Жилые дома в Ташкенте

Кўп квартирали уйлар, ширкат ва эксперимент: янги қонун имзоланди

180
Вазирлар Маҳкамаси 2020 йил 1 майгача Тошкент шаҳрининг Яккасарой туманида, Жиззах ва Марғилон шаҳарларида кўп квартирали уйларни бошқаришда ушбу Қонун нормаларини апробация қилиш юзасидан ҳуқуқий эксперимент ўтказади.

ТОШКЕНТ, 8 ноя – Sputnik. “Кўп квартирали уйларни бошқариш тўғрисида”ги Қонун президент томонидан имзоланди, деб хабар қилди Адлия вазирлигининг "Ҳуқуқий ахборот" канали.

Қонунда кўп квартирали уй, умумий мол-мулк каби тушунчалар очиб берилди.

Жумладан, кўп квартирали уйга туташ ер участкасига ёхуд бундай уйдаги умумий фойдаланиладиган жойларга мустақил чиқиш йўлакларига эга бўлган икки ва ундан ортиқ квартиралар мажмуи кўп квартирали уй ҳисобланади.

Қонунга мувофиқ, кўп квартирали уйни бошқариш усули кўп квартирали уйдаги жойлар мулкдорларининг умумий йиғилишида белгиланади.

Кўп квартирали уйни бошқариш қуйидагилар томонидан амалга оширилиши мумкин:

- бевосита жойларнинг мулкдорлари томонидан;

- юридик шахс бўлган бошқарувчи ташкилот томонидан ёки жисмоний шахс (якка тартибдаги тадбиркор) бўлган бошқарувчи томонидан шартнома асосида;

- битта ёки зич жойлашган бир нечта кўп квартирали уйда турар жойларнинг ва яшаш учун мўлжалланмаган жойларнинг мулкдорларини бирлаштирувчи уй-жой мулкдорларининг ширкати бўлган нотижорат ташкилот томонидан.

Шунингдек, Қонунга кўра, умумий мол-мулк жойларнинг мулкдорларига умумий улушли мулк ҳуқуқи асосида тегишли бўлади.

Агар умумий мол-мулкнинг бошқа шахсга берилиши ёки фойдаланиш учун ўтказилиши бошқа мулкдорларнинг ўз мулк ҳуқуқларини амалга оширишини чеклайдиган бўлса, у бошқа шахсга берилиши ёки фойдаланиш учун ўтказилиши мумкин эмас.

Қонунга кўра, Вазирлар Маҳкамаси 2020 йил 1 майгача Тошкент шаҳрининг Яккасарой туманида, Жиззах ва Марғилон шаҳарларида кўп квартирали уйларни бошқаришда ушбу Қонун нормаларини апробация қилиш юзасидан ҳуқуқий эксперимент ўтказади.

Ҳуқуқий эксперимент якунлари бўйича 2020 йил 1 июнга қадар бўлган муддатда ушбу Қонун нормаларини янада такомиллаштириш ва уни республиканинг бошқа ҳудудларида қўллаш тўғрисида Қонунчилик палатасига таклиф киритилади.

Ушбу Қонун 2020 йил 1 августдан эътиборан кучга киради.

180
Президент Узбекистана Шавкат Мирзиёев

Президент вилоятларда дори-дармонларнинг 3 ойлик заҳирасини тайёрлашни топширди

109
(Янгиланган 11:30 15.07.2020)
Шавкат Мирзиёев тўртта сектор раҳбарларига дори-дармон ва озиқ-овқатларнинг 3 ойлик заҳирасини тайёрлашни топширди.

ТОШКЕНТ, 15 июл – Sputnik. Ўзбекистон президенти Шавкат Мирзиёев 14 июл куни бўлиб ўтган видеоселектор йиғилишида барча ҳоким ва 4та сектор раҳбарларига ўзларига тегишли бўлган ҳудудларда дори-дармон ва озиқ овқатлар заҳираларини тайёрлашни буюрди.

“Бугун шундай топшириқ бўлади: алоҳида 4та  сектор ўз ҳудуди бўйича дори-дармоннинг захирасини, ҳар бир вилоят ўзи учун яратади. Захира уч ойлик бўлиши керак. Бунга қанча маблағ керак бўлса берамиз, лекин биронта аптекада дори-дармон воситалари қимматлашса, одамларимизнинг норозилигига олиб келади. Мана шуни қаттиқ назоратга олишларинг керак”, - деди президент.

Президент айтишига қараганда захирада ҳамма нарса бор, йўғи олиб келиняпти, лекин жойига етиб бориши қийин бўляпти. Ҳар бир ҳудудда нарх-наво ҳар хил бўляпти. Шунинг учун захира яратиб, нарх-навосига қаттиқ эътибор қилиш керак.

Шунингдек Шавкат Мирзиёев озиқ-овқат бозоридаги нархларни ҳам назорат остига олишни ва заҳира яратишни топширди.

“Энг катта масала – бозорда нарх-наво кўтарилиши керак эмас. Вилоятнинг тўртта раҳбари ўз ҳудудидаги бозорларни назорат қилиб туриши керак. Озиқ-овқат бўйича Ўзбекистонда муаммо йўқ. Худога минг қатла шукр, ҳозир пишиқчилик. Ҳамма нарсани халқимизга арзон, сифатли маҳсулот етказиб бериш чораларини кўришиз керак. Қишга тайёргарликни ҳозирдан бошлаймиз”, - деди президент бу борада.

Ундан ташқари Шавкат Мирзиёев ҳокимларга ижтимоий тармоқлар орқали келиб тушаётган саволларга эрталаб бир соат, кечқурун бир соат давомида жавоб бериб боришни топширди.

“Ҳокимларга шундай топшириқ: эрталаб бир соат – 8дан 9гача, кечқурун 21дан 22гача ижтимоий тармоқлардан тушган саволларга мукаммал жавоб берасизлар. Халқимиз ҳамма нарсани билиши керак. Мана шунга эътибор қиламиз», – деди президент.

109

Қон босимини тез туширишнинг янги усули маълум бўлди

304
Мутахассислари нонушта пайтида монморанси нордон олчали шарбатни мунтазам равишда ичишни тавсия этдилар.

ТОШКЕНТ, 15 июл - Sputnik. Британиялик шифокорлар қайси ичимлик қон босимини дори-дармонсиз пасайтиришга имкон беришини аниқладилар. Бу ҳақда Argumenti.ru портали MedikForum маълумотига таянган ҳолда хабар берди.

Буюк Британиянинг Миллий соғлиқни сақлаш хизмати мутахассислари нонушта пайтида монморанси нордон олчали шарбатни мунтазам равишда ичишни тавсия этдилар.

Коронавирусни ўлдирадиган маҳсулот топилди – Франция тадқиқоти

Мутахассисларнинг фикрига кўра, ҳар куни 60 миллилитр шарбат истеъмол қилиш босимни симоб устунининг 7 миллиметрига пасайтириши мумкин.

304
Таллин

Эстония мудофаа вазири Россияни душман, деб атади

15
Эстонияга ватанимизни ҳимоя қила оладиган тайёр армия керак. Ҳар бир ўргатилган эстон солдати - бу бизнинг душманимиз у билан ҳисоблашиши керак бўлган яна бир солдатдир,- деган мудофаа вазири Юри Луйк янги чақириқдаги аскарларга йўллаган видеомурожаатида.

ТОШКЕНТ, 15 июл - Sputnik. Эстония мудофаа вазири Юрий Луйк мудофаа кучларига хизматга киришаётган янги аскарларга йўллаган мурожаатида Россияни душман, деб атади ва барча ҳарбийларни мамлакатни "россия хатаридан" ҳимоялашга тайёр туришга даъват қилди, деб хабар бермоқда РИА Новости.

"Эстонияга бизнинг ватанимизни ҳимоя қила оладиган тайёр ҳолатдаги армия керак. Ҳар бир ўргатилган эстон солдати - бу бизнинг душманимиз у билан ҳисоблашиши керак бўлган яна бир солдатдир",- деди Луйк Мудофаа вазирлиги сайтида янги чақириқдаги аскарларга йўллаган видеомурожаатида.

Вазирнинг ишонч билан таъкидлашича, Эстониянинг ўз-ўзини мудофаа қилиш қобилиятининг ривожланиши душманларга - тажовузкорлик ҳолатида улар ютишдан кўпроқ ютқазишлари мумкинлигини, мамлакат эса ўзини то иттифоқдошлар етиб келгунга қадар ҳимоялай олишини намоён этиши лозим.

"Албатта, биз шарқий қўшнимизга қараганда кичикроқмиз, лекин кучимиз душманга бу ерга бурун суқиш керак эмаслигини тушунтирадиган даражада етарли", - деб баёнот берган Луйк.

Мудофаа раҳбари Эстония ҳудудида Буюк Британия бошчилигидаги НАТО халқаро батальони жойлашганини эслатиб ўтди. "Иттифоқдошларимиз ҳам ёнимизда турибди. Улар Эстонияда жуда муҳим бир мақсад билан - Эстония ва бутун НАТОни ҳимоя қилиш, Эстония ҳеч қачон бошқа бир ўзи қолмаслигини кўрсатиш учун турибди", - деб таъкидлаган Луйк.

"Россия хатари" ҳақидаги гап-сўзлар ғарб сиёсатчилари, аксарият ҳолларда Болтиқбўйи мамлакатлари ва Польша томонидан тез-тез янграб туради. Шу билан бирга, Москва Россия ҳеч қачон НАТОнинг бирон бир давлатига ҳужум уюштирмаслигини кўплаб маротаба такрорлаб келади. РФ ТИВ раҳбари Сергей Лавровга кўра, НАТО Москванинг кимгадир тажовуз қилиш режаси йўқлигидан жуда яхши хабардор, шунчаки улар бу гап-сўзлардан Россия чегаралари яқинига кўпроқ техника ва батальонларини жойлаштириш мақсадида фойдаланишади. Бундан ташқари, Россия турли давлатлардаги сайловларга таъсир ўтказиш бўйича айбловларни кўплаб маротаба рад этиб келган, РФ президенти матбуот-котиби Дмитрий Песков эса уларни "мутлақо асоссиз", дея баҳолаган.

15