энди шимол томондан: Россия қирувчиси АҚШ самолётини тўхтатди

442
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

442