Автобусы с камерами

Тошкентда 12 та автобус йўналиши вақтинча ўзгарди

145
Метронинг Юнусобод йўналишининг иккинчи босқичини қуриш ишлари доирасида ер ости ўтиш йўли барпо этилиши муносабати билан 12 та автобус йўналиши вақтинча ўзгарди.

ТОШКЕНТ, 2 дек — Sputnik. Тошкентда 12та автобус йўналиши вақтинча ўзгарди. Бу ҳақда “Тошшаҳартрансхизмат” АЖ матбуот хизмати хабар қилди.

Таъкидланишича, бунга Тошкент метрополитени Юнусобод йўналишининг иккинчи босқичини қуриш ишлари доирасида ер ости ўтиш йўли барпо этилиши сабаб бўлган.

Аҳмад Дониш кўчасининг Янги шаҳар кўчаси кесишмаси орасидаги (Юнусобод бозори ёнида) 3 томонлама ҳаракатланиш йўли ҳамда Аҳмад Дониш кўчасининг (“Уч бақалоқ” кафесидан) Юнус ота кўчалари кесишмаси орасидаги йўллар 2019 йил 12 декабрга қадар вақтинча ёпилади.

Мазкур ҳудудлардан ўтувчи 5, 52, 60, 72, 82, 91, 96, 97, 140, 149, 152, 190-сонли йўналишлардаги автобусларнинг ҳаракат йўли вақтинча йўловчиларга қулай ва хавфсиз бўлган ёндош кўчалар орқали ўтказилади.

Хабарда йўналишларнинг ўзгартирилиши муносабати билан ҳаракат хавфсизлиги ва йўловчилар ташиш қоидаларига қатъий риоя этиш юзасидан ҳайдовчи ва чиптачилар ўртасида навбатдан ташқари йўриқномалар ўтказилгани қўшимча қилинган.

145
Теглар:
йўллар, йўналиш, автобус

Мактаблар аҳволига қараб 8та тоифага бўлинган вазирлик

47
(Янгиланган 17:29 22.01.2021)
Энг оғир вазият - кичик мактаб филиалларида бўлгани сабаб, ушбу филиаллар ўрнига катта синфлар ҳам ўқиши мумкин бўлган 200 ўринли мактаблар қуришни режалаштирган.

ТОШКЕНТ, 22 янв – Sputnik. Ўзбекистонда мактаблар умумий ҳолати, мавжуд инфратузилмаси ва бошқа  кўрсатгичлари бўйича ўзига хос сифат тоифаларига бўлинган ва уларни янгилаш вазият энг ёмон бўлган жойлардан бошланмоқда.

Бу ҳақида Халқ таълими вазири ўринбосари Иброхим Жураев АОКАда бўлиб ўтган матбуот анжуманида.

"Мактабларнинг инфратузилмаси бўйича, яъни талаб этиладиган ўқувчилар сиғими, спорт зали, филиали, иситиш тизими, умуман мактабнинг тўлиқ фаолияти учун зарурий шароит ҳолати бўйича таҳлиллар мавжуд.

Мактаблар ҳолатини бирма-бир кўриб, хатловдан ўтказиб, ўзимиз учун алоҳида категоряларга ажратиб олганмиз. Ўта оғир, оғир, ўрта, яхши ва жуда яхши – деган тоифаларга ажратиб олганмиз.  

Очиқ айтиш керак, ўта оғир ва оғир ҳолатлар ҳам мавжуд. Ўта оғир тоифага мактаб филиаллари киритилган. Аҳволи аянчли бўлган мактабларимиз ҳам бор. Олдин аҳолини ҳашар йўли билан жалб этиш орқали 20, 30, 50 та болага мўлжалланган мактаб филиаллари қурилган.

Энди бу филиаллар ўрнига шу маҳалла ва атрофда яшайдиган 5-11 синф ўқувчилари узоққа қатнаб ўқимаслиги учун камида 200 қувватга эга мактабларни қуриш режалаштирилган.

Бунинг яна бир эътиборли жиҳати — яхши, замонавий мактаб бўлганидан сўнг малакали ўқитувчиларни жалб қилиш имконияти мавжуд бўлади", - дейди вазир ўринбосари.

2018-2020 йилларда республика бўйича 294 минг қўшимча ўқувчи ўрни яратилган. Бугунги кунда Республикада  10 мингдан ортиқ мактаб фаолият юритмоқда.

47

Президент Бухорода ёш дастурчилар билан суҳбатлашди

101
Бухоро IT Parkида ўқувчи, талаба ва фрилансер дастурчилар робототехника, веб дизайн ва профессионал дастурлашни ўрганади.

ТОШКЕНТ, 22 янв - Sputnik. Ўзбекистон президенти Шавкат Мирзиёев Бухоро вилоятига амалга оширилаётган ташрифи доирасида Бухоро шаҳридаги давлат хизматлари маркази ва IT Park ни бориб кўрди.

IT Parkнинг Бухоро филиалида ўқувчилар, талабалар ва фрилансер дастурчилар ўйинлар орқали ахборот технологияларига қизиқтирилади, кейин ўқитилиб, лойиҳалар ишлаб чиқишга ўргатилади. Бу ерда ёш ҳаваскорлар, робототехниклар, веб дизайнерлар, профессионал дастурчилар йиғилган.

– Бухоро азалдан илм-фан маркази бўлган. Бугун ҳам билимли, интилувчан ёшлар кўп. Бухоронинг IT соҳаси бўйича брендини яратиш керак. Бунинг учун барча нарса – шароит, ресурс, интеллект бор, – деди Шавкат Мирзиёев.

Президент шунингдек долзарб иқтисодий-ижтимоий масалалар бўйича ёш дастурчиларга буюртма бериш, маблағ, энергия ресурслари ва вақтни тежовчи дастурий маҳсулотлар яратиш бўйича кўрсатмалар берилди.

Айни дамда Bukhara City мажмуасида IT Park учун янги 9 ва 12 қаватли замонавий бинолар қурилмоқда. Мажмуада коворкинг маркази, офислар, меҳмонхона, ресторан ва спорт заллари бўлади. У ерда 700 дан зиёд иш ўрни яратилиши режалаштирилган.

 

101
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

63
(Янгиланган 17:40 22.01.2021)
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилди.

21 январь куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 10 миллион қирғиз сўмини сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

Бугун Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январ куни Миллий филармониянинг катта залида бўлиб ўтади.

63
Теглар:
интернет, инаугурация, инаугурация маросими, сайлов, Садир Жапаров, Бишкек, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Мирзиёев Садир Жапаров билан қўнғироқлашди. Нима ҳақда гаплашишди?