Комил Алламжонов

Бетараф журналистика учун эркин майдон яратишга тайёрмиз Алламжонов

88
Расмий нуқтаи назарни акс эттириши ёки унга зид бўлишидан қатъий назар, бетараф ва адолатли журналистика учун эркин майдон яратишга тайёрмиз - Алламжонов.

ТОШКЕНТ, 16 май – Sputnik. Бизнинг қарашларимизни акс эттириши ёки зид эканидан қатъий назар, бетараф ва адолатли журналистика учун эркин майдон яратишга тайёрмиз, деди Ўзбекистон президенти Администрацияси ҳузуридаги Ахборот ва оммавий коммуникациялар агентлиги директори Комил Алламжонов.

“Ўзбекистон — ҳаққоний, холис, халқаро журналистик этика асосида иш олиб борадиган ҳар қандай хорижий оммавий ахборот воситаларига ишлаш учун зарур шароит яратиб, уларни ҳар томонлама қўллаб-қувватлайди.

Ишлаш принципидан, улар илгари сураётган масалалар бизнинг қарашларимизни акс эттириши ёки зид эканидан қатъий назар, бетараф ва адолатли журналистика учун эркин майдон яратишга тайёрмиз”, - дейилган барча оммавий ахборот воситаларига қаратилган мурожаатда.  

Эслатиб ўтамиз, бир ҳафта олдин Алламжонов Ўзбекистонда олдин кириш техник чекланган бўлган бир қатор хорижий ОАВлар сайтларига киришга чекловлар олиб ташлангани ҳақида эълон қилган эди. Улар орасида “Amerika ovozi”, “BBC Uzbek”, “Deutsche Welle”, “Amnesty International” ва бошқа сайтлар бор.

88