TOShKENT, 7 noya – Sputnik. Rossiyaning Krasnodar o‘lkasida halokatga uchragan O‘zbekiston fuqarosi Ravshan To‘xtamatov 5-noyabr kuni O‘zbekistonga olib kelindi.
Bemorni vatanga qaytarishda Bandlik va mehnat munosabatlari vazirligi tashabbusi bilan Sog‘liqni saqlash vazirligi, Favqulodda vaziyatlar vazirligi hamda “O‘zbekiston havo yo‘llari” Milliy aviakompaniyasi birlashgan.
O‘zbekistonning Rostov-Dondagi bosh konsulligi bergan ma’lumotlarga ko‘ra, Krasnodar o‘lkasida 5 nafar fuqaro YTHga uchragan. Ular orasida ushbu fuqaro ham bo‘lgan.
U juda jiddiy jarohat olgan, unda suyak sinishlari, ichki a’zolarining lat yeyishi, miyasida jiddiy jarohat hamda gemotoma qayd etilgan. “Yotoq” bemorini samolyotda O‘zbekistonga yetkazishni hech bir reys xohlamagan.
