Москвадаги Ўзбекистон элчихонасида Мустақиллик байрами тантанали нишонланди

320
Москвадаги Ўзбекистон элчихонаси Мустақиллик байрами арафасида ҳақиқий тўйхонага айланди.

ТОШКЕНТ, 31 авг – Sputnik. Кеча 30 август куни Москвадаги Ўзбекистон элчихонаси ҳақиқий тўйхонага айланди, у ерда Ўзбекистон Мустақиллик куни байрами нишонланди, деб хабар қилмоқда Sputnik мухбири.

Ўзбекистонда услубда безатилган элчихона ҳовлиси меҳмонларга лиқ тўла эди. У ерда ҳам бошқа давлат элчихоналари вакиллари, ҳам Россия давлат арбоблари ҳам журналистлар бор эди. Ҳовли ичида ноз-неъматга тўла дастурхонлар ёзилиб, катта саҳна ўрнатилди.

© Sputnik / Стрингер
Ўзбекистон элчихонасида Мустақиллик байрамин нишонлаш

Кеча бошида Ўзбекистоннинг Россиядаги фавқулодда ва мухтор элчиси Асадов Ботир Зокирович меҳмонларга Ўзбекистон Мустақиллик йилларида эришган ютуқлари ҳамда Россия билан сўнгги йилларда илдам ривожланаётган ҳамкорлик ҳақида сўзлаб берди ва меҳмонларни ошга таклиф қилди.

Улкан тўйқозонда дамланган ош олдида бир зумла наввбат пайдо бўлди. Атрофга хушбўй ва иштаҳа очувчи ош ҳиди таралди. Ошпаз ушбу ош “Тошкент тўй оши” деб номланишини унинг гуручи ҳам, сабзиси ҳам, мойи ва зираворлари ҳам Ўзбекистондан олиб келинганини меҳмонларга айтиб берди.

© Sputnik / Стрингер
Ўзбекистон элчихонасида Мустақиллик байрамин нишонлаш

Кечани Ўзбекистондан келган хонандалар давом эттиришди. Ўзбек лирик қўшиқларидан бошланган дастурни “Пойтахт” гуруҳи давом эттирди. Опера хонандаси Акилбек Пиёзовнинг чиқиши – барчада катта таасурот қолдирди. Хонанданинг кучли ва тиниқ овози, ҳам италянча ҳам ўзбекча ҳам русча опера қўшиқларини бир хил – аъло даражада куйлаши барчани ҳайратга солди. Айниқса Муслим Магомаевнинг “Море” қўшиғидан сўнг гулдуроқ қарсаклар узоқ чалинди.

Элчихона томонидан ташкил қилинган ушбу кеча узоқ вақт меҳмонлар хотирасида қолади деб ўйлаймиз. Москвада турли тадбирлар кўп ўтказилади, лекин бундай кўнгли очиқлик, меҳмондўстлик ва самимийлик муҳити камдан кам учрайди. Ушбу хислатлар фақат ўзбек тўйларига хос, десак муболаға бўлмайди.

© Sputnik / Стрингер
Хонанда Акилбек Пиязов

320

Польшадан Ўзбекистонга гуманитар ёрдам олиб келинди

136
(Янгиланган 12:17 26.11.2020)
Польша Ўзбекистонга пандемияга қарши курашиш учун 214 минг долларлик миқдорида бўлган гуманитар ёрдам юборди.

ТОШКЕНТ, 26 ноя — Sputnik. Польша коронавирусга қарши курашиш учун Ўзбекистонга гуманитар ёрдам юборди. Махсус самолёт республикага шахсий ҳимоя воситалари, дезинфекция воситалари, термометрлар ва дори-дармонларни етказиб берди, деб хабар қилди Польша ҳукумати.

1 / 4
Польша передала Узбекистану гуманитарную помощь для борьбы с COVID-19
Юкнинг умумий қиймати тахминан 214 минг долларни ташкил этади.

Қўшни Қозоғистон ҳам ёрдам етказилди - 53,4 минг доллар миқдорида дезинфекцияловчи воситалар ва дорилар юборилди.

Польша ташқи ишлар вазири ўринбосари Павел Яблонскийнинг сўзларига кўра, Ўзбекистон ва Қозоғистон Польшанинг Марказий Осиёдаги энг муҳим шериклар ҳисобланади, тақдим этилган гуманитар ёрдам  - бу мамлакат ҳукуматлари ўртасида халқаро бирдамлик белгисидир.

Шунингдек, Яблонский бу ташаббус Марказий Осиё мамлакатлари билан дўстликни янада мустаҳкамлаш йўлидаги қадам бўлишига умид билдирди.

136
Футбол. ЧМ-2010. Матч Аргентина – Нигерия

Диего Марадонанинг ўлими: Месси, Ҳабиб, Тайсон ва бошқалар нима деди

332
(Янгиланган 12:35 26.11.2020)
Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда.

ТОШКЕНТ, 26 ноя - Sputnik. Кеча, 25 ноябр куни, футбол тарихида энг ёрқин юлдузлардан бири - Диего Армандо Марадона 60 ёшида вафот этди. 

Шифокорлар унинг ўткир юрак етишмовчилигидан вафот этганини қайд этишди. Аргентинада 3 кунлик мотам эълон қилинди. Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда. "Наполи" стадионига Марадона номи қўйилиши мумкин. 

Марадонанинг ўлимига кўп спорт юлудзлари, сиёсатчилар ва бошқа машҳур кишилар муносабат билдирди. 

Майк Тайсон: "Марадона - сен менинг қаҳрамоним ва дўстим эдинг. Бизни ўхшатишарди. Энди мен сени соғинаман"

Пеле: "Мен катта дўстимни йўқотдим, дунё эса - афсонани", "Бир кун келиб биз осмонларда бирга ўйнаймиз"

Месси: "У биз билан қолади, чунки у абадий"

Роналду: "Тарихда энг яхши футболчилардан бири. У ҳақиқий сеҳргар эди. Афсуски жуда эрта кетди"

Ҳабиб: "Энг буюклардан бири. Миллионлаб одамлар футболни ўшани учун севиб қолишган"

Станислав Черчесов: "Марадонанинг тенги йўқ ўйини абадий эсимизда  қолади. Футбол даҳоси"

Посмотреть эту публикацию в Instagram

Публикация от Leo Messi (@leomessi)

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

332

Россия Қозоғистондаги полигонда янги ракетани синовдан ўтказди

0
(Янгиланган 14:25 26.11.2020)
Ракета синовлари Қозоғистондаги “Сари-Шаган” полигонида ўтказилди. Россия Мудофаа вазирлиги бу ҳақда видео лавҳа тақдим этди.

"Янги ракетага қарши ракета ўз хусусиятларини ишончли тасдиқлади, жанговар экипаж шартли нишонга белгиланган аниқлик билан зарба бериб, вазифани муваффақиятли бажарди", - дейилган Мудофаа вазирлиги хабарида.

Сўнгги марта октябр ойининг охирида айнан шу полигонда янги қурол синовидан ўтказилгани ҳақида хабар берилган эди. Бунгача, 2019 йилда ва 2017-2018 йилларда ракета учирилганди.

0