TOShKENT, 12 noya – Sputnik. Oliy Majlis Qonunchilik palatasining navbatdagi majlisida “O‘zbekiston Respublikasi Milliy gvardiyasi to‘g‘risida”gi qonun loyihasi ko‘rib chiqildi. Qonun uch o‘qishda qabul qilindi
Loyihada Milliy gvardiyaning asosiy vazifalari, tuzilishi, shaxsiy tarkibi, huquqiy holati, faoliyat yo‘nalishlari, qonun loyihasida qurol-yarog‘, jismoniy kuch ishlatish tartibi hamda maxsus vositalarni qo‘llash, xizmatga kirish va xizmat o‘tashning umumiy shartlari hamda qoidalari, Milliy gvardiya harbiy xizmatchilarini ijtimoiy-huquqiy himoya qilish choralari aniq bayon etilgan.
Ta’kidlanishchia, loyihada umummilliy qadriyatlarga tayangan holda, Milliy gvardiya faoliyatining asosiy prinsiplari sifatida qonuniylik, fuqaro hamda shaxsning huquq va erkinliklariga rioya qilinishi, harakatchanlik, tezkorlik, doimiy jangovar tayyorgarlik va bo‘linmalarning o‘zlariga qo‘yilgan vazifalarni samarali hal qilish tamoyillari qamrab olingan.
Hukumat qarori: ba’zi obyektlar Milliy gvardiya xodimlari tomonidan qo‘riqlanadi
Loyihani ishlab chiqishda milliy qonunchilik, shuningdek, Rossiya, Belarus, Ukraina, Qozog‘iston kabi xorijiy davlatlarning tajribasi atroflicha tahlil qilingan.