Узбекские болельщики на трибунах по итогам финала Танкового биатлона

Ўзбекистон танкчилари “Танк биатлони” финал баҳсида ғалаба қозонди

1108
(Янгиланган 17:46 15.08.2019)
Ўзбекистон танкчилари “Танк биатлони” финал босқичида ғалабани қўлга киритди.

ТОШКЕНТ, 15 авг – Sputnik. Ўзбекистон танкчилари “Танк биатлони” иккинчи дивизиони финал баҳсида ғалаба қозонди.

Ўзбекистон танкчилари жанговар маҳоратларини намойиш қилиб, Вьетнам, Куба ва Уганда ҳарбийларини ортда қолдирди. Ўзбекистон жамоаси финишга биринчи бўлиб етиб келди: танкчилар маррага 1 соат 57 дақиқада келди ва 13 та нишонни яксон қилди.

Мусобақада танкчилар Т-72 Б-3 танкини бошқариш, тўсиқлардан ўтиш, белгиланган нишонларни яксон қилиш ва имкон қадар қисқа муддатда финиш чизиғига етиб келиш вазифасини амалга оширишди.

Эслатиб ўтамиз, 3-17 август кунлари Москва вилоятининг Алабино полигонида “Танк биатлони” мусобақаси ўтказилмоқда. Ўзбекистон танкчилари бу мусобақада биринчи марта иштирок этмоқда.

1108
Мавзу:
Халқаро армия ўйинлари-2019 (26)