TOShKENT, 25 mar — Sputnik. O‘zbekistonda belgilangan muddatda avtomototransport vositalarini davlat ro‘yxatidan o‘tkaza olmagan va texnik ko‘rikka taqdim qila olmagan fuqarolarga nisbatan vaqtincha ma’muriy choralar ko‘rilmaydi. Bu haqda IIV YHXBB axborot xizmati xabar qilmoqda.
Ta’kidlanishicha, 2020-yil 24-martdan boshlab Davlat yo‘l harakati xavfsizligi xizmatining Ma’muriy amaliyot, Ro‘yxatdan o‘tkazish va imtihon olish, Transport vositalarining texnik holati ustidan nazoratni tashkil etish (texnik ko‘rikdan o‘tkazish) bo‘lim va bo‘linmalarida fuqarolar qabuli vaqtincha to‘xtatildi.
Ushbu qaror respublikada koronavirus kasalligi tarqalishini oldini olish bo‘yicha karantin joriy qilinganligi munosabati bilan qabul qilingan.
Quyidagi havolada keltirilgan raqamlarga murojaat qilib, batafsil ma’lumot olish mumkin.
