Сбор урожая мандаринов в Гулрыпше

Шифокор кимларга мандарин ейиш зарарлигини айтди

1794
(Янгиланган 09:58 10.11.2019)
Ҳа демай Янги йил кириб келади. Барчамизга жуда яхши маълумки, Янги йил дастурхонини мандаринсиз тасаввур қилиб бўлмайди. Шифокор айрим шахсларнинг бу мевани эҳтиёткорлик билан ейишлари кераклигини айтди.

ТОШКЕНТ, 9 ноя — Sputnik.  Ошқозон-ичак йўли, гастрит, меъда кислотаси ошишиши хасталигидан азият чекувчилар эҳтиёткорлик билан мандарин истеъмол қилишлари даркор. Бу ҳақда парҳезшунос шифокор Елена Соломатина “Вечерняя Москва” газетасига маълум қилди.

Шифокор айтиб ўтилган касалликлардан ташқари мандаринни оч қоринга ейиш керак эмаслигини тушунтирди. Қолаверса, ялтироқ меванинг пўстини қайнатмаган маъқул, чунки улар кимёвий воситалар билан ишланган бўлишлари мумкин ва бу соғлиққа салбий таъсир кўрсатади.

“Шунингдек, мандарин шарбатини ичмасдан, уни бутунлигича истеъмол қилиш яхшироқ”, - дея қўшимча қилди у.

Шифокор мандаринни истеъмол қилиш мумкинлиги ва зарурлигини таъкидлади. Чунки цитрус меваси таркибида катта миқдордаги витамин, микро ва макроэлемент ҳамда антиоксидантлар мавжуд. Мандаринни куз-қиш даврида, яъни вирусли касалликлар авж олган вақтда ейиш ўта фойдали.

Бир кунда икки ёки уч дона мандарин ейиш ўртача хавфсиз саналади. Бироқ бу инсон соғлигига ва истеъмол қилаётган шакар миқдорига боғлиқ.

Эслатиб ўтамиз, аввалроқ кимларга хурмо ейиш мумкин эмаслиги ҳақида хабар қилган эдик. 

1794

Ўзбекистонда коронавирус: 10 август асосий хабарлари

672
(Янгиланган 22:58 10.08.2020)
Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

ТОШКЕНТ, 10 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

Янги касалланиш ҳолатларининг 116 нафари Тошкент вилоятида, 106 нафари Тошкент шаҳрида, 19 нафари Самарқанд вилоятида ҳамда 7 нафари Жиззах вилоятида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 517 нафар бемор тузалиб, ўз уйларига кузатилди. Республика бўйлаб жами соғайганлар сони 22 559 нафарга етди.

Айни пайтда 8 311 нафар беморга белгиланган стандартлар бўйича даво чоралари кўрилмоқда. Улардан 1 378 нафари оғир, 386 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор –  Қибрай туманида яшаган 44 ёшли А.А. (эркак) ва 80 ёшли Х.А. (эркак), Тошкент шаҳар Шайхонтоҳур туманида яшаган 68 ёшли У.М. (аёл), Сергели туманида яшаган 63 ёшли Д.С. (эркак) ҳамда вафот этди.

Ўзбекистонда жами 198 киши пандемия қурбони бўлди.

Муҳим ёрдам

Бутунжаҳон Соғлиқни Сақлаш Ташкилотининг штаб-квартираси, COVID-19га Бутунжаҳон бирдамлиги ва ҳаракати жамғармаси орқали, Ўзбекистонга умумий қиймати 300 минг АҚШ долларига тенг бўлган яна бир инсонпарварлик ёрдамини юборди. Бу сафар Истамбулдан келган рейсда 500 дона кислород концентратори олиб келинди. Бундан ташқари, ҳафта охирига лабораторияда ишлатиладиган материалларидан иборат яна бир гуманитар ёрдам юки етказилади.

Қирғизистонга парвоз

Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилишича, Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,9 миллиондан ошди, 731 минг киши вафот этди, 12,8 киши тузалди. Энг кўп ҳолатлар АҚШда (5,0 млн), Бразилияда (3,0 млн), Ҳиндистонда (2,2 млн).

672
Мавзу:
COVID-19 умумжаҳон пандемияси

COVID-19 сири: олимларни тузалган одамларда антитаначалар йўқлиги ҳайратга солди

450
(Янгиланган 17:46 10.08.2020)
Соғайиб кетган одамларда коронавирусга антитаначаларнинг йўқлиги бу касаллик сирларидан бири, деб ҳисоблайди россиялик иммунолог.

ТОШКЕНТ, 10 авг - Sputnik. Коронавируснинг янги штамми билан оғриб чиққан баъзи беморларда инфекцияга қарши антитаначалар ҳосил бўлмайди. Бу ҳақда РФА академиги, Санкт-Петербург бош иммунологи, Пастер номидаги Эпидемиология ва микробиология илмий-тадқиқот институти директори Арег Тотолян “Известия” газетаси билан суҳбатда айтди.

Мутахассис ушбу вазиятни SARS-CoV-2 коронавирусининг сирларидан бири деб атади.

"Биз COVID-19 дан соғайган 200 дан ортиқ беморларни кузатиб, уларни батафсил ўрганиб чиқмоқдамиз. Алоҳида эътиборни ташхис аниқ қўйилганларга, аммо турли ишлаб чиқарувчиларнинг беш ҳил синов тизимидан келиб чиққан ҳолда антитаначалари ишлаб чиқилмаётганларга қаратмоқдамиз", - деди иммунолог.

Тотоляннинг иқрор бўлишича, касал бўлган беморларда антитаначалар йўқлиги ҳолатлари, илгари шифокорлар кутган ҳолатларга қараганда кўпроқ учрамоқда.

Мутахассис таъкидлашича, антитаначалар одатда иммунитет танқислиги шароитида ишлаб чиқилмайди, аммо ҳаётда бундай одамлар унча кўп эмас. Шунинг учун касал бўлиб чиққанларда коронавирусга қарши антитаначаларнинг йўқлигини диққат билан ўрганиш керак, деди у.

Шунингдек, мутахассисларни коронавирусга сезгир бўлмаган одамлар тоифаси ҳайратга солмоқда.

"SARS-CoV-2га сезгир бўлмаган одамлар гуруҳи бор. Биз "қизил ҳудудда 3-4 ойлаб юзлаб беморлар билан мулоқотда бўлиб ишлаган баъзи шифокорларни синчковлик билан текшириб  чиқдик, лекин уларда антитаначалар аниқланмаяпти", - деб тушунтирди у.

Иммунологнинг фикрига кўра, бундай одамларни ўрганиш коронавирус билан курашишнинг универсал воситаси ҳақида саволга жавоб беради.

450
Мавзу:
COVID-19 умумжаҳон пандемияси