TOShKENT, 12 dek - Sputnik. Surxondaryoda 16 dekabr kuni matematika va fizika fanlaridan maktab o‘quvchilari uchun ochiq olimpiada bo‘lib o‘tadi, deb xabar qilmoqda Xalq ta’limi vazirligi.
"Termiz shahrida bo‘lib o‘tadigan ushbu olimpiadada mamlakatimiz umumta’lim maktablarining 8-9-sinf o‘quvchilari ishtirok etishi mumkin. Olimpiadada 5 ta masalani yechish uchun 3 soat vaqt beriladi va har bir masala 10 ballik tizimda baholanadi", - deyilgan xabarda.
Olimpiada ishtirok etishni istovchilar o‘zlari haqidagi ma’lumotlarni xabarda ko‘rsatilgan telegram raqamiga yuborishlari kerak. Ishtirokchilarini ro‘yxatga olish 2019-yil 15-dekabr soat 13:00 ga qadar davom etadi.
