Трех узбекистанцев спасли из рабства в Оренбургской области

Оренбургда 3 нафар ўзбекистонлик қулликдан қочишга муваффақ бўлди

262
(Янгиланган 11:23 09.10.2019)
Оренбургда уч нафар Ўзбекистон фуқароларининг паспортларини олиб қўйиб бир неча кун мажбурлаб ишлатишди ва омборхонага қамаб қўйишди.

ТОШКЕНТ, 9 окт - Sputnik. Россиянинг Оренбург вилоятида уч нафар Ўзбекистон фуқаролари қулликдан қочиб қутилишга муваффақ бўлишди, деб хабар қилмоқда "Альтернатива" ННТ.

Хабарда айтилишига кўра, ушбу йилнинг август ойида Улуғбек, Абдулазиз ва Жасурбек исмли фуқаролар Россиянинг Перм вилоятига ишлаш учун йўлга чиқади. Йўл-йўлакай улар Али исмли Қозоғистон фуқароси билан танишиб қолишади. Али уларга Оренбургнинг Бузулук шаҳрида иш, турар жой, овқат ва ҳужжатларини расмийлаштиришни ваъда беради. Улар рози бўлишади.

Манзилга етиб келгач, Али уларни Фузайил исмли Озарбайжон фуқаросига топширади. Фузайил регистрацияни баҳона қилиб ўзбекистонликларнинг паспортларини дарҳол олиб қўяди ва қурилишга ишлашга юборади.

Орадан 10 кун ўтиб ишчилар паспортларини талаб қилишади. Бунга жавобан Фузайил улар учун Алига 50 минг рубл тўлаганини ва қачонки ушбу пулларни улар ишлаб берса ёки қариндошларидан қарз олиб қайтариб берса кейин паспортларини қайтаришини айтади.

Шундан сўнг ҳам йигитлар бир неча бор ўз паспортларини қайтаришни сўраб мурожаат қилишади. Сўнгги марта эса Фузайил ва унинг дўстлари ўзбекистонликларни дўппослаб омборхонага қамаб қўяди.

Ўзбекистонликлар у ердан бир неча кун ўтиб қочиб кетишади. Паспортлари йўқлиги туфайли улар, элчихонадан маълумотнома расмийлаштирилари керак эди. Москвага етиб олишга уларга ўзбекистонлик ва тожикистонлик мигрантлар ёрдам беришади.

Шу ўринда, Россияга меҳнат қилиш учун келаётган фуқароларга яна бир бор эслатиб ўтмоқчимиз. Биринчидан Россия миграция қонунларини ўрганинг, иккинчидан танимаган одамлар гапига асосланиб, ҳеч қандай ҳужжат расмийлаштирмасдан туриб ишлашни бошламанг. Учинчидан Ўзбекистон элчихонаси, Ташқи меҳнат миграцияси агентлиги ваколатхоналари телефон рақамларини ёдлаб олинг.

262
Жители города Душанбе в защитных масках на улице

Коронавирус Марказий Осиёда: Тожикистон COVID-19 ни енгишга муваффақ бўлдими?

746
(Янгиланган 17:49 12.07.2020)
Ўзбекистон, Қозоғистон ва Қирғизистон коронавирус авж олаётгани боис карантин чораларини қайтармоқда. Қирғизистонда ҳам коронавирус ҳолати 10 мингтадан ошиб кетди. Тожикистон эса деярли 80 фоиз беморларини даволашга муваффақ бўлди.

ТОШКЕНТ, 12 июл — Sputnik. Сўнгги тақдим этилган маълумотларга кўра, Марказий Осиё давлатларида жами 88 094 та коронавирус билан боғлиқ ҳолат қайд этилган. Бу ўтган ҳафтага қараганда 29,8 мингтага кўпроқ.

Қозоғистон

Мамлакат минтақада ҳолат ва ўлим бўйича ҳамон етакчилик қилмоқда. Кунига 1000 дан зиёд касаллик аниқланмоқда. Қозоғистонда ўтган кун давомида 1798 та янги ҳолат тасдиқланган. Касалланганларнинг умумий сони 58 253 (жумладан, касаллик аломатларсиз ўтаётган беморлар) нафарга етган. Шулардан 33 814 нафари тузалиб кетган. Жами 264 та ўлим ҳолати кузатилган.

Қозоғистон президенти Қосим-Жомарт Тоқаев 13 июлни коронавирус оқибатида вафот этган фуқаролар хотирасига Миллий мотам куни деб эълон қилган.

Ўзбекистон

11 июль куни мамлакатда 486 та янги коронавирус ҳолати қайд этилган. Янги касалланганларнинг 391 нафари карантин муассасаларида, 95 нафари аҳоли орасида аниқланган. Аниқланган ҳолатлар рекорди кундан-кунга янгиланмоқда.

2020 йил 12 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 12 706 (+193) нафарни ташкил этмоқда.

7723 нафар (60 фоиз) коронавирус инфекциясига чалинган фуқаролар соғайган. 59 киши вирус қурбонига айланган. Коронавирусдан ўлим қайд этилмаган ягона вилоят қолган: Андижон вилояти.

Карантинный центр в Наманганской области
Штаб по коронавирусу по Наманганской области

Ўзбекистон аҳоли орасида коронавирус тарқалиши авж олгани боис 10 июлдан 1 августга қадар кескин карантин чораларини қайтарди. Жумладан, автотранспорт воситаларининг ҳаракати чекланди, ҳудудлар ўртасида автотранспорт воситалари қатнови тақиқланди. Тўйлар ва оммавий тадбирлар тақиқланди.

Шунингдек, 13 июлдан 2020 йил 1 августга қадар республика миқёсида қўшимча равишда қуйидаги карантин чекловлари киритилди:

- сартарошхона ва гўзаллик салонлари фаолияти тўхтатилади;

- маҳаллий (ички) авиақатновлар ва темир йўл қатнови тўхтатилади;

65 ёшдан ошган шахсларга ўзини ўзи яккалаш ҳаёт тарзига қатъий риоя этиш ҳамда сабабсиз уйдан ташқарига чиқмаслик тавсия этилди.

Жорий йил 18-19 июль ҳамда 25-26 июль (шанба ва якшанба) кунлари бутун сутка давомида республика миқёсида ҳаракатланиш, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилади.

Қирғизистон

Қирғизистонда сўнгги кунларда коронавирус юқтириб олиш ҳолати кескин кўпайишда давом этмоқда. Ўтган кун давомида 719 та янги ҳолат аниқланди. Шундай қилиб, касалланганларнинг умумий сони 10 629 нафарга етган.

Шулардан 3387 нафари (31,8 фоизи) COVID-19 ни енгган. Жами 132 та ўлим ҳолати кузатилган. Ҳафта давомида 44 киши вирус қурбонига айланган.

Тожикистон

Тожикистонда минтақада энг охирида (30 апрель куни) коронавирус аниқланган эди. Сўнгги маълумотларга кўра, аниқланаётган кунлик ҳолатлар 47-49 тани ташкил этади. Қайд этиш жоизки, бу минтақадаги бошқа мамлакатларда касаллик авж олаётган вақтда бир неча бараварга камроқ (сўнгги суткада аниқланган: Қозоғистонда - 1798, Ўзбекистонда - 486, Қирғизистонда - 719, Тожикистонда эса атиги 49 та янги ҳолат).

Ўтган кун давомида 49 кишида коронавирус аниқланган бўлса, 61 киши дарддан фориғ бўлган.

Коронавирус билан касалланганларнинг умумий сони 6506 нафарга етган. Шулардан 5176 нафари (79,5 фоизи) тузалиб кетишга муваффақ бўлган. Бу минтақадаги энг юқори кўрсатгич. Пандемия бошлангандан буён 55 киши қурбон бўлган.

Туркманистонда эса ҳозирга қадар коронавирус расман қайд этилмаган ва у минтақадаги инфекциядан холи мамлакат бўлиб турибди.

Бутун дунё бўйлаб 12,8 миллиондан зиёд киши коронавирус юқтириб олган. 7,5 миллиондан ортиқ киши шифо топган. Қурбонлар сони 568 мингдан ошган.

746
Теглар:
карантин, коронавирус, Туркманистон, Тожикистон, Қирғизистон, Қозоғистон, Ўзбекистон
Мавзу:
COVID-19 умумжаҳон пандемияси

Тошкентда қаерда коронавирусга тест топшириш мумкин рўйхат

278
(Янгиланган 14:54 12.07.2020)
ССВ пойтахтдаги коронавирусга тест топшириш мумкин бўлган марказлар ҳақида маълумот берди. Рўйхатда 10 та санитария-эпидемиологик осойишталик марказлари ўрин олган.

ТОШКЕНТ, 12 июл — Sputnik. Соғлиқни сақлаш вазирлиги пойтахтдаги коронавирусга тест топшириш мумкин бўлган марказлари ҳақида маълумот берди.

Рўйхатда 10 та санитария-эпидемиологик осойишталик марказларининг манзили ва телефон рақами келтирилган.

Где в Ташкенте можно сдать анализ на коронавирус — список госучреждений
Где в Ташкенте можно сдать анализ на коронавирус — список госучреждений

Эслатиб ўтамиз, Ўзбекистонда 24 июндан бошлаб пуллик асосда нодавлат тиббиёт муассасаларида таҳлил топширишга яна рухсат берилди. Нархни нодавлат тиббиёт ташкилоти мустақил белгилайди. Лаборатор таҳлил учун намуна (суртмалар) нодавлат тиббиёт ташкилотининг ўзида, шу билан биргаликда, сўровга кўра, мурожаат қилувчининг ташкилотида, фуқароларнинг яшаш манзилида ҳамда махсус автотранспортларда олиниши мумкин.

278
Теглар:
Ўзбекистон, коронавирус
Футбол

“Бунёдкор” клуби футболчиси коронавирус юқтириб олганликда гумон қилинмоқда

102
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

102
Теглар:
коронавирус, футбол